1 तिमुतियूस 3:7 - Korwa Bible

⁷ बेगर बिसवासी होड़कू हों नपायकू मान मरजइतगेयता, हनाँयग होड़ कलसियारीग मूक होड़ होयाः इदा। हनाते कलउ हाँयग होड़ कसूररे दाःगेय लगा ओरोय अवेतिडिया अरू हाँय ओरोय गियूनेना।

1 तिमुतियूस 3:7 Referans Kwoze

2 कुरिंती 8:21

अरू अले परबू ननायगुः लगा एकला कोवानेःआ, मनदो होड़कूराः ओंगोलरे हों नपाय एचे लगा दोंगले जोह ञवनता।

2 तिमुतियूस 2:26

अरू कलउ मड़ंगरे हँकुःआ होड़कू आँयग ओंगोल इया एचेगे लगाय अडिगतेडकुःआ हना जालतेकू बनसाव जुवाःता।

कुलूसी 4:5

बेगर बिसवासी होड़कू सुदा नपाय ओंगोल बुझाः घड़ीन अपेराः लूर-नेवन होयाः लगा इदा। अरू जमा बेला हँकू लगा नपाय बुता एचेय लगा सपड़ावतोपे दोहोन।

1 तिमुतियूस 6:9

गिरहत होयाः लगाकू ओंगलेता, हँकुःआ होड़कू एटाः एटाः इयाःआ ललचीराः कसूररेकू दाः जुवाःता अरू बेलूर बेलूर ओंगोल दूररेकू सलाव जुवाःता अरूकू लाय जुवाःता।

1 तिसलूनिका 4:12

जेमहा एटाः होड़कू अपेराः बुता जोम बदीरे अपेकू मान मरजइत। अरू तोनोंग इयाःआ हुडिंग बगरा अपे लगा ओरो होयानेना।

2 कुरिंती 6:3

अलेराः सेवा बेगर गारबारते दोहोन लगा अले तोनोंगीग होड़राः बिसवास दूर मेरले रेडता।

1 कुरिंती 10:32

अरू अपे एहूदाकू, सहे बेगर एहूदाकू, सहे कलसियारिकुःआ बिसवासी होड़कू एचे कसूरकू लगा अलोपे बड़ाँः।

मूक चेलाकू 6:3

हनालगा अजी बोपोहकूताले, अपे अते नपाय लूर-नेवनकुःआ कनहूनदारकू अरू सुद बिरुवाते पेरेगतो सातगोटोंग होड़कूपे ञाम। हँकुःआ होड़कू जोजोम जिनिस हटिंग बुता बुता लगाले एटाःकूता।

तितूस 2:8

होड़कू ओरोकू ओपता अवेतेरा हनन इया खरतेम चेडकू। दो आमकू घंटावता हँकुःआ होड़कू हना सरवनते तोनोंगाः बेलूर बड़राकू कताय लगा दाव ओरोकू पवावनेना अरूकू गियू जुवाःता।

तितूस 2:5

अरू अँननकूराः जीव संभाड़गे घड़ीन सुद अरू नपाय जीव जियाः लगा अरू ओड़ाः बुता नपायते ञेल संभाड़गे लगा अरू अँननकू हेपेरेलकूराः आड़रे दोहोन लगाकू चेड अवेकू। नाःआते एटाः होड़कू भगवानराः सरवन ओरोकू ओपता अवेतेरा।

1 तिसलूनिका 5:22

जमा बरानाः कसूर अते तोरेपे दोहोन।

1 तिमुतियूस 5:14

हनालगा ईंग चहाःता, धंगड़ी रंडियाहीनकू सगइ जुवाःकू अरू लइंकूकू जनमाव अरू अँननकू ओड़ाःकू सलाव। ननन इयाकू एचेय दो मुदइ होड़कू अबू ओरोकू बदी अवेतेडकुःआ।

1 कुरिंती 5:12

कलसियारे मेरकू वेगता हँकुःआ होड़कू फड़ियाव लगा ईंगराः बुता ना लवे। कलसियारिकुःआ होड़कू हमा अँननकू फड़ियाव होड़ेंगता।

मूक चेलाकू 22:12

हनानियाह ञावीग मी होड़ हंडाय दोहोना। हाँय भगवानराः नियमकून नपायतेय मनाःआ अरू हना सहररिकुःआ जमा एहूदाकू हाँयकू मान मरजइतगेया।

मूक चेलाकू 10:22

दो हँकू कताया, “कुरनेलियूस ञावीग रूमी देसराः सइना होड़कूरीग हातपात होड़ अले आम एचेरेय वारकेडलेःआ। हाँय भगवाने बोरोवाता अरू हाँयराः कताय मनाःता। एहूदाकू हाँय नपायतेकू मान मरजइतगेयता। आँयग ओड़ाःरे आम राःमे लगा अरू आम कतायता हना जमा कताकून मनावगे लगा हाँय एचेरे भगवानरीग सुद बराहील कतातेरा।”

मरकूस 4:11

दो ईसू कतातेड, “भगवानराः राइजराः ओकोत कताकून सुदी लगा अपेके भगवान कनहूने एमेवाडपेःआ, मनदो एटाः होड़कू सुदा ईंग अउल-तउल कहड़ीयिंग उदुःगेता।

3 एहुना 1:12

कलसियारिकुःआ जमा होड़कू दिमेतिरियूस बदीरे नपाय नपायकू कतायता। अरू हाँय भगवानराः सताय सरवन इयाय जियाःतना। अले हों हाँय बदीरे नपाय हिदइतले एमेयतना अरू आम सुदीयतना अलेराः हिदइत सताय इदा।

1 तिमुतियूस 3:6

हाँय नँवा बिसवासी होड़ अलोय दोहोन, जेमहा हाँय बड़वारकियानखन कलउ पवावकिया हना इया डंड भगवान अगीते अलोय पवाः।