1 तिसलूनिका 3:10 - Korwa Bible

¹⁰ अपे एचेरे सेने अवेन लगा अरू अपेराः बिसवास, अरू एचे बड़ियाड़गे लगा रइत दिन अपे लगाले अरजीगोड ञवनता।

1 तिसलूनिका 3:10 Referans Kwoze

2 कुरिंती 13:9

अले अबड़ इदानले हों, अपे जबड़ जुवाः दो, अले बहाल जुवाःता। अरू अपे नाय नपायपे उडु-बुडू जुवाः लगाले अरजीता।

1 तिसलूनिका 3:11

अपे एचेरे सेन बदीरे अबूरीग अपांग भगवान अरू परबू ईसू अगुवाइवाले लगाले अरजीतना।

2 कुरिंती 1:24

अपे बिसवासरे बड़ियाड़ इदानपेःआ। हनालगा अपेराः बिसवास बदीरे अपे एचेरे हातपातगे लगा मेरले चहाःतना। मनदो अपे बहालगुःता हनारे संघरावापे लगाले चहाःतना।

2 तिमुतियूस 1:3

दो ने तिमुतियूस, दिन रइत उहियार घड़ीन आम लगायिंग अरजीतान मेला, ईंगरिकुःआ अपुयिंग ततायिंगकू इया सुद इंदरीतेयिंग जागगेयता हाँयग भगवानिंग धनियाबादगेयतना।

2 तिसलूनिका 1:11

दो भगवान अपेय राःकेडपेःआ हनानाः जीव जुकूरेय बड़ाँवगोडपे लगा अरू अनँयग जंगरतेय अपेराः बिसवासराः जमालेःआ नपाय बुता अरू हिछा एचे पुरावगे लगाले अरजीगोड ञवनतना,

पिलिपी 1:25

दो ईंग सुनुदीबाःगोतेडिंग, ईंग जीयत दोहोकियानखन भगवान एचेरे अपेराः बिसवास बड़ियाड़गुः लगा अरू हनानाः बिसवासरे अपे बनाहालतेपे दोहोन लगायिंग संघरावापेता।

2 कुरिंती 1:15

नाःआ असराते ईंग अपे एचेरे मड़ंगिंग सेन लगायिंग ओंगोल दोहोतेरा, जेमहा अपे ईंग सुदा बार तुरहा जुमाः लगा दावपे पवाः।

मूक चेलाकू 26:7

अलेराः बारहगोटोंग गोतोरिकुःआ होड़कू नाःआ जबान होनोयाः लगा जमा इंदरीते दिन रइत भगवान सेवा घड़ीनकू असरागोड ञवनतना। ने राजा, ननानाः असरा बदीरे एहूदा मूक होड़कू ईंगकू जाःता।

पिलेमोन 1:22

अरू मीटोंग बड़रा आम एचेरे ककाता इदा। आमराः ओड़ाःरे मी छिना ईंग लगाम जोः अमिंगका। ईंग असरातना, भगवान अपेराः अरजी अयूमवाडखन जेहेल अते एचे उडुंगकिडिंगखन आम एचेरेय सेने ओवायिंगता।

कुलूसी 4:12

इपापरास, अपे अते मी होड़ इदानिया अरू हाँय ईसू मसीरीग सेवकिया हवे। हाँय अपेय सलामतना। अरू हाँय, अपे भगवानराः ओंगोल इया, अपेराः बिसवास जमालेःआ बड़ियाड़ जुवाः लगा, मुरुक मिहनइततेय अरजीगोड ञवनतना।

कुलूसी 1:28

हनाँय बदीरेले परसारगेतना अरू भगवान अलेय एमेवाडलेःआ हना कनहूनते जमा होड़कूले सेतावतना अरूले चेडकूतना, जेमहा मसीराः बिसवासरेकू उडु-बुडूयना हँकुःआ जमा होड़कू भगवान मड़ंगरेले जिमा अवेकू।

लूका 2:37

अरू हनते हाँय चउरासी बरिस वरी रंडियाहीने दोहोना। हाँय जमा बेला भगवानराः ओड़ाःरे भगवान जागवाडखन सेवारेय दोहोना अरू रइत दिन उपास घड़ीन भगवान एचेरेय अरजीःआ।

उदुःतो कताकून 4:8

चइरो जीव-जंतूकूराः छो छोगोटोंग पंकी दोहोना, अरू हँकूराः जमा देह दगलीरे, भितरी अरू बहरी, मेनेड मेड दोहोना। हँकू बेगर लोड़ोनते दिन रइत कता ञवना, “सुद इदानिया, सुद इदानिया, परबू भगवान सुद इदानिया, अगम जंगरदार भाबी भगवान, हाँय दोहोना, अरू नुँहू इदानिया, अरू कुदा वेग लगा इदानिया।”

2 कुरिंती 13:11

टुनुटीगरे ईंगरिकुःआ अजी-बोपोहकूतिंग, बनाहालतेपे दोहोन; अपेराः लूर नेवन उडु-बुडू इदीनपे; ईंगराः कतापे होमगोड; मी जीवकियानखनपे दोहोन; हेल-मेलपे दोहोन। दो अपेय दुलारता अरू सलसते एमेवापेता हाँयग भगवान अपे सुदाय दोहोनता।

उदुःतो कताकून 7:15

हनालगा, “नँकू भगवानराः गदी मड़ंगरे इदानकुःआ, अरू हाँयराः ओड़ाःरे दिन रइत हाँयकू सेवाता, अरू गदीरे दुड़ुःतो इदानिया हाँय, हँकूय संभाड़ता