2 कुरिंती 12:19 - Korwa Bible

¹⁹ अपे नुँहू वरी अले बदीरे, अबू अते बनसाः लगाकू कतायतना, माःआनपे ओंगलेतना जा? मनदो हना इया कोवान। अले नाःआ कताकून भगवानराः मड़ंगरे मसी सुदा मिनीकियानखनले कतायतना। ईंगरिकुःआ अजी बोपोहकूतिंग, जे हों सकालाः अले कतायता हना अपे जमालेःआते अपेराः बिसवास बड़ियाड़ जुवाः लगाले कतायतना।

2 कुरिंती 12:19 Referans Kwoze

रूमी 9:1

ईंग ईसू मसीरीग हवे अरू सनाताय कता ईंग कतायतना। सुद बिरुवा अगुवाइवायिंतना। हनालगा ईंग जीव कतायतना, ईंग मेरिंग लबरातना, माःआन।

2 कुरिंती 10:8

अपे ओंगोल अवेयता, परबू हँकूय एमेवारा हना हातपात बदीरे मुरुककू बड़वारतना, माःआन। मनदो अलेराः हातपात अपे आडपे लगा कोवान, मनदो अपे बड़ाँवपे लगा इदा। हनालगा ईंग ईंगराः हातपात उपयोतगे लगा मेरिंग गियुःता।

1 कुरिंती 14:26

ने अजी बोपोहकूतिंग, अपे मिनीरेपे जुमाः मेला नाःआ इयापे एचेय। अपे मेमेड होड़ मेमेड होड़ एचेरे सेरेंगकून सहे, चेड सरवन सहे, भगवानराः एचे उदुःतो सरवन सहे, अनबुझ भासी सहे, अनबुझ भासीराः अरत उदुः लगा इदा दो, नाःआ जमाकूनते कलसियारिकुःआ जमा बिसवासी होड़कूराः नफा होयाः लगा इदा।

1 कुरिंती 10:14

हनालगा ने ईंगरिकुःआ अजी बोपोहकूतिंग, अपे देबी देवताकूराः सेवा अते तोनोरेपे दोहोन।

पिलिपी 4:1

दो ईंगरिकुःआ अजी बोपोहकूतिंग, ईंग अपेयिंग दुलारता अरू अपे ञेञेल लगायिंग उंभराःतना। अपे बदीरे ईंग बहालिंग दोहोनता अरू अपे भगवान अगीते ईंगराः बनी इया इदानपेःआ। हनालगा अपे ईंग कताकेरा, हनन इया बिसवासरे बड़ियाड़गुःपे।

2 कुरिंती 13:10

ईंग अपे एचेरेयिंग सेन मेला कड़ कड़ाइके कताय लगा अलो पराः। हनमेला अआड लगा कोवान, मनदो ईंग भगवान एमेवारिंगा हना हातपातते तुतुला लगायिंग अवेय। हनालगा ईंग अपे अते तोरे दोहोकियानखन नाःआ इयायिंग ओजाःगेतना।

2 कुरिंती 12:15

हनालगा ईंग बहालते ईंगराः जमा जिनिसकून अरू ईंग इनिंग हों अपे लगा जिमागुः लगा सपड़ावतो इदानिंगा। ईंग अपे मुरुक बगरायिंग अलार-दुलारपेतान दो अपे ईंग गुनमिनपे अलार-दुलारगींगता जा?

2 कुरिंती 11:31

होड़कू सगर सइटकू जागगोड ञवनता अबूरीग परबू ईसूरीग अपांग भगवान सुसुदीतना ईंग मेरिंग लबरातना।

2 कुरिंती 11:10

मसीराः सताय कता इयायिंग कतायतना। हनालगा ईंग ननन इयायिंग भल-भलायगुःता हना कता बदीरे जमा अकाया देसरिकुःआ होड़कू अते तोनोंगीग ईंगराः आह ओरोकू रिपूट अवेतेरा।

2 कुरिंती 7:1

ने ईंगरिकुःआ वपक बोपोहकूतिंग, भगवान अगीते अबू लगा नाःआमिन जबानकून इदान दो, अबू अबूराः देह अरू बिरुवा मइलावगोडता हना जमालेःआतेबू सुदगे अरू भगवानराः अकूस मनाः घड़ीन जमालेःआतेबू सुद इदीन।

2 कुरिंती 3:1

दो अले अँननले अले अरूले भल-भलायगुःता जा? एटाः होड़कू इया अलेके एचे सुदीगेराः चिठी अपे एचेरे वार लगा सहे अपे अते अलेके गोगोः लगा इदा जा?

1 कुरिंती 10:33

ईंग इनिंग ननायगुः अते एटाः होड़कू ननाय जुवाः लगा जमा बेलायिंग कुरनिसगेता। ईंग इनिंगराः नफा मेरिंग ओंगलेता, मनदो एटाः होड़कू सडाव जुवाः लगा हँकूराः नफायिंग ओंगोलता।

रूमी 12:19

भगवानराः कागदरे परबू कतायतना, बदला कुदाय लगा ईंग इदानिंगा, अरू इनिंग बदलायिंग कुदायता। हनालगा ईंगरिकुःआ अजी बोपोहकूतिंग, अपे अँननपे अपे बदला कुदाय लगा ओंगोल दोहोकेडखन अलोपे दिरुवागोड ञवन।

रूमी 14:19

हनालगा अबू जमाकू सुदा हेल-मेलरे दोहोन घड़ीन बिसवासरे बड़ियाड़ होड़ेंग लगा इदा।

रूमी 15:2

अबू जमा बिसवासी होड़कूराः जीवरे नफा होयाः लगा अबू एटाः होड़कूबू ननाय लगा इदा, जेमहा अबू जमाकू बिसवासरेबू बड़ियाड़ जुवाः।

2 कुरिंती 2:17

एटाः होड़कू इया अँननकूराः नफा लगा, अले भगवानराः सरवनरे मेरले मेसायता, मनदो सताय ओंगोलते भगवान अगीते पवावतो सरवन मसीराः संघरातेले कता उदुःगेता।

1 तिसलूनिका 5:11

हनालगा अपे नुँहू वरीपे एचेयतना, हनन इया अपे कता बहाल होड़ेंगगोड ञवनपे, अरू संघरा होड़ेंगगोड ञवनपे।

इबरानी 6:9

ने सउंगताकू, अले नाःआ इयाले कतायतान हों, अपे बदीरे नाय नपाय अरू सडावगे इयाःआ कताकूनले भरसाता।