2 कुरिंती 6:16 - Korwa Bible

¹⁶ भगवानराः ओड़ाः अरू मुरतीकून तोनोंग इया मेसानता जा? भगवान कताकेरा, “ईंग हँकूराः इंदरीरेयिंग बसाःता, अरू हँकू एचेरेयिंग सेन दूरता, ईंग हँकूरीग भगवानिंग होयाःता, अरू हँकू ईंगरिकुःआ होड़कूकू दोहोनता।” हनन इया अबू जीयत भगवानराः ओड़ाः हवे।

2 कुरिंती 6:16 Referans Kwoze

उदुःतो कताकून 21:3

अरू ईंग गदी अते तोनोंगीगराः मुरुक सटी खिररीयिंग अयूमतेरा, “भगवान नुँहू मनुवा सुदाय डेरानता, अरू हाँय हँकू सुदाय दोहोनता। हँकू हाँयरिकुःआ होड़कू होयाःता। भनगवान हमा हँकू सुदाय दोहोनता अरू हाँय हँकूरीग भगवाने दोहोनता।

इबरानी 8:10

परबू कतायतना, हना दिनराः तयोमते इसराएलरिकुःआ होड़कू सुदा नाःआ इयायिंग कता-जमकावगेता। ईंग ईंगराः नियम हँकूराः जीवरेयिंग दोहोगोडता, अरू हँकू इंदरीरेयिंग ओजाःगोडता। ईंग हँकूरीग भगवानिंग दोहोनता अरू हँकू ईंगरिकुःआ होड़कूकू दोहोनता।

1 कुरिंती 6:19

अपे मेरपे सुसुदीतना जा, अपेराः देह सुद बिरुवाराः डेरा हवे। अरू हाँयग बिरुवा भगवान अगीतेःआ दहिन हवे अरू हाँय अपे जीवरेय दोहोनता। दो अपे अँननपेरिकुःआ ना लवे।

रूमी 8:11

भगवानराः बिरुवा, ईसू मसी गोएगतो होड़कू अतेय जियाव रेमकिरिया। अरू हनाँयग सुद बिरुवा अपे जीवरे होंय दोहोनता। भगवान ईसू मसी गोएगतो होड़कू अतेय जियाव रेमकिरिया। हनन इया हाँय हनाँयग सुद बिरुवाते अपेराः गुजुः इयाःआ देहकूने जियाव रेमता।

उदुःतो कताकून 21:7

जितावबाः जुवाःता हँकुःआ होड़कू नाःआ जमाकूनराः इताडदारकू होयाःता। ईंग हँकूरीग भगवानिंग दोहोनता अरू हँकू ईंगरिकुःआ लइंकू दोहोनता।

1 एहुना 4:15

तोनोंगीग होड़ एटाःकू एचेरेय कतायता, ईसू भगवानरीग बेटात हवे, माःआन दो हाँय जीवरे भगवान दोहोनता अरू हाँय हों भगवान सुदाय मिनी जुवाःता।

इपीसी 3:17

अपेराः बिसवासते ईसू मसी अपेराः इंदरीरेय डेरान लगायिंग अरजीतना। जेर गहीर सेनेकियानखन सींग बड़ियाड़गेता अरू ओड़ाः खुंटा बड़ियाड़गेता, हनन इया अपेराः जीव अलार दुलारते बड़ियाड़ जुवाः लगा होयिंग अरजीतना।

एहुना 6:56

ईंगराः देहे जोमगोडता अरू ईंगराः बलंगीय ञूयता हाँयग होड़ ईंग सुदा मिनीय दोहोनता अरू ईंग हों हाँय सुदा।

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

1 पतरस 2:5

दो जीयत दिरिकून इया सुद बिरुवा अपे भगवानराः सताय ओड़ाःरे एटाः होड़कू सुदा जोड़ावकेडपेखन सुद पुजउरीकू तुलापेतना, जेमहा भगवान ननायगुःता हना सुद बलिदानकून, अपे ईसू मसीतेपे देग अवेयता।

2 तिमुतियूस 1:14

अबू जीवरेय दोहोनता, हाँयग भगवानराः सुद बिरुवाते आम एचेरेय जिमाकेरा हना सताय सरवनमे जतनगे।

1 एहुना 4:12

तोनोंगीग होड़ भगवान नुँहू वरी मेरकू ञेलगडिया। मनदो अबू अलार-दुलार होड़ेंगता होले भगवान अबू जीवरेय दोहोनता अरू हाँयराः दुलार अबू जीवरे उडु-बुडू जुवाःता।

रूमी 9:26

अरू, “अपे ईंगरिकुःआ होड़कू ना लवे, माःआने कता उदुःतेरा हँकुःआ होड़कूकू राःकूता, अपे जीयत भगवानरिकुःआ लइंकू हवे, माःआन।”

रूमी 8:9

भगवानराः बिरुवा अपे जीवरेय दोहोनता दो अपे कसूरराः लूर-नेवन इया मेरपे सलाःता, मनदो सुद बिरुवाराः ओंगोल इयापे सलाःता। अरू ईसू मसीराः बिरुवा अनँयग जीवरे कोवानेःआ हाँयग होड़, ईसूरीग होड़ ना लवे।

इपीसी 2:20

अरू अबू हना ओड़ाःराः फड़ा इयाबू बड़ाँवयना। इनीसू मसी हना ओड़ाः तलाराः बड़ियाड़ खुंटा इया इदानिया अरू मूक चेलाकू अरू भगवानराः बड़रा कता होड़कू, ओड़ाःराः धरी खुंटाकून इया इदानकुःआ।

मती ओजाःतेरा भगवानराः नपाय सरवन 6:24

तोनोंगीग होड़ बार होड़ मालिककिन ओरोय सेवा अवेतेडकिना। हाँय मी होड़ मालिके हिनइस-बिनइसवायता अरू एटाः होड़ मालिके अलार-दुलारगेयता। हाँय मी होड़ सुदा अकूस मनाः घड़ीने दोहोनता अरू मी होड़े आड-बेकारवायता। अपे भगवान अरू आन-धान बनर ओरोपे सेवा अवेतेरा।

उदुःतो कताकून 2:1

इपीसी सहरराः कलसियारीग बराहील लगा नाःआ चिठीम ओजाः सातगोटोंग इपीलकू खउना तिःईरे साबकेडखन सोनाराः सातगोटोंग ढिबरीकून तलारेय दँड़ातायीग नाःआ इयाय कतायता,

मती ओजाःतेरा भगवानराः नपाय सरवन 16:16

दो सिमोन पतरस कता कुदातेरा, “आम मसी हवे, जीयत इदानिया हाँयग भगवानरीग बेटात हवे।”

एहुना 14:23

दो ईसू कतातेड, “अपे तोनोंगीग ईंगपे अलार-दुलार दो, हाँय ईंगराः सरवने मनेवाता। ईंग अपांग हाँये अलार-दुलारता अरू अलिंग हाँय एचेरे सेनेकियनखन हाँय सुदालिंग दोहोनता।

1 कुरिंती 10:21

अपे ईसू मसीराः गुजुः उहियार लगापे जोम-ञूय दो भूतकू लगा बलिदानतो हों अपे ओरोपे जोम-ञू अवेतेरा।

इपीसी 2:22

ईसू मसीरे सुद बिरुवाते अपे बेगर एहूदाकू हों, भगवान दोहोन लगा ओड़ाःपे बड़ाँःतना।

1 तिमुतियूस 3:15

जेमहा ईंग सेनरे कुबेर जुवाः दो आम सुदी अवेयता, बिसवासी होड़कू करा इया भगवानराः ओड़ाःरे नपाय लूर नेवनते जियाः लगा इदा, हना। भगवानराः ओड़ाः सताय सरवनराः खुंटा अरू पया इया दोहोनता हना जिनियत भगवानराः कलसिया हवे।

एकूब 4:5

भगवानराः कागदरे ओजाःतो इदा हना कता सदाःआ इदा माःआनपे ओंगलेता जा, अबू जीवरे दोहोन लगाय एमेकेरा हाँयग सुद बिरुवा बदीरे भगवान मेरेय तरसाःता जा?

लूका 5:36

ईसू, अरू मीटोंग कहड़ी हँकू एचेरेय कता उदुःतेरा, “तोनोंगीग होड़ जुना सोनहेरे नँवा सोनहेराः चिरकूट ओरोय सोःतेरा। नान उड़ीय एचेय दो, नँवा सोनहे हिराः जुवाःता अरू जुना सोनहेरे ओरो मेसानेना।