2 कुरिंती 2:17 - Korwa Bible

¹⁷ एटाः होड़कू इया अँननकूराः नफा लगा, अले भगवानराः सरवनरे मेरले मेसायता, मनदो सताय ओंगोलते भगवान अगीते पवावतो सरवन मसीराः संघरातेले कता उदुःगेता।

2 कुरिंती 2:17 Referans Kwoze

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

2 कुरिंती 1:12

अलिंग नपाय इंदरीते बहालगुः घड़ीनलिंग कतायतना, चउंदीसरे, बिसेक अपे सुदा अलिंगराः लूर-नेवन भगवान जुकूर, सुद अरू सताय इदा। अरू अलिंग अँननलिंगराः कनहूनते कोवान, मनदो भगवान मयावाडलिंगा हनानाः अतेलिंग जियाःतना।

उदुःतो कताकून 2:20

हनते हों अपे बदीरे ईंगके मीटोंग बड़रा ककता लगा इदा; इजबील ञावीग अइमी मेरपे हिगार एंडायतना। हाँय ईंगरिकुःआ सेवकिया होड़कू अडिगकेडकूखने कतायता, ईंग भगवानराः बड़रा कतायीग अइमी हवे, माःआन। हाँयराः चेडतोते, मुरतीकून मड़ंगरे मंडावतो जिनिसकून जोम लगा अरू सनहा-सनहीपे एचेय लगा होड़कूय बहकावतना।

जूदा 1:4

सतायरे बिसवासी होड़कू ना लवे अरू डंडियावकू लगा मड़ंग वरीते भगवान एटाःकेडकुःआ, हँकुःआ तोनोंग तोनोंग होड़कू ओनोक दनंगते अपे सुदाकू मेसायना। हँकुःआ होड़कू भगवान मेरकू मनेवायता अरू भगवानराः मया हुडिंग ओंगोलवाडखन सनहा-सनहीकू एचेता अरू मिनीटोंग परबू भगवान इदानिया, अबूरीग परबू ईसू मसीकू आड-बेकारवायतना।

तितूस 1:11

होड़कू चेचेड लगा कोवानेःआ हना कता ढिबुवा पवाः लगा हँकूकू चेडतना, अरू जमा मइछुवाकू बिसवास मीसुटीकू अड़ाःगोतेडा। हनालगा हँकुःआ होड़कूराः आह एचे रिपूटगे इदा।

1 कुरिंती 5:8

दो नुँहू दो अबू परोब नपायतेबू मनाः। जमा बरानाः बेलूर ओंगोल इयाःआ जुना सेबेल सोड़ाते कोवान, मनदो सताय अरू नपाय ओंगोल इयाःआ बेगर सेबेल सोड़ातेःआ रुटीते परोबबू मनाः।

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

1 एहुना 4:1

ने अजी बोपोहकूतिंग, नाःआ चउंदीसरे भगवानराः बड़रा लबराकेडखन कताय होड़कू मुरुक इदनकुःआ। हँकुःआ होड़कूराः कता अपे ओहेन अहापे बिसवासगे। मनदो अपे हँकुःआ होड़कू सतायते भगवानराः बड़राकू कतायता जा कोवान हना नपायते जासवाडखनपे बिसवासगे।

मूक चेलाकू 20:20

अपे नाःआ होँपे सुदीयतना, अपे लगा नफा दोहोना हना कताकून परसार उदुः अते मेरिंग रोंकावगाड। मनदो जमा होड़कू तलारे अरू ओड़ाः ओड़ाः सेनेवाडखनिंग चेडगोड ञवना।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

मूक चेलाकू 20:27

हनालगा ईंग कता उदुःगेतना, तोनोंगीग होड़ बेगर बिसवासतेय गोएग जुवाः दो, हाँयराः जिमेवारी ईंगराः ओरो दोहोनेना।

इबरानी 11:27

बिनिसवासते मोसेस मेरेय ञेल ञामुःता हाँयग भगवान एचेरे, ञिलुःतना हना इयाय बड़ियाड़यान। हनालगा हाँय पिरोन राजा रीस भीकनेना हना मेरेय बोरोवागाड अरू मिसिरी देसे अड़ाः एंडागोतेड।

2 कुरिंती 1:18

भनगवान बिसवासगेयीग इदानिया। हनन इया अलिंगराः सरवन हों सनाताय इदा।

2 कुरिंती 6:7

अले भगवानराः जंगरते सताय कताले कता उदुःगेःआ अरू बेगर गारबारतेःआ जीव जियाः लगा बनर तिःईरे अवजारकून साबतोयीग होड़ इया इदानलेःआ।

2 कुरिंती 11:11

अपे अते चिला लगा संघरा मेरिंग असेगाड? अपे मेरिंग दुलारपेता हनालगा जा? ईंग अपेयिंग दुलारता माःआन भगवान सुदीयताय।

2 कुरिंती 12:19

अपे नुँहू वरी अले बदीरे, अबू अते बनसाः लगाकू कतायतना, माःआनपे ओंगलेतना जा? मनदो हना इया कोवान। अले नाःआ कताकून भगवानराः मड़ंगरे मसी सुदा मिनीकियानखनले कतायतना। ईंगरिकुःआ अजी बोपोहकूतिंग, जे हों सकालाः अले कतायता हना अपे जमालेःआते अपेराः बिसवास बड़ियाड़ जुवाः लगाले कतायतना।

गलातिया 1:6

अपे ईसू मसीराः मयाते नपाय सरवनपे बिसवासगे लगा भगवान अपेय राःकेरा, अरू हना बिसवास अते अपे हनाली कुदाकियानखन एनेटाः एटाः दूरपे साबकेरा। हनालगा अपे बदीरे, ईंग मुरुकिंग बयावयना।

1 तिसलूनिका 2:4

मनदो भगवान लुंबाड़ दोहोकेडकूखन नपाय सरवन कता उदुःगे लगाय जिमावाडकुःआ हँकुःआ होड़कू इयाले कतातेरा। हनालगा होड़कू एचे ननायकू लगा कोवान, मनदो अबूराः ओंगोले जासता हाँयग भगवान ननायगेय लगाले कतायतना।

1 पतरस 4:11

परसारताकुःआ होड़कू भनगवानराः सरवन पपरसार लगा इदा। एटाः होड़कूकू सेवाता हँकुःआ होड़कू, भगवानराः जंगरते सेवाकू लगा इदा, जेमहा नाःआ जमाकून अते ईसू मसीते भगवानराः मान मरजइत होयाः। हनाँय मान मरजइतगे इयायीग अरू सगर सइट वरी अगम जंगरदार इदानिया। आमीन!