2 कुरिंती 4:17 - Korwa Bible

¹⁷ अलेराः निःई मिनाः गुनुनहोन कटसिया अते अले ओरोले अउल-तउल अवेतेरा हना इयाःआ मान मरजइत सगर सइट लगाले पवाव जुवाःता।

2 कुरिंती 4:17 Referans Kwoze

रूमी 8:18

ईंग सुदीबाःगोतेडिंग, अबू तयोमरे भगवान एचेरेबू पवाःता हना मान मरजइत अते नुँहूबू सहाव पारता हना कटसिया तोहोड घाव मिन हों कोवानेःआ।

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।

एकूब 1:12

अपेराः बिसवास बदीरे अंदजाव होयाः मेला, सहाव घड़ीन बिसवासरे बड़ियाड़े दोहोनता हाँयग होड़राः जीव, भगवान ननपायगेता। तयोमरे हाँय लगा ओरो टुटीगनेना हना जीवराः इमान भगवान एमेयता। भगवानकू दुलारता हँकुःआ होड़कू हना इमान एमे लगाय जबानकेरा।

2 कुरिंती 3:18

मनदो बिसवासगेता अबू जमाकू हुमू आह बेगर पता रेडतो अते परबूराः अगम जबड़ जंगरबू अटकारगेता। परबू सुद बिरुवा हवे अरू हाँय अते हना जंगर अरू बगरा बगरा अटकार घड़ीनबू बदलाव इदीनता, जेमहा अबू परबू बरोबइरबू होया जुवाः।

रूमी 8:37

मनदो नाःआ इयाःआ जमा कताकूनरे, अबूय दुलारकेरा हाँयग ईसू मसीते, अबू जिनितावबाः जुवाःता।

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

1 कुरिंती 2:9

भगवानराः कागदरे ओजाःतो इदा हनाराः मतलोब ननानाः हवे, “तोनोंगीग मेरेय ञेलगाड, अरू मेरेय अयूमगाड, अरू तोनोंगीग होड़ मेरेय ओंगोल तजाः अवेगाड, हनानाः कता भगवानकू दुलारता हँकुःआ होड़कू लगाय संजोड़ दोहोकेरा।”

जूदा 1:24

अपे कसूरगे अतेय बनसाव अवेपेता अरू बेगर गारबार अरू मुरुक बहालते अनँयग मान मरजइतगेःआ मड़ंगरेय एचे चड़ाँ अवेपेता

रूमी 8:34

अरू इये अबूय डंडियाव अवेबूता? ईसू मसी अबू लगाय गोएगनेना अरू गोएगतो अतेय जियाव रेमकिया, हनाँयग भगवानराः खउना तिःई गतररे मान मरजइत सुदा दुडुःकियानखन अबू लगा असे घड़ीने अरजीतना। हनालगा तोनोंगीग अबू ओरोय डंडियाव अवेतेडबुःआ।

रूमी 2:7

तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।

पिलिपी 1:19

दो ईंग सुसुदीतना, अपेराः अरजीते अरू ईसू मसीराः सुद बिरुवाराः संघराते, ईंग जीवरे होयाकिया नाःआते भगवान ईंगे सडावता।

मूक चेलाकू 20:23

मनदो ईंग नाःआ कतायिंग सुदीयतना जमा सहरकूनरे ईंग लगा कटसिया होयाःता अरू जेहेलरे ईंगकू सींगगोडता माःआन सुद बिरुवा सेतावकिरिंगा।

मती ओजाःतेरा भगवानराः नपाय सरवन 5:12

मड़ंगरेकू दोहोना हँकुःआ भगवानराः बड़रा कता होड़कू हों एटाः होड़कू ननानाः इयाकू संतावतेडकुःआ। सेरमो देसरे अपे लगा भगवान इमाने एमेता। हनालगा अपे बनाहालतेपे दोहोन।”

1 एहुना 3:2

ने ईंगरिकुःआ सउंगताकू, अबू भगवानरिकुःआ लइंकू हवे। अबू तयोमरे करा इयाबू होयाःता हना नुँहू जमालेःआते मेरबू सुसुदीता। मनदो अबू नाःआबू सुसुदीतना, हाँय सेरमो देस अतेय वेगता हनमेला अबू हाँय इदानिया हनन इयाबू ञेलेयता अरू हनाँय इयाबू होया जुवाःता।

2 तिसलूनिका 1:6

भगवान सगर सइट नपायतेय फड़ियावगेता। हनालगा अपेकू सिकिसतातना, हँकुःआ होड़कू भगवान हनन इया सिकिसताय एमे बदलावाकूता।

2 तिसलूनिका 1:4

हनालगा अले अपे बदीरे भगवानराः कलसियाकूनरिकुःआ बिसवासी होड़कू एचेरे अपे भल-भलावातेडखनले कतायता, एटाः होड़कू हँकूकू संतावतना अरू हँकू एचेरे हलकइनकू अगूतना। हनते हों हँकू सहाव घड़ीन असतिरकू दोहोनता अरू हँकू बिसवास मेरकू अड़ाःगेता, माःआन।

लूका 6:23

हँकूरिकुःआ खुटिपरिया होड़कू हों हनन इया भगवानराः बड़रा कता होड़कू होंकू संतावतेडकुःआ। अपे लगा सेरमो देसरे मरंग इमान भगवान एमेयता। हनालगा संतावराः दिनरे अपे बहालतेपे सून।

2 तिमुतियूस 2:10

भगवानरिकुःआ सुनावतो होड़कू लगा जमा इयाःआ कटसिया सहाव लगा सपड़ावतो इदानिंगा, जेमहा ईसू मसी हँकुःआ होड़कूय सडाव अरू सगर सइट मान मरजइतते भगवान सुदाकू दोहो अवेन।