2 कुरिंती 5:21 - Korwa Bible

²¹ मसी कहियो मेरेय कसूरगरा। मनदो भगवान अनँयगराः ओंगोलरे अबू बेगर गारबार होड़कू बड़ाँवबू लगा, हाँयग मसी कसूर होड़े बड़ाँवतिरिया।

2 कुरिंती 5:21 Referans Kwoze

1 पतरस 3:18

भगवानराः ओंगोलरे अबू बेगर गारबार होड़कूय बड़ाँवबू लगा, बेगर गारबारीग इनीसू मसी मिनी जूदा अबू जमा कसूर होड़कू लगा, कटसिया सहावतेडखने गोएगनेना। हाँय देनेह देहरेय गोएगनेना मनदो भगवान हाँयराः बिरुवाय जियाव रेमगोतेडा।

रूमी 5:19

अरू आदम भगवानराः नियमे टड़ाव एंडागोतेडा। हना अते अबू जमा होड़कू कसूर होड़कूबू बड़ाँवयना। हनन इया ईसू मसी भगवानराः कताय मनाः अते अबू मुरुक होड़कू बेगर गारबार होड़कूबू बड़ाँवयना।

गलातिया 3:13

भगवानराः कागदरे ओजाःतो इदा, तोनोंगीग कठवारेकू ठोंकावगेयतान दो, हाँयग होड़ सती-सरापतोय दोहोनता। दो ईसू कुरूसरेकू ठोंकावतिरिग मेला, हाँय अबूराः कसूर बदलारे सती-सरापनेनखन नियमराः सती-सरापतेय सडावकेडबुःआ।

1 एहुना 3:5

अपे सुदीयतना ईसू मसी अबूराः कसूर चलाःगे लगा नाःआ चउंदीसरेय वेजेडा अरू हाँय एचेरे तोनोंगाः कसूर कोवानेःआ।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

पिलिपी 3:9

नुँहू ईंग ईंगराः तोनोंगाः नपाय बुता एचे अते सहे नियम मनाः अते भगवानराः ओंगोलरे बेगर गारबार होड़ मेरिंग बड़ाँवगना, मनदो ईंग ईसू मसी एचेरेयिंग बिसवासकेरा, हना अते ईंग भगवानराः ओंगोलरे बेगर गारबार होड़िंग बड़ाँवकिया। हाव, बिनिसवास एकलाते भगवानराः ओंगोलरे बेगर गारबार होड़िंग बड़ाँवकिया।

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

इबरानी 4:15

दो हाँय अबूराः अबड़ाव जीव-जहन बदीरेय सोगा अवेवाबूता। हनालगा अबू कबुलाःता हना बिसवासरे बड़ियाड़बू दोहोन,

रूमी 4:25

ईसू मसी अबूराः कसूर बदलारे गुजुः लगा अनँयग आँयग जिमायान अरू भगवान अबू एचे मनावबू लगा ईसू मसी गोएगतो होड़कू अतेय जियाव रेमकिडिया।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

रूमी 1:17

भगवानराः कागदरे ओजाःतो इदा, “भगवान बेगर गारबारीग होड़े बनाड़ाँवकिरिया, हाँयग होड़ बिसवासतेय जियावगोड ञवनता।” हनन इया नपाय सरवनरे बुँहड़ीन अते टुटीग वरीय बिनिसवासगोड ञवनता, हनाँयग होड़ भगवान बेगर गारबारीग होड़े बड़ाँवगेयता।

इबरानी 7:26

इनीसू हमा अबू जुकूर मरंग मूक पुजउरी। हाँय सुद अरू बेगर गारबार अरू बेगर कसूरीग इदानिया। नुँहू हाँय सेरमो देसरे मुरुक मान मरजइत सुदा इदानिया।

मूक चेलाकू 3:14

अपे सुद अरू बेगर कसूरीग होड़ ईसूपे आड-बेकारवातेरा अरू हाँय बदलारे ञेड एएंडा होड़पे एचे अड़ाःतेरा।

लूका 1:35

सेरमो देसरीग बराहील हाँय एचेरेय कताया, “सुद बिरुवा आम एचेरे वेगता अरू जमाकू अते मरंग भगवानराः जंगर आम एचेरे दोहोनता। हनालगा जनमावगुःताय हाँयग सुद लँइग भाबी भगवानरीग बेटा हवे, माःआनकू कतावायता।