1 तिमुतियूस 4:12 - Korwa Bible

¹² ने तिमुतियूस, डिंघा इदानमेःआते तोनोंगीग आम हुडिंग अलोकू ओंगोल अवेमे। मनदो आम सुद लूर-नेवनते अरू बड़राते, बिसवासरे अरू अलार-दुलारतेम दोहोन अते, बिसवासी होड़कूके मीटोंग चिनहा इयाम दोहोन।

1 तिमुतियूस 4:12 Referans Kwoze

तितूस 2:7

तितूस आम हों जमालेःआ नपाय बुताम बुता बदीरे एटाःकू लगा चिनहा इयाम दोहोन। आम सुद अरू सताय ओंगोलते,

2 तिमुतियूस 2:22

डिंघा धंगड़ीकूराः जीवरे वेगता, हना देहराः हिछाकून अते तोनोरेम दोहोन अरू सुद इंदरीते भगवानकू जागता, हँकुःआ होड़कू सुदा बेगर गारबारते बिसवास अरू अलार-दुलार घड़ीन सलसतरे दोहोन लगाम होमगोड।

2 तिमुतियूस 2:15

तोनोंग कतारे गियुः मेर पराःता अरू भगवानराः सताय सरवन ननपायतेय चेडकूता भगवान जुकूरे दोहोनता हाँयग सेवकिया होड़ इया अनम आम जिमान लगा मिहनइत घड़ीनमे कुरनिसगे।

1 पतरस 5:3

अपे एचेरे भगवान जिमाकेडकुःआ हँकुःआ होड़कू एचेरे कटराहा होड़कू इया अहापे हातपातगे। मनदो बिसवासी होड़कू लगा मीटोंग नपाय चिनहा इयापे दोहोन।

1 कुरिंती 11:1

दो ईंग ईसू मसी अते ञेल सिखात होड़ इदानिंगा, हनन इया अपे हों ईंग अते ञेल सिखात होड़कूपे बड़ाँः।

1 तिसलूनिका 1:6

अपेके मुरुक संताव होयानेना। हनाते हों सुद बिरुवा एमेयता हना बहालते अपे नपाय सरवनपे मनावकेडखन अलेरिकुःआ अरू परबूरिकुःआ ञेल सिखात होड़कूपे बड़ाँवनेना।

तितूस 2:15

ने तितूस, जमा हातपातते नाःआ कताकूनमे चेडकू अरूम कता बहालकू अरूम सुधरावकू। मनदो तोनोंगीग आम हुडिंग ओंगोलगे लगा अहम ओवाकू।

मती ओजाःतेरा भगवानराः नपाय सरवन 18:10

“अपे ईंगपे अयूम, ईंग एचेरेकू बिसवासगेता हँकुःआ होड़कू अते तोनोंगीग हुडिंगीग होड़ अहापे आड-बेकारवाय। सेरमो देसरे नँकूरिकुःआ अगुरादार बराहीलकू, हंडा इदानिया ईंगरीग अपांग भगवान सुदा सगर बेला इदानकुःआ।

2 तिमुतियूस 2:7

आम एचेरेयिंग कतायतना, हना कता उहियार दोहोगोड ञवनमे अरू भगवान जमालेःआम सुदी अवे लगा कनहूने एमेवामता।

एकूब 3:13

अपे अते कनहूनदार अरू सुदीगे इयायीग होड़ इये हवे? दो हँकुःआ होड़कू अँननकू अँकू हुडिंग ओंगोलकियानखन कनहून सुदा नपाय लूर-नेवनते जियाः लगा इदा।

एकूब 3:17

मनदो भगवान अबू लगाय एमेयता हना कनहूनते मी होड़ सुद अरू सलसतिया होड़े बड़ाँःता। हाँय सोगायीग होड़े दोहोनता अरू एटाः होड़कूराः कताय मनाःता। हाँय मयादार अरू बेगर गारबारराः बिसवास अरू बेगर पाचपटी सुदा नपाय बुता एचे लगा हों मंजूरे दोहोनता।

पिलिपी 4:8

दो ईंगरिकुःआ अजी बोपोहकूतिंग, ईंग नाःआ चिठी टुटीगगे अते मड़ंग अपे एचेरेयिंग कतायतना, सताय अरू मान मरजइतगे इदा हना कताकून, अरू नपाय अरू सुद इदा हना कताकून, अरू होड़कू ननायगोडकूता अरू भल-भलायवाकूता हना कताकून, हना जमाकूनपे ओंगोलगोड ञवन। अरू नाय नपाय अरू जागगे इयाःआ इदा हनानाः कताकूनपे ओंगोलगोड ञवन।

1 तिसलूनिका 2:10

अपे तलारेले दोहोन मेला बिसवासी होड़कू एचेरे अलेराः लूर-नेवन सुद, सताय अरू बेगर गारबारते दोहोना माःआन अँननपे अरू भगवान हों हिदइतदारकू इदानपेःआ।

1 तिमुतियूस 1:14

परबू ईसू मसी मिनी जीवते ईंगे मयावारा, जेमहा ईंग हाँय एचेरेयिंग बिसवासगे अरू एटाः होड़कूयिंग दुलार अवे।