1 तिसलूनिका 3:8 - Korwa Bible

⁸ परबू ईसू एचेरे अपेराः बिसवास बड़ियाड़ इदान अते, नुँहू अले सहेड कुदाकियाले।

1 तिसलूनिका 3:8 Referans Kwoze

कुलूसी 1:23

मनदो मसीरे अपेराः बिसवास निठा अरू बनड़ियाड़गोड ञवन लगा इदा। अरू नपाय सरवनतेपे पवावकिया, हना असरा अपे अहापे अड़गे। अपे अयूमकेरा हनानाः नपाय सरवन चउंदीसरिकुःआ मुरुक होड़कू होंकू अयूमकेरा। अरू ईंग पउलूस ननानाः सरवन परसारगे लगा भगवानरीग सेवकिया होड़िंग बड़ाँवनेना।

1 कुरिंती 16:13

सवासितीपे दोहोन। बिसवासरे अलोपे टास मासगुः, मनदो डीड़गार अरू बनड़ियाड़पे दोहोन।

उदुःतो कताकून 3:11

ईंग ओनोहेन वेग लगा इदानिंगा। अपे एचेरे इदा, हना बिसवासरेपे सनालावगोड ञवन, जेमहा तोनोंगीग अपेराः पगरी अलोकू उतराव अवेय।

इबरानी 10:23

अबूय जबानवारा हाँयग भगवान बिसवासगेयीग इदानिया। हनालगा अबू कबुलावकिया हना असरा, बेगर हिटोः डोबोःते नपायतेबू संभाड़ ञवन।

इबरानी 4:14

भगवानरीग बेटात ईसू सेरमो देसरे अबू लगा मरंगीग मूक पुजउरी इदानिया। हाँय अँननबू इया जमालेःआ अंदजावरेय परावनेना, मनदो तोनोंगाः मेरेय कसूरगाड।

पिलिपी 1:21

दो ईंग जीयतिंग दोहोन दो मसी लगायिंग दोहोनता अरू ईंग गुजुः दो ईंग लगा अरू नफा होयाःता।

उदुःतो कताकून 3:3

दो अपे अयूमकेरा अरूपे चेडकिया हना कताकून उहियार घड़ीनपे मनाः अरू कसूर अते भगवान अगी जीवपे कुदा। अपे बेरेडतो मेरपे दोहोन दो ईंग इनिग होड़ इयायिंग सोदोर जुवाःता, अरू अपे कहियो ओरोपे सुदी अवेतेरा, ईंग तुमिस अपे एचेरेयिंग सोदोर जुवाःता।

इबरानी 3:14

अबू बिसवासकेरा हना बेलाःआ भरसा, टुटीग वरीबू बड़ियाड़ इदीन दो, अबू मसीरिकुःआ बुता देंगवा होड़कूबू बड़ाँव जुवाःता।

इपीसी 3:17

अपेराः बिसवासते ईसू मसी अपेराः इंदरीरेय डेरान लगायिंग अरजीतना। जेर गहीर सेनेकियानखन सींग बड़ियाड़गेता अरू ओड़ाः खुंटा बड़ियाड़गेता, हनन इया अपेराः जीव अलार दुलारते बड़ियाड़ जुवाः लगा होयिंग अरजीतना।

मूक चेलाकू 11:23

हाँय हंडा सोदोरनेनखन भगवानराः मया हँकुःआ होड़कू एचेरे ञेलतेडखन मुरुके बहालयान। अरू हँकू जमा इंदरीते परबू ईसू एचेरे बिसवास हड़ाःगोड ञवनकू लगाय कता बहालगोतेडकू।

2 पतरस 3:17

दो ईंगरिकुःआ अजी बोपोहकूतिंग, अपे नाःआ कताकून मनाड़ंगतेपे सुदीकेरा। हनालगा अपे सवासितीपे दोहोन, जेमहा बेलूर होड़कूराः लबरा चेडतोरे अहापे बहकाः अरू सताय कताकून अहापे अड़ाः एंडागे।

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।

पिलिपी 4:1

दो ईंगरिकुःआ अजी बोपोहकूतिंग, ईंग अपेयिंग दुलारता अरू अपे ञेञेल लगायिंग उंभराःतना। अपे बदीरे ईंग बहालिंग दोहोनता अरू अपे भगवान अगीते ईंगराः बनी इया इदानपेःआ। हनालगा अपे ईंग कताकेरा, हनन इया बिसवासरे बड़ियाड़गुःपे।

पिलिपी 1:27

तोनोंग इया होयाः, अपेराः लूर-नेवन ईसू मसीराः कतत नपाय सरवन इया होनोयाः लगा इदा। दो ईंग अपे एचेरेयिंग सेन सहे मेरिंग सेन, अपे बदीरेयिंग अयुमे, हँकू बिसवासरे बड़ियाड़ इदानकुःआ। ईंग नाःआ होयिंग अयुमे, हँकू मिनी जीवकियानखन मिनी ओंगोलते, ईसू मसीराः नपाय सरवन एटाः होड़कू बिसवासगे लगा, मुरुककू मिहनइतगेतना, माःआन।

1 कुरिंती 15:58

दो ईंगरिकुःआ अजी बोपोहकूतिंग, अपे ईसू एचेरेपे बिसवासगोड ञवन, अरू अलोपे टास-मासगुः। अनंगेर अंगेरते परबू लगापे बुतागोड ञवन। अपे सुदीबाःका, परबू लगापे मिहनइतगेतना हान, सदाःआ ओनोरो होयानेना।

एहुना 15:7

अपे ईंग सुदा मिनीपे दोहोन अरू ईंगराः सरवन इयापे जियाः दो, अपे भगवान एचेरेपे असेय हनापे पवाव जुवाःता।

एहुना 15:4

अपे ईंग सुदा मिनीपे दोहोन दो ईंग अपे सुदा मिनीयिंग दोहोनता। मीटोंग नइड़, दूबरे मेर दोहोनतान दो हन मेर जोःता। हनन इया अपे हों ईंग सुदा मिनी मेरपे दोहोन दो अपे तोनोंग नपाय बुता ओरोपे एचे अवेतेरा।

गलातिया 5:1

अबू अजइत जुवाः लगा ईसू मसी अबूय सडावकेडबुःआ। हनालगा अपे बड़ियाड़कियानखन नियमकूनराः आड़रे अहापे बहुरावगुः।

एहुना 8:31

ईसू एचेरेकू बिसवासतेरा हँकुःआ एहूदाकू एचेरे ईसू कताया, “अपे ईंगराः कता बिसवास घड़ीनपे मनाःतना दो सनातायरे अपे ईंगरिकुःआ चेलाकू हवे।

1 तिसलूनिका 3:7

ने अजी बोपोहकूतिंग, एटाः होड़कू अले कटसियावाडखनकू संतावलेतना। मनदो अपेराः बिसवास बदीरे अले मुरुक बहालरे इदानलेःआ।