2 कुरिंती 3:5 - Korwa Bible

⁵ अले अँननले जमालेःआ एएचे जुकूर इदानलेःआ माःआन मेरले ककतातना, मनदो अले जमालेःआ एचेय जुकूर भनगवान हमा बड़ाँवलेता।

2 कुरिंती 3:5 Referans Kwoze

2 कुरिंती 12:9

मनदो हाँय ईंग एचेरेय कतातेरा, ओरो! ईंगराः जंगर अबड़ावगुःतान मेला उडु-बुडूगोडमेता। हनालगा ईंगराः मया आम लगा होनोया जुवाःता, माःआन। दो ईंग अबड़ाव होड़िंग दोहोन अते, ईंग मुरुक बहालतेयिंग भल-भलायगुःता, जेमहा मसीराः जंगर ईंग जीवरे दोहो ञवन।

पिलिपी 4:13

ईसू मसी ईंगराः जीवे बड़ियाड़गेतान अते ईंग जमालेःआयिंग एचे अवेयता।

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

पिलिपी 2:13

दो भगवान ननायगुःता हनन इयाबू जियाः लगा अबू जीवरे चहाः अरू जंगरे एमे हड़ाःवाबूता।

एहुना 15:5

ईंग अंगूर दूब हवे अरू अपे नइड़तो हवे। ईंग हाँय सुदा अरू हाँय ईंग सुदा मिनीय दोहोनता दो, हाँय मुरुक नपाय बुताय बुता अवेता। मनदो ईंग अड़ाःकेडखन हाँय कहिसाः नपाय बुता ओरोय एचे अवेतेरा।

एकूब 1:17

जमा इयाःआ नपाय अरू उडु-बुडूत दहिनकून भगवान अगीतेबू पवाःता। जमा इयाःआ मरसले तुलाकेरा हाँयग भगवान अबू लगा नाःआ दहिनकूने एमेयता। भगवान सगर सइट मिनी इयाय दोहोनता अरू उंबूल लंबी पुडनता हनन इया हाँय एचेरे तोनोंगाः बदला कोवानेःआ।

1 कुरिंती 3:6

ईंग रोपाकेरा, अरू अपोलोस दहावतेरा, मनदो भनगवान हमा हराकेरा।

लूका 21:15

हननमेला अपे हँकू सुदा बड़रा लगा कनहूनिंग एमेवापेता। अपेराः हना बड़रा अयूमकेडखन अपेरिकुःआ मुदइ होड़कू ओरोकू हरुवाव अवेतेडपेःआ अरू ओरोकू घंटाव अवेतेडपेःआ।

2 कुरिंती 4:7

मनदो अले नाःआ मुरुक किमइतराः दहिन दोहोगेता हना हासराः बटुवा इया इदालेःआ। दो नाःआ अगामाः जंगर अले अगीते कोवान मनदो भगवान अगीतेले पवावकिया माःआन उदुःगेता।

1 कुरिंती 3:10

भगवान ईंगे मयावारा। हना अते ईंग मी होड़ ओड़ाः तुला मिसतिरी इया हना ओड़ाःराः नेविंग गडातेरा। अरू हना नेव सेरमो एटाः होड़कू भीटकू रेमतना। अरू बुतातनाकू हँकुःआ होड़कू ञेल थिताव घड़ीन तुलाय लगा इदा।

2 कुरिंती 2:16

दो अबूराः सरवन लाय जुवाःता हँकुःआ होड़कू लगा गुजुः महुरा महक इया इदा अरू सडाव जुवाःता हँकुःआ होड़कू लगा नपाय मह-महाःता हना महक इयाःआ जीव एमेता। दो नाःआ इयाःआ बुता एचे जुकूर इये इदा?

लूका 24:49

ईंग अपांग जबानकेरा हाँयग सुद बिरुवायिंग वारेयता। अरू हाँय अते अपे सेरमो देसराः जंगर अरीनपे पवाः वरी ननानाः सहररेपे दोहो हताड़।”

रूमी 15:18

ईंगराः परसार अरू बुताते ईसू मसी एचेकेरा हनानाः बदीरे एकलायिंग कतायता, जेमहा बेगर एहूदाकू भगवानकू मनाः।

2 तिमुतियूस 2:2

मुरुक हिदइतदारकू तलारे ईंग अतेम अयूमकेरा हना सरवन बिसवासगेताकू हँकुःआ होड़कू एचेरेम जिमागे, जेमहा हँकू एटाः होड़कू हों नपायतेकू चेड अवेकू।