1 तिमुतियूस 6:1 - Korwa Bible

¹ बिसवासी बेगारी होड़कू अँननकूरिकुःआ मालिककू मान मरजइतकू लगा इदा, जेमहा भगवानराः ञाव अरू अलेराः चेड बदीरे तोनोंगीग अलोकू ओपता अवे।

1 तिमुतियूस 6:1 Referans Kwoze

तितूस 2:5

अरू अँननकूराः जीव संभाड़गे घड़ीन सुद अरू नपाय जीव जियाः लगा अरू ओड़ाः बुता नपायते ञेल संभाड़गे लगा अरू अँननकू हेपेरेलकूराः आड़रे दोहोन लगाकू चेड अवेकू। नाःआते एटाः होड़कू भगवानराः सरवन ओरोकू ओपता अवेतेरा।

रूमी 2:24

नाःआ अते भगवानराः कागदरे ओजाःतो इदा, “आम अते बेगर एहूदाकू भगवानकू ओपतातना,” अरू हनन इया होयाःतना।

1 पतरस 3:16

अपेराः इंदरी सुदपे दोहोगे। दो अपे ईसू मसी एचेरे बिसवासकेड अते, होड़कू अपे बदीरे ओपता घड़ीनकू कताय हों, अपेराः नपाय लूर-नेवन ञेलकेडखनकू गियू जुवाःता।

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

गलातिया 5:1

अबू अजइत जुवाः लगा ईसू मसी अबूय सडावकेडबुःआ। हनालगा अपे बड़ियाड़कियानखन नियमकूनराः आड़रे अहापे बहुरावगुः।

मूक चेलाकू 15:10

दो नाःआ इया इदान दो अपे चिला लगा बेगर एहूदाकू, एहूदाकूराः नियम मनाः लगा बोझा एमेवाडकूखन भगवानपे अंदजावतना? नाःआ बोझा अबूरिकुःआ खुटिपहार होड़कू अरू अबू हों मेरबू मनाव अवेनतना।

मूक चेलाकू 10:22

दो हँकू कताया, “कुरनेलियूस ञावीग रूमी देसराः सइना होड़कूरीग हातपात होड़ अले आम एचेरेय वारकेडलेःआ। हाँय भगवाने बोरोवाता अरू हाँयराः कताय मनाःता। एहूदाकू हाँय नपायतेकू मान मरजइतगेयता। आँयग ओड़ाःरे आम राःमे लगा अरू आम कतायता हना जमा कताकून मनावगे लगा हाँय एचेरे भगवानरीग सुद बराहील कतातेरा।”

मूक चेलाकू 10:7

दो बराहील तोराय हना तयोमरे कुरनेलियूस आँयगरिकिनाः बार होड़ सेवकियाकिन अरू आँयग सुदाय दोहोना मी होड़ बिसवासगेयीग सइना होड़, हँकूय राःतेरा।

लूका 17:1

ईसू आँयग चेलाकू एचेरेय कताया, “होड़कूके कसूररे बझाः लगा मुरुक दाव होयाःता। मनदो एटाः होड़कूय एचे बझावता हाँयग होड़राः जीव ठीक जुवाःता।

मती ओजाःतेरा भगवानराः नपाय सरवन 11:30

ईंगराः जुवट गोः लगा रिता इदा अरू ईंगराः मोटा हलुका इदा।”

1 तिमुतियूस 5:14

हनालगा ईंग चहाःता, धंगड़ी रंडियाहीनकू सगइ जुवाःकू अरू लइंकूकू जनमाव अरू अँननकू ओड़ाःकू सलाव। ननन इयाकू एचेय दो मुदइ होड़कू अबू ओरोकू बदी अवेतेडकुःआ।

1 कुरिंती 10:32

अरू अपे एहूदाकू, सहे बेगर एहूदाकू, सहे कलसियारिकुःआ बिसवासी होड़कू एचे कसूरकू लगा अलोपे बड़ाँः।

मती ओजाःतेरा भगवानराः नपाय सरवन 11:9

दो अपे चिला लगापे सेनेडा? अपे भगवानराः बड़रा कतायीग होड़ ञेल लगापे सेनेडा जा? हाव। ईंग अपे एचेरेयिंग कतायतना, एहुना जमा भगवानराः बड़रा कता होड़कू अते हों मरंगीग हवे।