1 तिमुतियूस 5:16 - Korwa Bible

¹⁶ तोनोंगीग बिसवासी अइमीराः ओड़ाःरे रंडियाहीन इदान दो हाँय हनाँयग रंडियाहीने संघरावा अरू हाँयराः जिमेवारी कलसियारिकुःआ होड़कू एचेरे अहाय एमेय। हनाते कलसियारिकुःआ होड़कू सतायरे रंडियाहीनकू इदानकुःआ हँकूकू संघरा अवेवाता।

1 तिमुतियूस 5:16 Referans Kwoze

1 तिमुतियूस 5:8

अँननकू ओड़ाःरिकुःआ होड़कू मेरकू पला दरीकूता, हँकुःआ होड़कू अँनकूराः बिसवासकू अड़ाःगोतेडा अरू बेगर बिसवासी होड़कू अते हों बेनेलूर इदानकुःआ।

1 तिमुतियूस 5:9

अनँयगरीग मिनी होड़ हेरेलतो सुदा मड़ंगरेय दोहोना अरू साठ बरिस होयायना हनाँयग रंडियाहीनराः ञाव रंडियाहीन सूचीरे ओजाःगे लगा इदा।

1 तिमुतियूस 5:10

हाँयग रंडियाहीन बदीरे एटाः होड़कू नाःआ हिदइत, उउदुः लगा इदा, हाँय एटाः होड़कू लगा नपाय संघराय एमेःआ, अनँयग लइंकूय पला दरीतेरा, गुतिया होड़कू होंय नेत-नेवारतेरा, भगवानरिकुःआ सुद होड़कूराः काटे बुहालतेरा अरू सिकिसतारेकू दोहोना हँकुःआ होड़कूय संघरावातेरा अरू हाँय एटाः एटाः इयाःआ नपाय बुता एचेगे लगा लगले इदानिया, माःआन।