2 कुरिंती 5:14 - Korwa Bible

¹⁴ जे हों सकालाःले एचेयता हना अले मसीराः दुलारतेले एनेचेयता अरूले सुदीबाःगोडता, मसी जमाकू लगाय गोएगनेना, माःआन। हनालगा अबू जमाकू हाँय सुदाबू गोएगयना।

2 कुरिंती 5:14 Referans Kwoze

गलातिया 2:20

अरू नुँहू ईंग मेरिंग जियाःतना, मनदो ईसू मसी ईंग इंदरीरेय जियाःतना। ईंग दुलारकेडखन अनँयग जीव ईंग लगाय एमेकेरा हनाँयग भगवानरीग बेटात ईसू मसी एचेरे बिसवासकेडखन नुँहूयिंग जियाःतना।

रूमी 5:15

भगवान मिनी जीवतेय दहिनवाडबुःआ, हना दहिन अदमराः कसूर इया कोवानेःआ। मिनी होड़राः कसूरते मुरुक होड़कू गोएगनेना। मनदो एटाः होड़, ईसू मसी, अबूय मयावाडबूखन भगवानराः दहिने एमेकेरा। हना अते भगवान मुरुक होड़कूराः कसूरे बराव एंडागोतेडा।

मती ओजाःतेरा भगवानराः नपाय सरवन 20:28

मनुवारीग बेटा अनँयग एचे सेवान लगा मेरेय वेगगना। मनदो हाँय जमा होड़कूय सेवा लगा अरू अनँयग जीव एमे अटूकेडखन होड़कू सडावकू लगाय वेगकिया। हनन इया अपे हों एटाःकूपे सेवाकू।”

1 पतरस 1:8

अपे नुँहू वरी ईसू मसी मेरपे ञेलगडिया। हनते हों अपे हाँयपे दुलारतना। अपे नुँहू हों हाँय मेरपे ञेलेयतना, हनते हों अपे हाँय एचेरेपे बिसवासगोड ञवनतना, अरू ओरोपे उदुः चबा अवेतेरा हना मुरुक बगरा बहालते इदानपेःआ।

एहुना 1:29

एटाः दिन एहुना आँयग अगी ईसू वेगतो ञेलतिडिगखने कतातेरा, “ञेलेयपे, चउंदीसरिकुःआ होड़कूराः कसूरे बराव एंडाता भगवानरीग भेड़ा होन ननाँय हवे।

इबरानी 6:10

भगवान जमालेःआ नपाये एचेयता। हनालगा अपेराः बुता अरू भगवानरिकुःआ सुद होड़कू सेवा घड़ीन हाँयपे दुलारकेरा हना, हाँय ओरोय लिड़िंगतेरा। अपे नुँहू हों हँकूपे सेवागोड ञवनतना।

2 कुरिंती 3:9

डंड एमेता हना कता-जमकावतो नपाय दोहोना दो, होड़कू बेगर गारबारकू बड़ाँवगोडकूता हना नँवा कता-जमकावतो, जुना कता-जमकावतो अते अरू बगरा नाय नपाय चिला लगा मेर होयाकुःआ?

इबरानी 2:9

मनदो अबू ईसूबू ञेलता। दो गुनमिन बेला लगा हाँय सेरमो देसरिकुःआ बराहीलकू अते भगवान हुडिंगे बड़ाँवतिरिया, जेमहा हाँय भगवानराः मयाते जमाकू लगा गुजुःए अटकार अवे। अरू नुँहू हाँय गुजुः सहावतेडखन मान मरजइते पवावकिया अरू मरंगे बड़ाँवयना।

तितूस 3:3

मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।

1 तिमुतियूस 5:6

मनदो अनँयग बहालगुः लगा एकलाय ओंगोल ञवनता हाँयग रंडियाहीन जीयात इदानीग हों गोनेगतो इदानिया।

1 कुरिंती 16:22

तोनोंगीग परबू मेरेय अलार-दुलारगेय दो, हाँय सती-सरापतो इदानिया। ने अलेरीग परबू, वेनेगबाःकनमे।

1 तिमुतियूस 2:6

जमा होड़कू कसूर अते सडावकू लगा हाँय किमइत एमेकेडखन कुरूसरे गुजुः लगा अनँयग आँयग जिमायान। नाःआ सरवन भगवान तोल दोहोतेरा हना बेला चउंदीसरिकुःआ होड़कू एचेरेय उदुःतेरा।

कुलूसी 2:13

मड़ंगरे अपे कसूरते अरू अपेराः बेलूराः नेवनते, बेगर खतनात होड़कू अरू गोएगतो होड़कू इयापे दोहोना। मनदो भगवान अबूराः कसूर बराव एंडाकेडखन, मसी सुदाय जियाव रेमकेडबुःआ।

इपीसी 6:24

सतायरे अबूरीग परबू ईसू मसीकू दुलारगोड ञवनतना हँकुःआ होड़कूराः जीव सगर सइट भगवान मयावागोड ञवन।

एहुना 11:25

दो ईसू हाँय एचेरेय कतातेरा, “गोएगतो होड़कू, अरू जियाव रेमकूयीग अरू जीव एमेयीग इनिंग हवे। ईंग एचेरेय बिसवासगेता हाँयग होड़, गोएग जुवाः होंय जियाव जुवाःता।

1 कुरिंती 2:14

सुद बिरुवा तोनोंगीग होड़ एचेरे मेरेय दोहोन दो, हाँय सुद बिरुवाराः कताकून मेरेय मनाःता अरूय एरांगवाता। सुद बिरुवा एकला भगवानराः कताकूने एचे सुदीकूता। हनालगा हँकुःआ होड़कू हना कताकून मेरकू बुझाव अवेनता।

लूका 15:24

ईंग बेटा गोएगतो इयाय दोहोना, नुँहू नाँय जियावयनाय, केड़ेनेनाय नुँहूयिंग पवावयान। अरू हँकू रीझ रंगगोडाकू।

1 एहुना 5:19

अबू सुदीयतना अबू भगवानरिकुःआ लइंकू हवे अरू जमा चउंदीसरिकुःआ होड़कू बेलूर इदानिया हाँयराः आड़रे इदानकुःआ।

2 कुरिंती 3:7

गुजुःराः डंड एमेता हना जुना कता-जमकावतो भगवान दिरिरे ओजाःतेडखन मोसेसे ओवातेरा। लवकाःतो भगवान अते मोसेस हना नियमे पवावनेन अते हाँयराः सुरइत हों लवकाःआ। हना लवकाः ओहराव उतराःआ। हनते हों इसराएल होड़कू हाँयराः सुरइतरे मेरकू ञेल रोपाव अवेया।

रूमी 2:2

अबू सुसुदीतना नाःआ इयाकू एचेयता हँकुःआ होड़कू भगवान सतायतेय फड़ियावकूता।

एहुना 5:25

अपे ईंगपे अयूम, मी बेला सुदुरुःता, अरू हनमेला गोएगतो होड़कू भगवानरीग बेटातराः अरोकू अयूमता अरूकू जियाःता। मनदो हना बेला नुनुँहू बुँहड़ीयना।

मूक चेलाकू 18:5

मकिदुनिया राइज अते सिलास अरू तिमुतियूस वेजेडा दो पउलूस कुंबा तुला बुता अड़ाःतेडखन सरवने परसारगोड ञवना। हाँय एहूदाकू एचेरे ईसू, मसी हवे माःआने कतागोड ञवना।

लूका 24:29

दो हँकिन कताया, “नुँहू अयूबगुःतना। हनलगा आम तिसिंग अलिंग सुदाम दोहोन।” दो ईसू हँकिन सुदा दोहोन लगा ओड़ाः पेंदारेय बोलोनेना।

लूका 15:32

मनदो आम बोहोम गोएगतो इयाय दोहोना अरू नुँहू जियावयनाय। हाँय केड़ेनेनाय अरू नुँहूयिंग पवावयना। हनालगा नुँहू अबू बहालरे दोहोन इदा।”

रूमी 6:6

अबू मीटोंग कताबू सुसुदीतना, अबूराः जुना जीव ईसू सुदा कुरूसरे ठोंकाव गोएगतो इदा, जेमहा अबूराः कसूर जीव टुटीग जुवाः अरू अबू कसूरराः बोझारे कहियो अलोबू पराः।

रूमी 6:13

अपेराः देह दगलीकून बेलूर ओंगोल इया कसूरगे लगा अहापे एमेय। अपे कसूरते गोएगतो इयापे दोहोना, मनदो नुँहू अपे नँवा जीवपे पवावकिया। हनालागा अपेराः देह दगलीकून नपाय बुता बुता लगा भगवान एचेरेपे जिमागोड।

कुलूसी 3:3

अपेराः जुना जीव टुटीगयना अरू अपेराः नँवा जीव मसी सुदा भगवान एचेरे जबीततो इदा।