2 कुरिंती 1:23 - Korwa Bible

²³ भगवान ईंगरीग हिदइतदार बड़ाँवकिडिगखनिंग कतायतना, कुरिंती सहररे अपे एचेरे नुँहू वरीयिंग सेनेकुः दो अपेयिंग डंटाव अदरुजीगोडकेपेःआ।

2 कुरिंती 1:23 Referans Kwoze

गलातिया 1:20

ईंगराः कता सनाताय हवे अरू भगवान सुनुदीयतना, नाँय मेरेय लबरातना, माःआन।

1 कुरिंती 4:21

दो अपे चिलापे चहाःतना? ईंग सुटी साबकेडखन अपे एचेरेयिंग सेन, जा मया घड़ीन दुलारते अपे एचेरेयिंग सेन?

2 कुरिंती 13:10

ईंग अपे एचेरेयिंग सेन मेला कड़ कड़ाइके कताय लगा अलो पराः। हनमेला अआड लगा कोवान, मनदो ईंग भगवान एमेवारिंगा हना हातपातते तुतुला लगायिंग अवेय। हनालगा ईंग अपे अते तोरे दोहोकियानखन नाःआ इयायिंग ओजाःगेतना।

2 कुरिंती 13:2

बार तुरहायिंग सेनेडा हनमेला ईंग ननानाः कतायिंग कतातेरा। नुँहू ईंग अपे सुदा कोवायिंगा। दो मड़ंगकू गारबारतेरा हँकुःआ होड़कू एचेरे अरू एटाः होड़कू एचेरे हों सेतावकू घड़ीन अरूयिंग ककतातना। ईंग मसी अगीतेयिंग ककतातना हनाराः आभापे असेतना।

रूमी 1:9

जमा बेला अपे उहियारकेडपेखनिंग अरजीगोड ञवनतना माःआन भनगवान हमा ईंगरीग हिदइतदार हवे। अरू हनाँयग भगवानरीग बेटात ईसू मसीराः नपाय सरवन परसार घड़ीन मिनी जीवतेयिंग सेवायतना।

पिलिपी 1:8

ईसू मसी अपेय दुलारकेरा हनन इया, ईंग हों अपेयिंग दुलारतना, अरू अपे ञेल लगायिंग उंभरावयना। नाःआ कता सताय हवे माःआन भगवान सुदीयतना।

2 कुरिंती 12:20

ईंग बोरतान इया, ईंग अपे एचेरेयिंग सेन मेला ईंग चहाःता हना अते एटाः इया अलोयिंग सेने ञामपे अरू अपे हों ईंग एचेरेपे असराता हना अते एटाः इया अलोयिंग होयाः। अपे एचेरे कड़ीग, इरा, रीस, हिगार हटिंगगुः, ओपता होड़ेंग, चुबली होड़ेंग, बड़वारगुः अरू गड़ोयग-मड़ोयग इदा माःआनिंग बोरतना।

1 तिमुतियूस 1:20

बहकावतो होड़कू अते बार होड़ हुमिनियुस अरू सिकंदर हवे। दो नँकिनाः होड़किन ईंग कलउ तिःईरेयिंग जिमागोतेडकिना, जेमहा हँकिन भगवान ओपताकेडखन अहा कताय लगाकिन चिडुः।

1 तिसलूनिका 2:5

अपे सुसुदीतना अले बोनाव बड़राते सहे लुभिया होड़कू इया बुइद तुलाकेडखन अपे सुदा मेरले कतागाड। नाःआ कता बदीरे भगवान अलेरीग हिदइतदार इदानिया।

2 कुरिंती 11:31

होड़कू सगर सइटकू जागगोड ञवनता अबूरीग परबू ईसूरीग अपांग भगवान सुसुदीतना ईंग मेरिंग लबरातना।

2 कुरिंती 11:11

अपे अते चिला लगा संघरा मेरिंग असेगाड? अपे मेरिंग दुलारपेता हनालगा जा? ईंग अपेयिंग दुलारता माःआन भगवान सुदीयताय।

2 कुरिंती 10:2

तोनोंग तोनोंग होड़कू ओंगोलकूता, पउलूस अरू हाँयरिकुःआ सउंगताकू चउंदीसरिकुःआ होड़कू इयाकू सलाःतना, माःआन। दो ईंग अपे एचेरेयिंग असेयतना, हँकुःआ होड़कू नाःआ इया अलोकू ओंगोलले लगापे कतावाकू, जेमहा ईंग अपे एचेरेयिंग सेन मेला हँकू सुदा डीड़गार अलोयिंग होयाः।

2 कुरिंती 1:18

भनगवान बिसवासगेयीग इदानिया। हनन इया अलिंगराः सरवन हों सनाताय इदा।

1 कुरिंती 5:5

हाँयग होड़ कलउ एचेरेपे जिमागोडेय, जेमहा हाँय अनँयगराः बेलूर नेवन अते जीवे कुदा अवे अरू ईसू मसी कुदा वेगता हना दिन हाँयराः बिरुवा बनसाव जुवाः।

रूमी 9:1

ईंग ईसू मसीरीग हवे अरू सनाताय कता ईंग कतायतना। सुद बिरुवा अगुवाइवायिंतना। हनालगा ईंग जीव कतायतना, ईंग मेरिंग लबरातना, माःआन।

मूक चेलाकू 18:1

हना तयोमरे पउलूस एतेनस सहर अते कुरिंती सहर अगी तोराय।

मूक चेलाकू 18:8

अरजी ओड़ाःरीग हातपात होड़ किरिसपूस आँयग ओड़ाःरिकुःआ जमा होड़कू सुदा परबू ईसू एचेरेकू बिसवासतेरा। कुरिंतीरिकुःआ मुरुक बगरा होड़कू, पउलूसराः परसारकू अयूमतेरा हँकुःआ होड़कू हों परबू ईसू एचेरे बिसवासतेडखन बतिसमाकू गोःतेरा।

2 कुरिंती 1:1

ने अजी बोपोहकूतिंग, भगवानराः हिछा इया ईसू मसीरीग मूक चेला इदानिंगा ईंग पउलूस, अबूरीग बिसवासी बोहोबू तिमुतियूस सुदा, अपे कुरिंती सहररे इदानकुःआ, भगवानराः कलसियारिकुःआ होड़कू लगा, अरू अकाया देसरे इदानकुःआ भगवानरिकुःआ एटाः सुद होड़कू लगा हों नाःआ चिठी ईंग ओओजाःतना।

2 कुरिंती 6:6

नाःआ जमा अले जीवरे होयानेना। हनारे हों अले सुद जीवले जियाःआ, अरू भगवानराः सरवनले ओंगोल बुझाःआ अरू सहाव घड़ीन सुधा होड़कूले दोहोना। अले एचेरे सुद बिरुवा दोहोनता अरू सतायते होड़कूले दुलारा।

2 कुरिंती 11:10

मसीराः सताय कता इयायिंग कतायतना। हनालगा ईंग ननन इयायिंग भल-भलायगुःता हना कता बदीरे जमा अकाया देसरिकुःआ होड़कू अते तोनोंगीग ईंगराः आह ओरोकू रिपूट अवेतेरा।