1 तिमुतियूस 1:1 - Korwa Bible

¹ ने तिमुतियूस, अबूरीग सडावदार भगवान, अरूबू असराता हाँयग ईसू मसीराः हुकुमते ईसूरीग मूक चेलायिंग बड़ाँवनेना, ईंग पउलूस,

1 तिमुतियूस 1:1 Referans Kwoze

तितूस 1:3

अरू अबूरीग सडावदार भगवानराः हुकुमते तोल दोहोत बेलारेय जिमावरिंगा अनँयगराः नपाय सरवन ईंगराः परसारते हनानाः असरा होड़कूय एचे सुदीकेडकुःआ।

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

मूक चेलाकू 9:15

मनदो परबू हनानियाह एचेरेय कतातेरा, “नाँय एटाः एटाः देस अगी बेगर इसराएल होड़कू अरू हँकूरिकुःआ राजाकू मड़ंगरे अरू इसराएल होड़कू एचेरे ईंगराः ञावते परसारगे लगायिंग सुनावकिरिया। हनालगा आम हाँय एचेरेम सेन।

जूदा 1:25

हाँयग मिनीटोंग भगवान अबूरीग सडावदार लगा, जूग परिया अते इदानिया अरू नुँहू अते सगर जूग वरीय दोहोनता अबूरीग परबू ईसू मसीते, मान मरजइत अरू जाग, हातपात अरू जंगर सगर सइट लगा होनोयागोड ञवन। आमीन!

1 पतरस 1:3

अबूरीग परबू ईसू मसीरीग अपांग भगवानिंग जागगेयता। हाँय अबू मुरुके मयावाडबुःआ अरू ईसू मसी गोएगतो होड़कू अतेय जियाव रेमकिडिगखन अबू लगा नँवा जीवे एमेकेरा, जेमहा अबू एचेरे, ओरो टुटीगनेना हना असरा दोहोन।

1 तिमुतियूस 1:12

ईंग बिसवासगेयीग होड़ ओंगोलवाडिंगखन, परबू ईसू मसी आँयगराः सेवा सेवागे लगा सुनावकिडिंगखन आँयगराः बुता बुतागे लगा जंगरे ओवाडिंगा। हनालगा हाँयिंग धनियाबादतना।

गलातिया 1:1

ने अजी बोपोहकूतिंग, होड़कू अगीते सहे मनुवाकूराः ओंगोलते कोवान, मनदो ईसू मसीते अरू गोएगतो अते ईसूय जियाव रेमकिरिया हाँयग अपांग भगवान, हँकिनराः हिछाते मूक चेला बड़ाँवतो ईंग पउलूस,

2 कुरिंती 1:1

ने अजी बोपोहकूतिंग, भगवानराः हिछा इया ईसू मसीरीग मूक चेला इदानिंगा ईंग पउलूस, अबूरीग बिसवासी बोहोबू तिमुतियूस सुदा, अपे कुरिंती सहररे इदानकुःआ, भगवानराः कलसियारिकुःआ होड़कू लगा, अरू अकाया देसरे इदानकुःआ भगवानरिकुःआ एटाः सुद होड़कू लगा हों नाःआ चिठी ईंग ओओजाःतना।

2 पतरस 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू मूक चेला सिमोन पतरस, ईंग नाःआ चिठीयिंग ओजाःगेतना। अबूरीग भगवान अरू सडावदार ईसू मसी, अबू बेगर गारबार होड़कूय बड़ाँवकेड अते, अले पवावकिया हनानाः मुरुक किमइताः बिसवासकू पवावकिया अपे लगा नाःआ चिठीयिंग ओओजाःतना।

1 तिमुतियूस 2:7

ईंग सनातायिंग ककतातना, मेरिंग लबरातना, नपाय सरवन जमा होड़कू एचेरे परसारगे लगा अरू ईसूरीग मूक चेला होयाः लगा भगवान सुनावकिडिंगखन बेगर एहूदाकू एचेरे भगवानराः सताय अरू बिसवासगेःआ सरवन चेड लगा ईंगे जिमावारा।

2 तिसलूनिका 2:16

दो अबूय दुलारकेरा, अरू मयावाडबूखन सगर सइट लगा अबू जीवे हड़ियड़गोतेडा, अरू नपाय असराय एमेकेरा अबूरीग अपांग भगवान अरू परबू इनीसू मसी,

1 कुरिंती 1:1

ने अजी बोपोहकूतिंग, ईंग पउलूस, अबूरीग बिसवास बोहोबू सोसतिनूस सुदा, नाःआ चिठीयिंग ओजाःतना। भगवान आँयगराः ओंगोल इया ईसू मसीरीग मूक चेला बड़ाँः लगाय सुनावकिरिंगा।

1 एहुना 4:14

भगवान आँयगरीग बेटात चउंदीसरिकुःआ जमा होड़कू सडाव लगाय वारकिरिया। अले हाँय अँननले मेडतेले ञेलतिरिया अरू हिदइतले एएमेयतना।

1 पतरस 1:21

भगवान ईसू मसी गोएगतो होड़कू अते जियाव रेमकेडखने मान मरजइतकिडिया, जेमहा अपेराः बिसवास अरू असरा, भगवान एचेरे टक-टकावतो दोहोन।

तितूस 3:6

भगवान अबूरीग सडावदार ईसू मसीते आँयगराः सुद बिरुवा अबू लगा मिनी जीवकेडखने एमेकेरा,

तितूस 3:4

मनदो अबूरीग सडावदार भगवान अबूय दुलारकेडबुःआ, अरूय मयावाडबुःआ।

तितूस 2:13

अरू अबूरीग मरंग भगवान अरू सडावदार ईसू मसी मान मरजइत सुदा चउंदीसरेय कुदा वेगता हना दिन लगा बहालते असरा घड़ीनबू टकागोड ञवनतना।

तितूस 2:10

अरू तोनोंगाः जिनिस इनिग गोगे लगा कोवानेःआ, मनदो हँकू हँकुःआ मालिककू एचेरे भरसागेयीग होड़कू दोहोन इदा, जेमहा हँकूराः नपाय लूर-नेवन ञेलकेडखन अबूरीग सडावदार भगवानराः सरवन होड़कू एचेरे अनउर मान मरजइत होयाः।

1 तिमुतियूस 4:10

जीयत इदानिया हाँयग भगवान एचेरे अबूराः असरा इदा। हाँय जमा होड़कूरीग सडावदार हवे अरू हाँय आँयग एचेरेकू बिसवासगेता हँकुःआ होड़कूय सनाडावबाःकूता। हनालगा अबू मिहनइत घड़ीनबू सेसेवातना।

1 तिमुतियूस 2:3

नाःआ दो नपाय इदा अरू अबूरीग सडावदार भगवान नाःआतेय ननाय जुवाःता।

गलातिया 1:11

ईंग अजी बोपोहकूतिंग, अपेयिंग कता उदुःवाडपेःआ, हना नपाय सरवन होड़कूराः तुलात सरवन ना लवे।

1 कुरिंती 9:17

ईंग इनिंगराः हिछातेयिंग परसारगेतान दो हनाराः इमानिंग पवाःता। मनदो ईंगे जिमेवारा, हनालगा ईंगके पपरसार पनाराःता।

रूमी 1:1

ने अजी बोपोहकूतिंग, ईसू मसीरीग सेवादार अरू मूक चेलाराः सेवारे, अरू भगवानराः नपाय सरवन परसारगे लगा भगवान एटाःकिडिंगा, ईंग पउलूस नाःआ चिठीयिंग ओजाःगेतना।

लूका 1:47

अरू ईंगराः इंदरी ईंगरीग सडावदार भगवान एचेरे बहालगुःतना।

लूका 2:11

तिसिंग दाऊदराः सहर बेतलहेमरे, अपे लगा मी होड़ सडावदार जनमावकिया। अरू हनाँय हवे, परबू मसी।