2 कुरिंती 4:5 - Korwa Bible

⁵ अले अँननले बदीरे कोवान मनदो ईसू मसी, परबू हवे माःआनले परसारगेता, अरू हाँय लगा अले अपेरिकुःआ सेवकियाकू इदानलेःआ।

2 कुरिंती 4:5 Referans Kwoze

2 कुरिंती 1:24

अपे बिसवासरे बड़ियाड़ इदानपेःआ। हनालगा अपेराः बिसवास बदीरे अपे एचेरे हातपातगे लगा मेरले चहाःतना। मनदो अपे बहालगुःता हनारे संघरावापे लगाले चहाःतना।

1 कुरिंती 1:23

मनदो अले कुरूसरेकू ठोंकाव गोएगतिरिया हाँयग ईसू मसी बदीरेले परसारगेतना। नाःआ सरवन एहूदाकू लगा एरंगवा इया इदा अरू बेगर एहूदाकू लगा बेगर लूर इदा।

गलातिया 5:13

ने अजी बोपोहकूतिंग, अपे अजइत जीव जियाः लगा भगवान अपेय सुनावकेरा। हनालगा अपे मनबिदिया होड़ इया अहापे कसूरगे। मनदो अपे अँननपे अलार-दुलार होड़ेंग घड़ीन सेवा होड़ेंगपे।

पिलिपी 2:11

हँकू इनीसू मसी, परबू हवे माःआनकू कबुलाःता जेमहा अपांग भगवानराः मान मरजइत होयाः।

पिलिपी 1:15

तोनोंग तोनोंग होड़कू ईंगराः इराते अरू अड़ा-चउकीते ईंग अते अँननकू मरंग बड़ाँः लगा नपाय सरवनकू परसारगेतना। मनदो एटाः होड़कू नपाय ओंगोलतेकू परसारगेतना।

2 पतरस 2:3

हँकुःआ होड़कू लुभिया होड़कू इदानकुःआ। हनालगा हँकू बोनाव बड़राते अपेराः आन-धानकू अडिग जोमता। मनदो हँकुःआ होड़कू डंडियावकू लगा, भगवान मनाड़ंगतेय तोल दोहोकेरा हना डंडियाव ओरोय कुबेरतेरा, अरू भगवान हँकूय लनाय एंडाकूता।

तितूस 1:11

होड़कू चेचेड लगा कोवानेःआ हना कता ढिबुवा पवाः लगा हँकूकू चेडतना, अरू जमा मइछुवाकू बिसवास मीसुटीकू अड़ाःगोतेडा। हनालगा हँकुःआ होड़कूराः आह एचे रिपूटगे इदा।

2 तिमुतियूस 2:10

भगवानरिकुःआ सुनावतो होड़कू लगा जमा इयाःआ कटसिया सहाव लगा सपड़ावतो इदानिंगा, जेमहा ईसू मसी हँकुःआ होड़कूय सडाव अरू सगर सइट मान मरजइतते भगवान सुदाकू दोहो अवेन।

1 कुरिंती 12:3

हनालगा ईंग कतायतना, सुद बिरुवाराः अगुवाइतेय सलाःता हाँयग होड़, ईसू सती-सरापतो इदानिया माःआन मेरेय कतायता। सुद बिरुवा तोनोंगीग मेर अगुवाइवाय दो हाँय, ईसू, परबू हवे, माःआन ओरोय कता अवेतेरा।

1 कुरिंती 8:6

अबू लगा मिनीटोंग भगवान इदा अरू हनाँय हवे अबूरीग अपांग। हाँय जमाकूने तुलाकेरा अरू अबू हाँय लगाबू जियाःता। अरू अबू लगा मिनीटोंग परबू इदा। हनाँय हवे ईसू मसी। हाँय जमाकूने तुलाकेरा अरू हनाँयते अबू जीयत इदानबुःआ।

1 कुरिंती 2:2

दो हनमेला ईंग ईसू मसी बदीरे अरू कुरूसरे हाँयराः गुजुः बदीरे एकला अपे एचेरे कताय लगायिंग ओंगोल दोहोबाःकातेरा।

मूक चेलाकू 10:36

अपे नपायतेपे सुदीतना, जमाकूरीग परबू इदानिया हाँयग ईसू मसीते भगवान ननानाः सलसतराः नपाय सरवन एचे परसार उदुःतेडखन इसराएल होड़कू एचेरे हना सरवने वारगोतेडा।

मूक चेलाकू 5:31

भगवान अनँयग खउना तिःई गतर हाँय एचे दुड़ुःकिरिगखन राजा अरू सडावदारे तुलाकिरिया, अरूय मान मरजइतकिरिया। नाःआ अते इसराएल होड़कू अँकूराः कसूर अते जीवकू कुदाता अरू हँकूराः कसूर भगवान बराव एंडागोडता।

मूक चेलाकू 2:36

दो जमा इसराएल होड़कू अपे नाःआ कता सुनुदीबाःकापे, अपे कुरूसरेपे एचे ठोंकाव गोएगतिरिया हनाँयग ईसू, भगवान मसी अरू परबूय बड़ाँवगोतेडिया।”

एहुना 7:18

अनँयग ओंगोलतेय कतायता हाँयग होड़ अनँयग मान मरजइतगुः लगाय चहाःता। मनदो तोनोंगीग हाँये वारकेरा हनाँय मान मरजइतगे लगाय चहाःता दो, हाँय सताय होड़ हवे अरू हाँय एचेरे तोनोंगाः गारबार मेर दोहोनता।

मती ओजाःतेरा भगवानराः नपाय सरवन 23:8

मनदो अपेरीग मिनीटोंग गुरुजी इदा अरू अपे जमाकू वगीयाकू हवे। हनालगा अपे अँननपे रबबी माःआन अलोपे एचे कतान।

मती ओजाःतेरा भगवानराः नपाय सरवन 3:11

अपे कसूर अते जीवपे कुदागे लगा, दाःते बतिसमायिंग एमेयतना। मनदो ईंग तयोमरेय वेगता, हाँयग होड़ ईंग अते मरंग इदानिया। हाँयराः चाटी रेम जुकूर हों कोवायिंगा। हाँय सुद बिरुवाते अरू सेंगेलते अपे बतिसमाय एमेवापेता।

2 कुरिंती 1:19

दो ईंग अरू सिलवानूस अरू तिमुतियूस अपे एचेरेले परसारतेरा हाँयग भगवानरीग बेटात ईसू मसी बार जीवकियानखन हाव अरू ओरो मेरेय कतायता, मनदो हाँय जमा बेला हनाव हावे कतायता।

1 कुरिंती 15:47

भगवान मड़ंगीग मनुवा आदम हासतेय तुलातिडिया, मनदो एटाःयीग मनुवा, ईसू सेरमो देसरीग भगवान अगीतेय वेगनेना।

1 कुरिंती 10:33

ईंग इनिंग ननायगुः अते एटाः होड़कू ननाय जुवाः लगा जमा बेलायिंग कुरनिसगेता। ईंग इनिंगराः नफा मेरिंग ओंगलेता, मनदो एटाः होड़कू सडाव जुवाः लगा हँकूराः नफायिंग ओंगोलता।

1 कुरिंती 4:15

अपे ईसू मसी बदीरेकू चेडपे लगा दस हजार चेडदारकू दोहोन हों, अपेरीग मिनीटोंग अपांग इदा। अपे एचेरे नपाय सरवनिंग कता उदुःतेरा अरू अपे ईसू मसी सुदापे मिनीयान अते ईंग अपेरीग अपांगिंग बड़ाँवयना।