1 तिसलूनिका 3:5 - Korwa Bible

⁵ ईंग बोरा, अपेराः बिसवास एचे अड़ाःपे लगा कलउ लहकाव सोतेडपेःआय करे अरू अले अपे तलारेले एचेतेरा हना बुता सदाःआ होयायान करे, माःआन। नाःआ ईंग मेरिंग सहाव अवेगड। हननलगा अपेराः बिसवास बदीरे ईंग सुदीगे लगा तिमुतियूस अपे एचेरेयिंग वारतिरिया।

1 तिसलूनिका 3:5 Referans Kwoze

मती ओजाःतेरा भगवानराः नपाय सरवन 4:3

हनते कलउ वेगनेनखन हाँय एचेरेय कतातेड, “आम भगवानरीग बेटा हवे दो, नाःआ दिरिकून रुटी बड़ाँः लगाम हुकुमगोड।”

2 कुरिंती 2:11

अबू कलउराः बुइदकूनबू सुसुदीतना। हनालगा अबू हाँयराः गारबारबू बराव एंडाय अते कलउ अबू एचेरे ओढोर ओरोय ञेल ञाम अवेतेरा।

पिलिपी 2:16

अपे, जीव एमेता हना सरवन इयापे जियाः दो, ईसू कुदा वेगता हना दिन ईंग अपे बदीरे बहालते नपायतेयिंग कता अवेयता अरू ईंगराः मिहनइत सदाःआ ओरो होयानेना।

इपीसी 4:14

नाःआ इया अबू मसीरेबू हरानता दो, अबू लइंकू इया ओरोबू दोहोनेना। डोंगा लहराते तुकड़ाव हड़ाःता हनन इया अडिग बइना चलहू होड़कू अँकूराः एटाः एटाः लबरा चेडतोते ओरोकू बहकाव अवेतेडबुःआ।

गलातिया 4:11

दो अपे लगा ईंग सेसा-दुराकिया, हना सदाःआ होया जुवाःता माःआन ओंगोल खोबराः घड़ीन, अपे बदीरे ईंग जीव कुहकाःतना।

गलातिया 2:2

भगवान ईंगे कतावातेरा, आम एरुसलेममे सलाव जुवाः, माःआन। हनालगा ईंग हंडा तोरायिंग। हंडाले सोदोरनेनखन, बिसवासी होड़कूरिकुःआ मरंग मरंग मूक होड़कू सुदा, एटाःरेले जुमावनेना। बेगर एहूदाकू एचेरे नपाय सरवन कता उदुःगे लगा ईंगराः मड़ंगःआ अरू नुँहुःआ सेसा-दुरात, सदाःआ अहा होयाः लगा, हना सरवन बदीरे हँकुःआ मूक होड़कू एचेरे एकलायिंग कतातेरा।

1 कुरिंती 7:5

तोनोंग इया होयाः, अलोपे बरजाव होड़ेंग। मनदो तोनोंग बेला वरी, अरजी लगा मी रायकियानखन एटाः एटाःरेपे दोहो अवेनता। हना तयोमते अपे मिनीरेपे जुमाव जुवाः, अरू अपे संभाड़गुः घड़ीनपे दोहोन अते कलउ अपे अरोय अंदजाव अवेतेडपेःआ।

1 तिसलूनिका 3:6

दो नुँहू तिमुतियूस अपे अगीते दरवाया अरू अपेराः बिसवास बदीरे अरू एटाः होड़कू सुदा अपेराः अलार-दुलार बदीरे हों नपाय नपाय सरवने कता उदुःतेरा। हाँय कताया, हँकुःआ होड़कू अपे बदीरे नपाय नपायकू उहियार उतराव अगूयतना अरू अपे हँकू ञेल लगापे उसाडगुःतना। हनन इया अपे अरू ञेलपे लगाकू उसाडगुःतना, माःआन।

1 तिसलूनिका 2:1

ने ईंगरिकुःआ अजी बोपोहकूतेन, अपे सुदीयतना अले अपे सुदाले दोहोन मेला, बेगर मतलोब मेरले दोहोगान।

मूक चेलाकू 15:36

तोनोंग दिन तयोमरे पउलूस, बरनाबास एचेरेय कतातेरा, “दोलंग सेनता अरू परबू ईसूराः सरवनलंग परसारतेरा हना सहरकूनरिकुःआ बिसवासी होड़कू एचेरे सेनेकियानखन हँकूराः हाल-चाललंग अयूम अगुगेता।”

2 कुरिंती 6:1

अले भगवानरिकुःआ सेवा देंगवा होड़कू इदानलेःआ अते अपे एचेरेले असेयतना, भगवान अपे मुरुके मयावाडपेःआ, हना अपे जीवरे अहवइर अलोपे होया ओवा।

पिलिपी 2:19

परबू ईसूराः ओंगोल इदान दो, ईंग तिमुतियूस अपे एचेरे हलीयिंग वारेयता, जेमहा हाँय अपे अतेय कुदा वेगकियानखन अपे बदीरे नपाय सरवने कता उदुःवायिंग अरू हनाते ईंगराः जीव अहाल-बहाल जुवाः।