1 तिमुतियूस 4:3 - Korwa Bible

³ हँकुःआ लबरा होड़कू, होड़कू बियाहगुः अते अरू तोनोंग तोनोंग जिनिसकून जोम अतेकू रोंकावकूता। मनदो भगवान जमा जोम जिनिसकून, सतायकू सुदीयता हँकुःआ बिसवासी होड़कू, हाँय जागगेय घड़ीन जोम लगाय तुलाकेरा।

1 तिमुतियूस 4:3 Referans Kwoze

1 तिमुतियूस 4:4

भगवान तुलाकेरा हना जमा जिनिसकून ननपाय इदा अरू भगवान धनियाबाद घड़ीनबू जोमता दो, तोनोंगाः जिनिस लुलुंबाड़ लगा कोवानेःआ।

इबरानी 13:4

सनहा-सनही होड़कू अरू बेलूर बुता होड़कू जमाकू भगवान डनंडियावकूता। हनालगा बियाह जमाकू मड़ंगरे मनन मरजइत इदा माःआनपे ओंगोलबाःका अरू बियाहराः डरी डसना सुनुदपे दोहोय।

रूमी 14:6

अरू तोनोंगीग तोनोंगाः मी दिन परबू जाग लगाय मनाःता दो, हन हाँय परबू मान मरजइतगे लगाय एचेयता। तोनोंगाः जिनिसे जोमता हाँयग होड़, भगवान जाग घड़ीन परबू मान मरजइतगे लगाय जोमता। अरू तोनोंगाः जोम जिनिस मेरेय जोमता हाँयग होड़, भगवान जाग घड़ीन परबू मान मरजइतगे लगा मेरेय जोमता।

कुलूसी 2:16

हनालगा अपे ञूय-जोम बदीरे, सहे तोनोंगाः परोब बदीरे सहे आँच तेपेनराः परोब बदीरे सहे लोड़ोनराः दिन बदीरे तोनोंगीग अपे अलोय फड़ियावपे।

1 कुरिंती 8:8

जोम जिनिस अबू भगवान एचेरे मेर इदी सोदोरबूता। अबू मेरबू जोम दो अबूराः कही ओरो आडनेना अरू अबू जोम हों कही नफा ओरो होयानेना।

कुलूसी 3:17

अपे तोनोंगाः बुतापे बुता सहे तोनोंगाः कतापे बड़रा हना जमाकून ईसू मसी लगापे एचेय, अरू हाँयते अपांग भगवानपे जागगोड ञवन।

1 कुरिंती 7:28

मनदो आम बिनियाहगुः दो हन कसूर ना लवे। ननन इया तोनोंगीग डिंडा धंगड़ी बियाहगुः दो हाँय मेरेय कसूरगेतना। हनते हों बियाहगुःताकू हँकुःआ होड़कू लगा नाःआ चउंदीसरे मुरुक कटसिया होयाःता। हनालगा अपे हना कटसियाते बनसाःपे लगायिंग चहाःतना।

रूमी 14:3

भगवान जमाकूय मनेवाडकुःआ। हनालगा जमा बरानाःए जोमता हाँयग होड़, मेरेय जोमता हाँय अलोय आड-बेकारवाय। अरू मेरेय जोमता हाँयग होड़, जमा बरानाःए जोमता हाँय अलोय बदीगेय।

इबरानी 13:9

होड़कू अपे मसीराः चेडतो अते एटाः एटाःकू चेडपे दो, हनारे अलोपे बहकाःआ। जोजोमराः नियमकून मनावकेडखन अपेराः जीवरे तोनोंगाः नफा ओरो होयानेना। मनदो मसीराः मयाते अपेराः जीव बड़ियाड़गुःता।

1 तिमुतियूस 2:4

हाँय जमा होड़कू कसूर अतेकू सडाव जुवाः लगा अरू सतायकू सुदीगोड लगाय चहाःतना।

1 कुरिंती 6:13

अरू तोनोंगीग कतायता, जोम-ञूय जिनिस दोंगे लगा अरू दोंगे जोम-ञूय जिनिस लगा इदा। मनदो ईंग कतायता, भगवान बनरे लाय एंडागोडता। अरू अबूराः देह दगलीकून सनहा-सनही एचेय लगा कोवानेःआ। अबूराः देह दगलीकून परबूराः हवे। हनालगा अबूराः देह दगलीकून परबू सेवा लगा उपयोतगे लगा इदा अरू हनाँय हवे अबूरीग मालिक।

रूमी 14:17

भगवानराः राइज जोम ञूय बदीरे कोवानेःआ। मनदो हन भगवानराः ओंगोल इयाःआ सताय कता बदीरे अरू सुद बिरुवा एमेयता हना सलसत अरू बहाल बदीरे इदा।

मती ओजाःतेरा भगवानराः नपाय सरवन 15:36

ईसू सातगोटोंग रुटी अरू गुनमिनकू दोहोना हँकुःआ हकूकू साबतेडखने अरजीतेरा अरू डुंडीग घड़ीन चेलाकूतेन एचेरेय एमे इदीया अरू हँकू होड़कूकू हटिंगवातेरा।

मती ओजाःतेरा भगवानराः नपाय सरवन 14:19

हनते हाँय हँकुःआ होड़कू बीररे दुड़ुः लगाय कतावाडकू। अरू पाँचटोंग रुटी अरू बारटोंग हकूकिन साबतेड अरू सेरमो अगी संगीलतेडखन भगवान एचेरेय अरजीतेरा। हनते हाँय हना रुटी डुंडीगगे घड़ीन चेलाकूतेन एचेरे होड़कू हटिंगवाकू लगाय एमेगोतेड अरू चेलाकू होड़कूकू हटिंगवातेरा।

मूक चेलाकू 27:35

हाँय नाःआ इया कतातेडखन रुटीय गोःतेरा अरू भगवान जागतेडखन जमाकू मड़ंगरे रुटी डुंडीग घड़ीने जोमा।

एहुना 6:23

हनते परबू रुटी लगाय अरजीतेरा अरू होड़कू जोम लगाय ओवातेडकुःआ, हना ततेरराः लेसान ततेररे तोनोंग तोनोंग होड़कू तिबिरियास सहर अते डोंगाकूनरेकू वेगनेना।

लूका 24:30

ईसू हँकिन सुदा जोजोम लगाय दुड़ुःयान। हनमेला रुटी साबवाडखन भगवाने धनियाबादतेरा। अरू हना रुटी डुंडीगतेडखन हँकिनाः होड़किन जोम लगाय हटिंगवातेडकिना।

मती ओजाःतेरा भगवानराः नपाय सरवन 15:11

आहते दोंगेरे बोलता हना जिनिसते होड़ मेरेय मइलाःता, मनदो आहराः बड़राते होड़ मइलाव जुवाःता।”

1 तिमुतियूस 5:14

हनालगा ईंग चहाःता, धंगड़ी रंडियाहीनकू सगइ जुवाःकू अरू लइंकूकू जनमाव अरू अँननकू ओड़ाःकू सलाव। ननन इयाकू एचेय दो मुदइ होड़कू अबू ओरोकू बदी अवेतेडकुःआ।