1 तिसलूनिका 4:12 - Korwa Bible

¹² जेमहा एटाः होड़कू अपेराः बुता जोम बदीरे अपेकू मान मरजइत। अरू तोनोंग इयाःआ हुडिंग बगरा अपे लगा ओरो होयानेना।

1 तिसलूनिका 4:12 Referans Kwoze

कुलूसी 4:5

बेगर बिसवासी होड़कू सुदा नपाय ओंगोल बुझाः घड़ीन अपेराः लूर-नेवन होयाः लगा इदा। अरू जमा बेला हँकू लगा नपाय बुता एचेय लगा सपड़ावतोपे दोहोन।

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

रूमी 12:17

बेनेलूरकू एचेयता हँकुःआ होड़कू लगा अपे हों बेलूर एचेकेडखन बदला अहापे कुदाय। मनदो जमा होड़कू मान मरजइतगे इयाःआ बुताकूनपे एचेगोड ञवन।

1 तिमुतियूस 3:7

बेगर बिसवासी होड़कू हों नपायकू मान मरजइतगेयता, हनाँयग होड़ कलसियारीग मूक होड़ होयाः इदा। हनाते कलउ हाँयग होड़ कसूररे दाःगेय लगा ओरोय अवेतिडिया अरू हाँय ओरोय गियूनेना।

रूमी 13:13

अपे कसूर लूर-नेवन इया कोसोड़ा-दारू झड़ीकेडखन हउड़ी होड़कू अलोपे होयाः, सनहा-सनही अरू बेलूर बुताकून अहापे एचेय, कड़ीग अरू इरा होड़कू इया अहापे जियाः। मनदो अपेराः जीव भगवान मरसलगोतेडकुःआ हँकुःआ होड़कू इया नपाय लूर-नेवनतेपे जियाव ञवन।

मरकूस 4:11

दो ईसू कतातेड, “भगवानराः राइजराः ओकोत कताकून सुदी लगा अपेके भगवान कनहूने एमेवाडपेःआ, मनदो एटाः होड़कू सुदा ईंग अउल-तउल कहड़ीयिंग उदुःगेता।

1 तिसलूनिका 5:22

जमा बरानाः कसूर अते तोरेपे दोहोन।

1 पतरस 3:1

ने अइमीकू, हनन इया अपे अँननपेरिकुःआ हेपेरेलकूतापेराः आड़रेपे दोहोन। हँकू अते तोनोंगीग होड़ भगवानराः सरवन मेरकू बिसवासगेतान दो,

पिलिपी 4:8

दो ईंगरिकुःआ अजी बोपोहकूतिंग, ईंग नाःआ चिठी टुटीगगे अते मड़ंग अपे एचेरेयिंग कतायतना, सताय अरू मान मरजइतगे इदा हना कताकून, अरू नपाय अरू सुद इदा हना कताकून, अरू होड़कू ननायगोडकूता अरू भल-भलायवाकूता हना कताकून, हना जमाकूनपे ओंगोलगोड ञवन। अरू नाय नपाय अरू जागगे इयाःआ इदा हनानाः कताकूनपे ओंगोलगोड ञवन।

इपीसी 4:28

इनिगगेःआ हाँयग होड़ अरू अहाय इनिगगे, मनदो नुँहू वरीते हाँय अनँयग तिःईते नपाये बुता जोम, जेमहा हाँय तोनोंग तोनोंग जिनिसकूनराः हुडिंग बगरा इदानकुःआ हँकुःआ होड़कूय संघरा अवेवाकू।