2 कुरिंती 10:1 - Korwa Bible

¹ अदोम होड़कू कतायता, पउलूस दुरहियाते चिठीय ओजाःतान मेला मुरुके डीड़गार जुवाःता मनदो अबू मड़ंगरे पोंकाहा इदानिया, माःआन। दो ईंग इनिंग पउलूस मसी इया सुधा अरू हुडिंग ओंगलुः घड़ीन अपे एचेरेयिंग गोड़न-पइयनतना।

2 कुरिंती 10:1 Referans Kwoze

2 कुरिंती 10:10

अपे अते अदोम होड़कू ईंग बदीरेकू कतायता, पउलूसराः चिठीराः कताकून कड़ाइ अरू निठास दोहनता। मनदो हाँय अबू एचेरेय वेगतान दो अबड़ावतो इदानिया अरू हाँयराः बड़राकून लुर-लूर दोहोनता, माःआन।

मती ओजाःतेरा भगवानराः नपाय सरवन 11:29

ईंग सुधा इदानिंगा अरू ईंग इनिंगते हुडिंगिंग ओंगलुःता। हनालगा ईंगराः जुवट अपे सेरमोपे रेमया अरू ईंग अतेपे चेडुः दो, अनपेराः जीव लोड़ोनता।

गलातिया 5:2

अयुमेपे! ईंग पउलूस कतायतना, अपे खतनानपे दो ईसू मसीराः गुजुःते अपे लगा तोनोंगाः नफा कोनोवानेःआ।

रूमी 12:1

हनालगा ईंगरिकुःआ अजी बोपोहकूतिंग, भगवान अबूय मयावारा हना कता उहियारकेडपेखन अपे एचेरे गोड़न पइयन घड़ीनिंग असेयतना। अपे अँननपेराः देह भगवान ननायगुःता हना सुद अरू जीयत बलिदान इया जमालेःआपे जिमागोड। नाःआ भगवान सेवाराः सताय लूर हवे।

2 कुरिंती 11:30

ईंग भल-भलायगुः दो ईंग ईंगराः अबड़ावतो कताकून बदीरेयिंग भल-भलायगुःता।

1 कुरिंती 2:3

ईंग अपे सुदायिंग दोहोन मेला, सतवास अरू बोर घड़ीन मुरुकिंग कलपाःआ।

उदुःतो कताकून 1:9

ईंग एहुना, ईसू मसी एचेरे बिसवासगे अते अपेरीग वगापे हवे। भगवान अबूरीग राजा हवे अरू अपे इया ईंग हों ईसू मसीराः राइज बदीरे संतावतो इदानिंगा अरू कटसियायिंग सहावतना। मड़ंगरे भगवानराः सरवनिंग परसारतेड अते अरू ईसू बदीरे ईंग चेडतेडकू अते हँकू ईंग पतमोस डुगुरेकू उडुंग एंडागोतेडिंग।

1 पतरस 2:11

ने ईंगरिकुःआ सउंगताकू, अपे नाःआ चउंदीसरे दुरीन देसरिकुःआ होड़कू इयापे दोहोनतना। हनालगा अपे एचे कसूरगे लगा लहरावपेता हना बेलूर ललची ओंगोलकून अड़ाः एंडाय लगा गोड़न-पइयनकेडपेखनिंग असेयतना।

पिलेमोन 1:9

मनदो ईंग, सनायाड़ डोकरा पउलूस, नुँहू परसार बदीरे जेहेलरे इदानिंगा, आम एचेरे दुलार घड़ीन असे लगायिंग चाहाःतना।

2 तिसलूनिका 3:17

ईंग पउलूस इनिंग तिःईते ओजाःकेडखन अपेयिंग सलामतना। नान इया जमा चिठीराः टुटीगरे ईंगराः ञाविंग ओजाःगेता।

इपीसी 4:1

परबू ईसू मसीराः सरवन परसार बदीरे जेहेलरे इदानिंगा, अरू ईंग अपे एचेरे गोड़न पइयनकियानखनिंग असेयतना। भगवान अपेय राःकेडपेःआ दो, भगवानरिकुःआ होड़कू करा इया जियाः लगा इदा, हनन इयापे जियाः।

गलातिया 4:13

अपे बेग-हतावाडिंगा जा? अरू अपे ईंग बदीरे अलपाहानाय, माःआनपे सुदीया। हनते हों अपे ईंग नपायतेपे संघरावातिरिंगा।

2 कुरिंती 12:5

नाँयग होड़ बदीरे ईंग भल-भलायगुःता, मनदो ईंग इनिंग बदीरे ओरोयिंग भल-भलायनेना। ईंग भल-भलाय दो ईंग ईसूराः सेवारे अबड़तो होड़िंग बड़ाँव जुवाःतान अतेयिंग भल-भलायगुःता।

2 कुरिंती 11:21

मनदो अले नाःआ इया मेरले एचेगरा। दो अले मुरुक अबड़ले दोहोना माःआनपे ओंगोललेतना जा? मनदो तोनोंगीग तोनोंगाः कता बदीरे भल-भलायगुः लगाय डीड़ जुवाः दो ईंग हों डीड़ अवेनता। नाःआ ईंग बुयांग इयायिंग कतायतना।

2 कुरिंती 10:7

अपे सताय कतापे सुदीवा। तोनोंगीग ओंगोलबाःका, ईंग मसीरीग हवे। दो हाँय अले बदीरेय बुझाबाःकान, ईंग इया हँकू हों मसीरिकुःआ हवे, माःआन।

2 कुरिंती 10:2

तोनोंग तोनोंग होड़कू ओंगोलकूता, पउलूस अरू हाँयरिकुःआ सउंगताकू चउंदीसरिकुःआ होड़कू इयाकू सलाःतना, माःआन। दो ईंग अपे एचेरेयिंग असेयतना, हँकुःआ होड़कू नाःआ इया अलोकू ओंगोलले लगापे कतावाकू, जेमहा ईंग अपे एचेरेयिंग सेन मेला हँकू सुदा डीड़गार अलोयिंग होयाः।

2 कुरिंती 7:4

ईंग मीटोंग ऊबमिनाः कता हों ईंग जीवरे दोहोकेडखन अपे एचेरे मेरिंग कता उदुःगेतना। ईंग अपे बदीरे भल-भलायतो इदानिंगा। अपे बदीरे ईंग अहाल-बहाल इदानिंगा अरू ईंगराः जमा कटसियारे ईंग मुरुक बनाहालते इदानिंगा।

2 कुरिंती 6:1

अले भगवानरिकुःआ सेवा देंगवा होड़कू इदानलेःआ अते अपे एचेरेले असेयतना, भगवान अपे मुरुके मयावाडपेःआ, हना अपे जीवरे अहवइर अलोपे होया ओवा।

2 कुरिंती 5:20

दो अले राजारिकुःआ बराहीलकू इया मसी बदीरेले कतायतना। भगवान अलेतेय असेयतान इयाय कतायतना, अरू मसी लगा अपेले असेतना, जेमहा भगवान सुदापे हेल-मेल जुवाः।

2 कुरिंती 3:12

दो अले एचेरे नाःआ इयाःआ नाय नपाय असरा इदान अते डीड़कियानखनले कतायता।

1 कुरिंती 4:10

ईसू मसी लगा बोको इया इदानकुःआ माःआन होड़कू ओंगोललेता, मनदो अपे ईसू मसी लगा अँननपे कनहूनदारपे ओंगलुःतना। अलेराः जीव अबड़ अरू एरंगतो इदा, मनदो अपे जंगरदारकू अरू मान मरजइत पवावतो होड़कूपे ओंगलुःतना।

रूमी 15:15

मनदो ईंग डीड़कियानखन तोनोंगाः कताकून एचे उहियाहपे लगायिंग ओजाःगेतना। भगवान मयावाडिंगखन,

रूमी 10:20

तयोमरे भगवानराः बड़रा कतायीग होड़ एसयाह बेगर बोरते भगवान लगाय कता उदुःतेरा, “ईंग मेरकू ञामगिंगा, हँकुःआ होड़कू ईंगकू पवावयान अरू ईंग मेरकू होंबोरगिंगा हँकुःआ होड़कू ईंग एचे उदुःवातेडकुःआ।”

मूक चेलाकू 8:32

दो हाँयग मरंग हातपात होड़ भगवानराः कागद अते ननाः पाठे बछाःआ; हाँय पुजागे लगाकू गोःगेयता हाँयग भेड़ा इयाकू इदीतिरिया। अरू हाँय ऊबकू ईर उडुंगता हँकुःआ होड़कू मड़ंगरे कलेकाले दोहोनता हाँयग भेड़ा होन इया हाँय हों कलेकाले दोहोना।

मती ओजाःतेरा भगवानराः नपाय सरवन 21:5

“सीयोन सहररिकुःआ होड़कूपे कतावा, ञेलेयपे, अपेरीग राजा अनँयग आँयग हुडिंगे ओंगलुःता, अरू गदहा होन चोटरे दुडुःकियानखन अपे एचेरे दरवाया।”

1 कुरिंती 4:21

दो अपे चिलापे चहाःतना? ईंग सुटी साबकेडखन अपे एचेरेयिंग सेन, जा मया घड़ीन दुलारते अपे एचेरेयिंग सेन?

इपीसी 3:1

ईंग पउलूस, अपे बेगर एहूदाकू एचेरे ईसू मसी बदीरे परसारगे अते जेहेलरे सींगतो इदानिंगा।

पिलिपी 4:5

परबू ओहेने कुदा वेगता। हनालगा अपे सुधिया होड़कू इयापे जियाः।

कुलूसी 1:23

मनदो मसीरे अपेराः बिसवास निठा अरू बनड़ियाड़गोड ञवन लगा इदा। अरू नपाय सरवनतेपे पवावकिया, हना असरा अपे अहापे अड़गे। अपे अयूमकेरा हनानाः नपाय सरवन चउंदीसरिकुःआ मुरुक होड़कू होंकू अयूमकेरा। अरू ईंग पउलूस ननानाः सरवन परसारगे लगा भगवानरीग सेवकिया होड़िंग बड़ाँवनेना।

पिलेमोन 1:19

ईंग पउलूस इनिंग तिःईते नाःआ चिठीयिंग ओजाःगेतना। उनेसिमूस आम लगा एएमे इदा, हना इनिंग जमनींगता। मनदो अहम लिड़िंगे आम हों ईंगते बिसवासी होड़मे बड़ाँवयना। हनालगा आमराः जीवराः करजा कड़हाव होड़ इनिंग हवे।