1 तिसलूनिका 5:7 - Korwa Bible

⁷ अपीगता हँकुःआ होड़कू रइतरेकू अपीगता, अरू बूल जुवाःता हँकुःआ होड़कू रइतरे हमा बुनुलतोकू दोहोनता।

1 तिसलूनिका 5:7 Referans Kwoze

2 पतरस 2:13

हँकू एटाः होड़कू सुदा बेलूरकू एचेकेरा अरू भगवान हँकू लगा बेलूरे एचे कुदायता। हँकू दिनीने दिनरे बेलूर बुता बुता घड़ीन जोम-ञूय लगाकू ननायगुःता। हँकू अपे सुदाकू जोम ञूयता दो अपे लगा दगी अरू जोरोड इयाकू दोहोनता।

रूमी 13:13

अपे कसूर लूर-नेवन इया कोसोड़ा-दारू झड़ीकेडखन हउड़ी होड़कू अलोपे होयाः, सनहा-सनही अरू बेलूर बुताकून अहापे एचेय, कड़ीग अरू इरा होड़कू इया अहापे जियाः। मनदो अपेराः जीव भगवान मरसलगोतेडकुःआ हँकुःआ होड़कू इया नपाय लूर-नेवनतेपे जियाव ञवन।

1 कुरिंती 15:34

भगवान मेरकू सुदीयता हँकुःआ होड़कू इया अपे अते तोनोंग तोनोंग होड़कू जियाःतना। हनालगा अपे गियू जुवाः लगा नाःआ इयायिंग कतायतना, नपायपे सुरतान अरू कसूरगे लगापे अड़ाः एंडागोड।

मूक चेलाकू 2:15

नुँहू वरी मी डांग बेर देगनेना हना बेला होयाकिया। हनालगा अपे ओंगलेतना हना इया नँकुःआ होड़कू मेरकू बूलगान।

इपीसी 5:14

अरू मरसलरे जमा जिनिसकून नपायतेबू ञेलता। हनालागा नाःआ इयाबू कतायता, “ने अपीगतो होड़कू, बेरेडपे! अरू गोएगतो अतेपे जियाव रिमुः, दो मसी अपेराः जीवरे मरसले एमेवापेता।”

एहुना 2:10

अरू हाँय एचेरेय कताया, “जमाकू मड़ंगरे अड़िजंग सेबेल अंगूर रसकू एमेयता अरू गुतियाकू ञू रंग झटायान तयोमते भोरोंडो इयाकू एमेयता। मनदो आम ननपाय रस नुँहू वरीम बनसावकेरा।”

इपीसी 5:18

कोसोड़ा-दारूरे अहापे झड़ीगे। नाःआते हउड़ी होड़कूपे बड़ाँव जुवाःता। मनदो भगवानराः सुद बिरुवाते पेनेरेगगोड ञवनपे।