2 कुरिंती 4:6 - Korwa Bible

⁶ भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

2 कुरिंती 4:6 Referans Kwoze

1 पतरस 2:9

मनदो अपे सुनावतो होड़कू, राजारिकुःआ पुजउरीकू, मीटोंग सुद जइत अरू भगवानरिकुःआ निकता होड़कू हवे, जेमहा अपे अंदरा अते राःकेडपेखन अनँयगराः मुरुक नपाय मरसलरेय अगुकेडपेःआ हाँयग भगवानराः, मुरुक नपाय बुताकून एटाः होड़कू एचेरेपे कता उदुः अवे।

2 पतरस 1:19

नाःआते अले सुनुदीबाःगेतनाले, भगवानराः बड़रा कता होड़कूराः कता सताय हवे, माःआन। हँकू ओजाःतेरा हना सरवन तिंगीड घड़ीनपे मनाः। नाःआ सरवन अंदरारे निंदावा वरी मरसल एमेयता हना ढिबरी इया इदा। हनते अंगुः इपील इदानिया हाँयग ईसू मसी, अपेराः इंदरीरेय विड़चेड़ता।

इपीसी 5:8

मड़ंगरे अपेराः जीव अंदरारे दोहोना, मनदो नुँहू परबू अपेराः जीवे मरसलगोतेडा। हनालगा अपे भगवानराः मरसल पवावतो होड़कू इयापे जियाः।

2 कुरिंती 4:4

नाःआ चउंदीसरीग देवता, कलउ बेगर बिसवासी होड़कूराः जीवे अनंदरागोतेडा। ननानाः अते भगवानरीग सिरामइत मसी अगम मरंग इदानिया माःआन उदुःगेयता हना नपाय सरवनराः मरसल अँकू जीवरे मेरकू अटकार अवेयता।

इबरानी 1:3

भगवान तुमिन मरंग इदानिया हना हाँयग बेटात उदुःगेता अरू हाँय सिरामइत भगवान बरोबइर इदानिया। हाँय जमा जिया-जइतकून अनँयगराः अगम जंगर सरवनतेय संभाड़गोड ञवनता। हाँय होड़कूराः कसूर बराव एंडाकेडखन सेरमो देसरे इदानिया हाँयग मरंग भगवानराः खउना गतररे हातपात सुदाय दुड़ुःयना।

2 कुरिंती 3:18

मनदो बिसवासगेता अबू जमाकू हुमू आह बेगर पता रेडतो अते परबूराः अगम जबड़ जंगरबू अटकारगेता। परबू सुद बिरुवा हवे अरू हाँय अते हना जंगर अरू बगरा बगरा अटकार घड़ीनबू बदलाव इदीनता, जेमहा अबू परबू बरोबइरबू होया जुवाः।

एहुना 11:40

दो ईसू कतातेड, “आम बिसवासगे दो भगवान तुमिन मरंग इदानिया, हनाम ञेलता, माःआन आम एचेरे मेरिंग कतागाड जा?”

कुलूसी 1:15

भगवान तोनोंगीग ओरोबू ञेल अवेतिरिया, मनदो ईसू मसी सिरामइत भगवान बरोबइर इदानिया। हाँय मड़ंगीग बेटात हवे, अरू जमालेःआते मनारंग इदानिया।

इपीसी 1:17

जेमहा परबू ईसू मसीरीग अगम मरंगीग अपात भगवान, अपे सेरमो देसराः कनहूने एमेवापे लगा अरू अनउर नपायते हाँयपे सुदी अवे लगा अनँयगराः कताकूने उदुःवापे।

एहुना 1:14

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

1 पतरस 1:12

हँकू अँननकूराः नफा लगा कोवान, मनदो नपाय सरवनकू अयुमेता हँकुःआ होड़कू लगाकू सेवाःआ, माःआन भगवान हँकूय एचे सुदीवातेडकुःआ। अरू नाःआ बेलारे, भगवान सेरमो देस अतेय वारकेरा हाँयग सुद बिरुवाराः जंगरते पपरसार होड़कू अपे एचेरे, सेरमो देसरिकुःआ बराहीलकू हों बुझाः लगाकू तरसाःतना, हना नपाय सरवनकू परसारकेरा।

पिलिपी 2:6

हाँय जमालेःआते भनगवाने दोहोना, हनते हों हाँय भगवान बरोबइर दोहोन लगा, मेरेय ओंगोल दोहोगाड।

एहुना 12:41

मनदो एसयाह मड़ंगरे ईसूराः मान मरजइतेय ञेलतेरा। हनालगा हाँय हाँय बदीरे नाःआ कताय कता उदुःतेरा।

लूका 10:22

भगवान एचेरे ईसू अरजी चबाकेडखन हँकुःआ चेलाकू एचेरेय कताया, “ईंग अपांग ईंग एचेरे जमालेःआए जिमागोतेरा। अपात एकला सुदीयतना बेटात इये हवे अरू अपात इये हवे हना दो बेनेटात एकला सुदीयतना। अरू बेटात उदुःवाकू लगाय चहाःता हँननकुःआ होड़कू होंकू सुदीयता।”

मूक चेलाकू 26:18

जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

1 कुरिंती 12:8

तोनोंगीग होड़ सुद बिरुवाते कनहूनराः सरवने कतायता, अरू तोनोंगीग होड़ सुद बिरुवाते बुझाःराः सरवने कतायता। मनदो नाःआ दहिनकून मिनीटोंग सुद बिरुवा एमेयता।

2 कुरिंती 2:10

तोनोंगीगराः गारबारपे बराव एंडा दो, ईंग हों हाँयराः गारबारिंग बराव एंडागोडता। ईंग बराव एंडागे इयाःआ गारबार इदान दो ईंग अपेके नफा होयाः लगा मसीराः मड़ंगरेयिंग बराव एंडागोडता।

इपीसी 1:18

नाःआते भगवान चिला असराय एमेवापे लगाय राःकेडपेःआ हना नपायतेपे सुदी अवेय अरू भगवानके आँयगरिकुःआ सुद होड़कू एचेरे तुमिनाः मरंग इताड इदा, हना होँपे सुदी अवेय।

1 तिसलूनिका 2:12

जेमहा आँयगरिकुःआ होड़कू सुदा दोहोन लगा अरू आँयग सुदा मान मरजइतते राइजगे लगाय राःपेतना हाँयग भगवानराः ओंगोल इया अपेराः लूर नेवन होया जुवाः।

इबरानी 6:4

मी तुरहा भगवानराः मरसल अरू दहिनकू पवावनेना, अरू एटाःकू सुदा सुद बिरुवातेकू मिनीनेनखन तयोमतेकू कुदा जुवाःता हँकुःआ होड़कू बदीरे चेले माःआनबू कताय?