2 कुरिंती 4:18 - Korwa Bible

¹⁸ दो ञिलुःता हना चउंदीसराः जिनिसकून तोनोंग बेला वरी दोहोनता, मनदो मेर ञिलुःतना हना सेरमो देसराः जिनिसकून सगर सइट लगा इदा। हनालगा अबू ञिलुःता हना जिनिसरे अबू जीव टक-टकित कोवानेःआ, मनदो मेर ञिलुःतना हनारे अबू जीव टक-टकित इदा।

2 कुरिंती 4:18 Referans Kwoze

2 कुरिंती 5:7

नुँहू अले ञेनेल मेड मेरले सलाःतना, मनदो अले बिनिसवासकेडखनले सलाःतना।

इबरानी 11:1

अबूराः बिसवास अबू असराता हना कताकून पका-निकागोडता अरू मेरबू ञेनेलता, हना कताकून सनाताय हवे माःआन एचे सुदीबाःकाता।

1 एहुना 2:25

अरू ननानाः ओरो टुटीगनेना जीव एमे लगा भगवान अबूय जबानवारा।

इबरानी 11:13

हँकू जमाकू बिसवासकेडखनकू गोएगयान। अरू भगवान जबानतेरा हना हँकू मेरकू पवावगान। मनदो भगवान जबानतेरा हनाकून हँकू लनंकाते ञेलकेडखनकू अहाल बहालयान अरू हँकू अबू चउंदीसरे दुरीन देसरिकुःआ होड़कू इया इदानबुःआ, माःआनकू मनावयान।

मती ओजाःतेरा भगवानराः नपाय सरवन 25:46

दो नँकुःआ होड़कू ओरो टुटीगनेना हना कटसियाकू पवाःता। मनदो बेगर गारबार होड़कू ओरो टुटीगनेना हना जीवकू पनावाःता।”

2 तिसलूनिका 2:16

दो अबूय दुलारकेरा, अरू मयावाडबूखन सगर सइट लगा अबू जीवे हड़ियड़गोतेडा, अरू नपाय असराय एमेकेरा अबूरीग अपांग भगवान अरू परबू इनीसू मसी,

इबरानी 9:11

दो नुँहू मसी, नाय नपाय कता-जमकावतोरीग मरंग मूक पुजउरी बड़ाँवकियानखने वेगकिया। हाँय मड़ंगाः टपइर ओड़ाः अते मरंग अरू बेगर गारबारराः टपइर ओड़ाःरेय बोलो पारयना। हना टपइर ओड़ाः तोनोंगीग होड़ मेरेय तुलागतेरा अरू हान नाःआ चउंदीसरे कोवानेःआ।