17 जमा बेला अरजीगोड ञवनपे।
भगवान एचेरे असरा घड़ीन बहालतेपे दोहोन अरू कटसिया सहाव घड़ीन जमा बेलापे अरजीगोड ञवन।
अपे अरजीगोड ञवनपे अरू भगवान धनियाबाद घड़ीन सवासितीपे दोहोन।
सुद बिरुवाते जमा बेलारे जमालेःआ लगा अरजी हड़ाःगोड ञवनपे। ननन इया सवासितीपे दोहोन घड़ीन भगवानरिकुःआ जमा सुद होड़कू लगा अरजीगोड ञवनपे।
हना तयोमरे ईसू आँयग चेलाकू एचेरे मीटोंग अउल-तउल कहड़ीय कता उदुःतेरा, जेमहा हँकू सगर बेलाकू अरजीगे अरू भगवान एचेरेकू भरसा हड़ाःगे।
हनलगा अपे जगलेपे दोहोन अरू नाःआ चउंदीसरे होयाःता हना गराहते बनसाव अवेन लगा अरू मनुवारीग बेटात वेग मेला आँयग मड़ंगरे चड़ाँ अवेन लगा अरजीगोड ञवनपे।”
चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।
