2 कुरिंती 11:9 - Korwa Bible

⁹ अरू ईंग अपे एचेरेयिंग दोहोन मेला ईंग लगा हुडिंग बगरा होयानेना दो, ईंग अपे लगा तोनोंगाः बोझा मेरिंग एमेगाड। मनदो मकिदुनिया राइज अतेकू वेजेडा हँकुःआ बिसवासी होड़कू ईंगराः जरुरइतकू एमे पुरावगोतेरा। अरू इनिंग अपे लगा तोनोंग इयाःआ बोझा होयाः अतेयिंग रोंकावनेना अरूयिंग रोनोंकावगोड ञवनता।

2 कुरिंती 11:9 Referans Kwoze

1 तिसलूनिका 2:9

ने अजी बोपोहकूतिंग, अपे उहियारगेतनापे जा, अले भगवानराः नपाय सरवन अपे एचेरे परसारगे मेला दिन रइत उगार उडुंगवामिन घड़ीनले बुता जोमा, जेमहा तोनोंगीग लगा बोझा अलो होयाः।

1 तिसलूनिका 2:6

अले ईसू मसीरिकुःआ मूक चेलाकू इदानलेःआ अते अपे बोझान लगाले एमे अवेकेःआ। मनदो अपे सहे एटाः होड़कू अलेकू भल-भलायवा लगा मेरले चाहावगान।

इबरानी 11:37

तोनोंग तोनोंग होड़कू दिरितेकू तेके गोएग एंडातेडकुःआ अरू तोनोंग तोनोंगकू अरातेकू सिरावतेडकुःआ अरू तोनोंग तोनोंगकू तलवइरतेकू समाः गोएगतेडकुःआ। हँकू एचेरे कहिसाः मेर दोहोगान अरू हना लगाकू भेड़ाकूराः अरू मेरोमकूराः हेड़े तुसिंगकेडखन नाःआ हना अगीकू दँड़ा चुवेरा अरू सिकिसतारेकू दोहोना अरू एटाःकू हँकूकू बेग-हतावातेरा।

पिलिपी 2:25

इपापुरूदितूस, ईंगरीग बोहोयिंग इया इदानिया। हाँय ईंग सुदा भगवानरीग सिपाही इया इदानिया अरू ईंगरीग सेवा देंगवा होड़ हवे। अपे हाँय ईंग एचेरेपे वारकिरिया, अरू हाँय ईंग जमालेःआय संघरावारिंगा। हनते हों, हाँय अपे एचेरे वार कुदागेय लगायिंग ओंगलेतना।

2 कुरिंती 9:12

अपे नाःआ इया बिहिरीपे उतरावता हना अते भगवानरिकुःआ सुद होड़कूराः जरूरइत एकला मेरपे पुरावगेता, मनदो मुरुक एटाः होड़कू हों हना अते भगवानकू धनियाबादता।

2 कुरिंती 6:4

मनदो अलेराः नपाय बुताते होड़कू सुदीबाःगोडता, हँकू भगवानरिकुःआ सताय सेवकियाकू हवे, माःआन। अले सिकिसतारे अरू संतावरे अरू गरीबगुःरे मुरुक सहाव घड़ीनले दोहोना।

मूक चेलाकू 20:33

ईंग तोनोंगीग होड़राः चाँदी, सोना सहे सोनहे लगा मेरिंग अंदूगान।

मूक चेलाकू 18:3

हँकिनराः पेनेसा कुंबा तुला लगा दोहोना, अरू हना बुता पउलूस होंय एचेया। हनालगा पउलूस हँकिन सुदाय दोहोना अरू हना बुताकू बुताःआ।

मूक चेलाकू 18:5

मकिदुनिया राइज अते सिलास अरू तिमुतियूस वेजेडा दो पउलूस कुंबा तुला बुता अड़ाःतेडखन सरवने परसारगोड ञवना। हाँय एहूदाकू एचेरे ईसू, मसी हवे माःआने कतागोड ञवना।

रूमी 15:26

मकिदुनिया राइजरिकुःआ अरू अकाया राइजरिकुःआ बिसवासी होड़कू अँनकूराः आन-धानते एरुसलेमरिकुःआ गरीब बिसवासी होड़कू संघरावाकू लगा बहालते बिहिरीकू उतराववाडकुःआ।

1 कुरिंती 16:17

अपे जमाकू ईंग एचेरे मेरपे वेग अवेगना। मनदो अपे लगा इसतपनूस अरू पुरतुनातूस अरू अकइकूस ईंग एचेरे संघरावायिंग लगाकू वेगकिया। हनालगा ईंग जीव अहाल-बहालयना।