1 तिमुतियूस 4:7 - Korwa Bible

⁷ भगवान मेर मान मरजइतगेयता हना कहड़ीकून अरू डुपुकुरीकूराः तुलात कहड़ीकून अते तोरेम दोहोन। मनदो भगवान मंजूरवाता हनानाः एचे लगाम चिडुः।

1 तिमुतियूस 4:7 Referans Kwoze

1 तिमुतियूस 1:4

तुलात कहड़ीकून अरू खुटिपहार होड़कूराः ञाव सूची बदीराः बड़राकूनरे हँकुःआ होड़कूराः ओंगोल अलो दोहोन लगाम हुकुमवाकू। ननन इयाःआ कताकून बिसवासते होयाःता हना भगवानराः चेड इया कोवानेःआ अरू हना अते होड़कू मुरुककू अड़ा-चउकीता।

2 तिमुतियूस 2:16

भगवान मेर मान मरजइतगेयता अरू होड़कू भगवानराः दूर अतेकू बनाहकाव जुवाःता हना इयाःआ बेलूर बड़राते तोरेम दोहोन।

तितूस 2:12

जेमहा भगवानके मंजूर कोवानेःआ हना चउंदीसराः जमा बरानाः बेलूर ओंगोलकून अड़ाःकेडखन नाःआ जूगरे अबू अँननबूराः जीव संभाड़गे घड़ीन सतायते अरू भगवानराः ओंगोल इयाबू जियाः।

तितूस 3:9

मनदो अड़ा-चउकीकू रिमुःता हना बेलूर बड़रा अरू खुटीपहारराः सदाःआ कहड़ीकून अरू एहूदाकूराः नियम बदीरे कड़ीग अरू बेलूर बेलूर कता होड़ेंग अते आम तोरेम दोहोन। नाःआ इयाःआ बड़राकून बेगर लूर इदा अरू तोनोंगाः नफा ओरो होयानेना।

इबरानी 5:14

मनदो बुधियाड़ इदानकुःआ हँकुःआ होड़कू कइन तुरहा उपयोतगेतान अते करा नपाय अरू करा बेलूर इदा हना जासगे लगाकू चेडकिया।

2 तिमुतियूस 2:23

कड़ीगकू रिमुःता हना सदाःआ अरू अनभनिया कता होड़ेंग अते तोरेम दोहोन।

2 तिमुतियूस 4:4

हँकुःआ होड़कू सताय बड़रा अयूम अतेकू अइठाव जुवाःता अरू होड़कूराः तुलात कहड़ीकून अगीकू बहकाव जुवाःता।

1 तिमुतियूस 6:11

मनदो ने भगवानरीग होड़ तिमुतियूस, नाःआ इयाःआ ललची कताते तोरेम दोहोन। भगवानराः ओंगोलरे बेगर गारबारते धरमिया होड़ बड़ाँवकियानखन बिसवास अरू अलार-दुलारते ओंगोल समझाव घड़ीन सुधा होड़ होयाः लगाम होमगोड।

मूक चेलाकू 24:16

हनालगा भगवान अरू होड़कू मड़ंगरे सगर बेला ईंगराः इंदरी सुद दोहोन लगायिंग कुरनिसगोड ञवनता।

1 तिमुतियूस 6:20

ने तिमुतियूस, भगवान आम एचेरेय जिमाकेरा हना नपायतेम जतन हड़ाःगे। बेगर लूर बड़रा अरू कनहून माःआन लबरातेकू कतनता हना जमा कताकूनते तोनोरेम दोहोन।

तितूस 1:14

अरू एहूदाकूराः तुलात कहड़ी अरू सतायकू आड-बेकारवाता हँकुःआ होड़कूराः कता अलोकू मनाः।

2 तिमुतियूस 3:12

सनातायते, ईसू मसी एचेरे बिसवासकेडखन भगवानराः हिछा इया जियाः लगाकू चाहाःता, हँकुःआ जमा होड़कू संतावरेकू पनाराःता।

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

1 तिमुतियूस 2:10

मनदो, नपाय बुताकूनते अनँयग आँयग सींगराः लगा इदा। भगवानकू जागता, हँकुःआ अइमीकू ननन इयाकू होयाः दो नपाय इदा।

1 तिमुतियूस 1:9

अबू नाःआ हों सुदीयतनाबू, भगवानराः नियमकून बेगर गारबार होड़कू लगा मेरेय तुलागाड। मनदो गारबार अरू तुड़ेंग-तपेग होड़कू लगा, भगवान मेरकू मनाःता अरू कसूर होड़कू लगा, सुद कोवानेःआ अरू बेलूर होड़कू लगा, एंगात अपातकू ञेड एंडात होड़कू अरू ञेड एएंडा होड़कू लगा,

1 तिमुतियूस 4:8

देह बड़ियाड़ बड़ाँवगे दो नपाय इदा, मनदो भगवानराः ओंगोल इया जीव बड़ियाड़ बड़ाँः दो हना जमालेःआते ननपाय इदा। नाःआ, चउंदीसराः गुजर मसर लगा अरू गुजुः तयोमराः जीव लगा हों नफा एमेयता।

1 तिमुतियूस 6:3

भगवानराः ओंगोल इयाबू जियाव अवेनता हना चेडरे, अरू अबूरीग परबू ईसू मसीराः सताय सरवनरे तोनोंगीग मेरेय रायगुःता, अरू नाःआ अते एटाः इयाःआ चेड होड़कूय चेडता दो,

1 तिमुतियूस 6:5

नाःआ इया होड़कू अनभनिया कड़ीगकू रेमगोडता। अरू हँकूराः जीव आडतो इदा अरू हँकू मेरकू सुदीयता सताय चिला हवे। हँकू ओंगलेता, धरमराः दूररे मुरुक नफा इदा, माःआन।

2 तिमुतियूस 3:5

हँकुःआ होड़कू धरमराः भेसरेकू दोहोनता, मनदो भगवानराः जंगर ओरोकू मनावनेना। हनन इयाकुःआ होड़कू अते तोनोरेम दोहोन।