2 कुरिंती 6:5 - Korwa Bible

⁵ होड़कू अले गुरुंदतेकू ञेडतेडलेःआ अरू जेहेलरेकू सींगतेडलेःआ अरू अले बदीरेकू हलो-गदोड़िःआ। अले मुरुकले मिहनइतगेःआ अरू तोनोंग रइतरे बेगर अपीगते अरू रंगेगतेले दोहोना।

2 कुरिंती 6:5 Referans Kwoze

2 कुरिंती 11:27

ईंग मुरुकिंग मिहनइतगेःआ अरू कटसियायिंग परावनेना अरू रइत रइत मेरिंग अपीगा। रंगेगतो अरू ततंगतोयिंग दोहोना अरू घड़ी घड़ी बेगर जोमतेयिंग दोहोना। ईंग ररंगिंगा अरू डेंडलेयिंग दोहोना।

मूक चेलाकू 17:5

मनदो तोनोंग एहूदाकू इराते पेरेगनेनखन तोनोंग तोनोंग बेलूर होड़कूकू एचे जुमावतेरा अरू जमा सहररे कड़ीगकू एचे रेमतेरा। अरू आसोन ञावीग होड़राः ओड़ाः अगीकू सेनेडा अरू पउलूस अरू सिलास होड़कू तलारे अगूकिन लगाकू ओंगलेःआ।

उदुःतो कताकून 2:10

कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।

इबरानी 13:23

अपे नाःआपे सुदीबाःका, अबूरीग बोहोबू तिमुतियूस जेहेल अतेय उडुंगयना। हाँय हलीय वेग जुवाः दो अपेका जुमाः लगालिंग सेनता।

इबरानी 13:17

अपेरिकुःआ मूक होड़कू अपेकू तिहा हड़ाःता। हनालगा हँकूराः हुकुमपे मनाः अरू हँकूराः आड़रेपे दोहोन। हँकूके अपे बदीरे भगवान एचेरे आभा पुपुराव पराःता। हँकू बनाहालते नाःआ बुताकूपे एचे ओवाकू। हँकूके नाःआ बुता हंबाल इया होया जुवाः दो, अपे लगा तोनोंगाः नफा ओरो होयानेना।

इबरानी 11:36

हँकू अते तोनोंग तोनोंग होड़कू एटाः होड़कू बेग-हतावातेरा अरू तोनोंग तोनोंगकू गुरुदतेकू ञेडतेडकुःआ अरू तोनोंग तोनोंगकू सिकिड़ीतेकू तोलतेडकूखन जेहेलरेकू एचे सींगगोतेडकू।

2 तिमुतियूस 4:5

मनदो तिमुतियूस, जमा बेला ओंगोल समझाव घड़ीन कटसिया सहावकेडखन नपाय सरवन परसारराः बुताम बुता अरू भगवानराः सेवाम सेवा पुराव।

2 तिमुतियूस 2:9

अरू हनानाः सरवन लगा कटसिया सहाव घड़ीन ईंग जेहेलरे इदानिंगा। मनदो भगवानराः सरवन तोलतो कोवानेःआ।

2 तिमुतियूस 1:8

हनालगा आम परबू ईसूराः नपाय सरवन होड़कू एचेरे कता उदुःगे लगा सहे हाँयराः नपाय सरवन परसार अते जेहेलरे सींगतो इदानिंगा ईंग बदीरे हों अहम गियुः, मनदो भगवानराः जंगरते ईंग सुदा नपाय सरवन लगा कटसियाम सहाव।

1 तिमुतियूस 4:10

जीयत इदानिया हाँयग भगवान एचेरे अबूराः असरा इदा। हाँय जमा होड़कूरीग सडावदार हवे अरू हाँय आँयग एचेरेकू बिसवासगेता हँकुःआ होड़कूय सनाडावबाःकूता। हनालगा अबू मिहनइत घड़ीनबू सेसेवातना।

1 तिसलूनिका 2:9

ने अजी बोपोहकूतिंग, अपे उहियारगेतनापे जा, अले भगवानराः नपाय सरवन अपे एचेरे परसारगे मेला दिन रइत उगार उडुंगवामिन घड़ीनले बुता जोमा, जेमहा तोनोंगीग लगा बोझा अलो होयाः।

पिलिपी 1:13

मरंग राजा कइसरराः गड़हीरिकुःआ अगुरादारकू अरू मुरुक होड़कू ईंग बदीरेकू सुदीगोतेडा, हाँय ईसू मसी बदीरेय परसारतेरा। हनालगा जेहेलरे सींगतो इदानिया, माःआन।

इपीसी 3:1

ईंग पउलूस, अपे बेगर एहूदाकू एचेरे ईसू मसी बदीरे परसारगे अते जेहेलरे सींगतो इदानिंगा।

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

1 कुरिंती 7:5

तोनोंग इया होयाः, अलोपे बरजाव होड़ेंग। मनदो तोनोंग बेला वरी, अरजी लगा मी रायकियानखन एटाः एटाःरेपे दोहो अवेनता। हना तयोमते अपे मिनीरेपे जुमाव जुवाः, अरू अपे संभाड़गुः घड़ीनपे दोहोन अते कलउ अपे अरोय अंदजाव अवेतेडपेःआ।

1 कुरिंती 4:11

अले नाःआ बेला वरी रंगेग ततंगतो अरू सोनहे गेंदरा तुसिंगतो अरू उलत-कलातकू चपड़लेता अरू बेगर ओड़ाःते इदानलेःआ।

मूक चेलाकू 28:30

दो पउलूस अनँयग किराया ओड़ाःरे बार बरिस वरीय दोहोना।

मूक चेलाकू 26:29

दो पउलूस कतातेरा, “हुडिंग सहे बगरा बेलाते आम एकला कोवान, मनदो ईंगराः बड़राकू अयूमता, हँकुःआ जमा होड़कू नाःआ सिकिड़ीकून अड़ाःकेडखन ईंग इयाकू होया जुवाः लगा ईंग भगवान एचेरेयिंग अरजीतना।”

मूक चेलाकू 26:10

अरू एरुसलेमरे हनानाःयिंग एचेतेरा। मरंग पुजउरी होड़कू अते हातपात पवावनेनखन मुरुक बगरा बिसवासी होड़कू जेहेलरेयिंग एचे सींगतेडकुःआ। अरू हँकुःआ होड़कूकू ञेड एंडाःआ बेला ईंग हों नाःआ कतारे हँकू बदीरेयिंग रायनेना।

मूक चेलाकू 24:27

दो बार बरिस होयानेन तयोमरे पुरकियूस पिसतूस, पेलिकसराः बदलारे मरंग हातपात होड़े बड़ाँवयान। मनदो पेलिकस एहूदाकू एचे बहालकू लगा पउलूस तोलतो इयाय दोहो ओवातिरिया।

मूक चेलाकू 23:35

दो हाँय पउलूस एचेरेय कतातेड, “आमकू बदीकेरा हँकुःआ होड़कू वेगता हनमेला आमिंग फड़ियावता।” हनते हाँय हरदोसराः गड़हीरे पउलूस एचे इदीकिडिगखन अगुरा होड़कू हाँय नपायते अगुरागे लगाय हुकुमवातेडकुःआ।

मूक चेलाकू 23:10

हँकुःआ होड़कू तलारे मुरुक कड़ीग होयानेन अरू हाँयग मरंग हातपात होड़ बोराः, नँकुःआ होड़कू पउलूसकू सरी-मतरी एंडागोडेयता, माःआन। हनालगा सइना होड़कू लतार अगी सेनेवाडखन पउलूस हँकुःआ होड़कू अते सइनाकूराः गड़हीरे तोतकाव अगूकू लगाय हुकुमतेरा।

मूक चेलाकू 20:31

हनालगा सवासितीपे दोहोन। अंदांज पेय बरिस वरी ईंग इयाम घड़ीन दिन रइत अपेयिंग सेतावगोड ञवना।

मूक चेलाकू 14:23

पउलूस अरू बरनाबास मेमेडटोंग कलसिया लगा अगुवा होड़कूकिन सुनावतेरा अरू उपास अरू अरजी घड़ीन हँकिन हँकुःआ होड़कू बिसवासतेरा हाँयग परबू एचेरेकिन जिमागोतेडकू।

मूक चेलाकू 14:19

हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

मूक चेलाकू 13:3

दो हँकू जमाकू अरू उपास घड़ीनकू अरजीतेरा। हनते हँकू हँकिन बना होड़किन चोटरे तिःई खेपातेडखन भगवान हँकिने एटाःकेरा हना बुता एचे लगाकू वारगोतेडकिन।

मूक चेलाकू 5:18

हँकू ईसूरिकुःआ मूक चेलाकूकू एचे साबतेडखन जेहेलरेकू एचे सींगगोतेडकू।

मती ओजाःतेरा भगवानराः नपाय सरवन 14:10

“हाँयग एहुनाराः बोः छिपीरे अगुगोडवायपे।” हनते सइना होड़कू जेहेलरेकू सेनेडा अरू एहुनाराः होटोःकू गेडगोतेड।

मती ओजाःतेरा भगवानराः नपाय सरवन 14:3

मड़ंगरे हरदोस अनँयग वगात पिलिपूसरीग अइमी हेरोदियास अनँयग अइमीय बड़ाँवगोतेडीग।

मती ओजाःतेरा भगवानराः नपाय सरवन 9:15

दो ईसू हँकू एचेरेय कतातेरा, “बरबाबू सुदाकू दोहोनता हँकुःआ बरतियाकू चिला लगाकू फिकिराःआ? मनदो तोनोंग दिनरे बरबाबू हँकू अतेकू गोःगेयता, दो हनमेला हँकू उपासरेकू दोहोनता।”