1 तिमुतियूस 2:3 - Korwa Bible

³ नाःआ दो नपाय इदा अरू अबूरीग सडावदार भगवान नाःआतेय ननाय जुवाःता।

1 तिमुतियूस 2:3 Referans Kwoze

इबरानी 13:16

एटाः होड़कू नपायते संघरावाकू लगा अरू हटिंगवाकू लगा अलोपे लिड़िंगे। ननन इयाःआ बलिदानते हमा भगवान ननायगुःता।

1 तिमुतियूस 1:1

ने तिमुतियूस, अबूरीग सडावदार भगवान, अरूबू असराता हाँयग ईसू मसीराः हुकुमते ईसूरीग मूक चेलायिंग बड़ाँवनेना, ईंग पउलूस,

1 पतरस 2:20

अपे बेलूर बुता बुताकेडखन कटसियापे सहाव दो, अपे लगा चिला नफा होयाःता? मनदो अपे नपाय बुता बुताकेडखन कटसियापे सहाव दो, अपेराः जीव भगवान भल-भलायगेता।

रूमी 14:18

नाःआ इया ईसू मसीय सेवाता हाँयग होड़ भगवानराः ओंगोलरे अरू होड़कूराः ओंगोलरे हों नपाये दोहोनता।

1 पतरस 2:5

दो जीयत दिरिकून इया सुद बिरुवा अपे भगवानराः सताय ओड़ाःरे एटाः होड़कू सुदा जोड़ावकेडपेखन सुद पुजउरीकू तुलापेतना, जेमहा भगवान ननायगुःता हना सुद बलिदानकून, अपे ईसू मसीतेपे देग अवेयता।

1 तिसलूनिका 4:1

टुनुटीगरे ईंगरिकुःआ अजी-बोपोहकूतिंग, भगवान ननायगुःता हन इया अपे जियाः लगाले चेडतेडपेःआ अरू अपे हनन इयापे जियाःतना। दो नुँहू अपे परबू ईसू मसीरे मिनी इदान अते, अपे नाःआ इया अनउरपे एचेय लगा गोड़न-पइयनकेडखनले असेयतना।

कुलूसी 1:10

जेमहा अपे परबूराः हिछा इया जियाः घड़ीनपे ननायगोडेय, जमालेःआ नपाय बुतापे एचे अवेय, अरू भगवान अनउर नपायतेपे सुदीगोड ञवन।

लूका 1:47

अरू ईंगराः इंदरी ईंगरीग सडावदार भगवान एचेरे बहालगुःतना।

पिलिपी 1:11

नाःआ इयाःआ नपाय लूर-नेवन ईसू मसीते अपेराः जीवरे होयाःता, अरू हनाते होड़कू भगवानकू जाग अरूकू मान मरजइतगेय।

1 तिमुतियूस 5:4

मनदो तोनोंगीग रंडियाहीनरिकुःआ बेटा बिटीकू सहे कोपोड़ारकू इदान दो हँकू अँननकू ओड़ाःरिकुःआ होड़कू पला दरीकू लगा इदा। अरू एंगत अपात अरू जीयात-ततात अँकूकू पला दरीतेरा हनन इया हँकुःआ होड़कू भगवान सेवागेय लगाकू चिडुःता, जेमहा भगवान जुकूरकू बड़ाँव जुवाः।

पिलिपी 4:18

अपे इपापुरूदितूसते ईंग लगापे वारतेरा हना संघरा, ईंग पवावकियानखनिंग संतोकयना। नुँहू ईंग एचेरे तोनोंग इयाःआ हुडिंग बगरा कोवानेःआ अरू जनामालेःआ इनिदा। अपेराः संघरा भगवान लगा नपाय महक एमेयता हना बलिदान इया इदा अरू हनाते हाँय ननाययना।

2 तिमुतियूस 1:9

हनाँयग भगवान अबूराः तोनोंग नपाय बुता ञेलकेडखन कोवान, मनदो हाँय चउंदीस बुँहड़ीन अते मड़ंगरेय ओंगोल दोहोतेरा हना इया ईसू मसीते मयावाडबूखने सडावकेडबुःआ अरू सुद जीव जियाः लगाय राःकेडबुःआ।

1 तिमुतियूस 4:10

जीयत इदानिया हाँयग भगवान एचेरे अबूराः असरा इदा। हाँय जमा होड़कूरीग सडावदार हवे अरू हाँय आँयग एचेरेकू बिसवासगेता हँकुःआ होड़कूय सनाडावबाःकूता। हनालगा अबू मिहनइत घड़ीनबू सेसेवातना।