1 तिसलूनिका 2:5 - Korwa Bible

⁵ अपे सुसुदीतना अले बोनाव बड़राते सहे लुभिया होड़कू इया बुइद तुलाकेडखन अपे सुदा मेरले कतागाड। नाःआ कता बदीरे भगवान अलेरीग हिदइतदार इदानिया।

1 तिसलूनिका 2:5 Referans Kwoze

2 कुरिंती 12:17

दो ईंग अपे एचेरेयिंग वारतेडकुःआ हँकुःआ होड़कू अते तोनोंगीग होड़ते अपे अते अडिगकेडखनिंग एचे गोःकेरा जा?

रूमी 1:9

जमा बेला अपे उहियारकेडपेखनिंग अरजीगोड ञवनतना माःआन भनगवान हमा ईंगरीग हिदइतदार हवे। अरू हनाँयग भगवानरीग बेटात ईसू मसीराः नपाय सरवन परसार घड़ीन मिनी जीवतेयिंग सेवायतना।

मूक चेलाकू 20:33

ईंग तोनोंगीग होड़राः चाँदी, सोना सहे सोनहे लगा मेरिंग अंदूगान।

गलातिया 1:20

ईंगराः कता सनाताय हवे अरू भगवान सुनुदीयतना, नाँय मेरेय लबरातना, माःआन।

2 पतरस 2:3

हँकुःआ होड़कू लुभिया होड़कू इदानकुःआ। हनालगा हँकू बोनाव बड़राते अपेराः आन-धानकू अडिग जोमता। मनदो हँकुःआ होड़कू डंडियावकू लगा, भगवान मनाड़ंगतेय तोल दोहोकेरा हना डंडियाव ओरोय कुबेरतेरा, अरू भगवान हँकूय लनाय एंडाकूता।

1 पतरस 5:2

भगवान अपे एचेरेय जिमाःकेडकुःआ हँकुःआ होड़कू मी होड़ सरवाहा अनँयगरिकुःआ भेड़ाकूय तिहाकूता हनन इया नपायतेपे तिहा हड़ाःकू। तोनोंगीगराः रेनहाते सहे गियू जुवाः इयाःआ नफा पवाः लगा कोवान, मनदो अपे मिनी जीवते भगवान ननाय जुवाः लगा हाँयराः ओंगोल इया हँकूपे तिहागोड ञवन।

तितूस 1:7

कलसियारीग मूक होड़ भगवानराः बुता बदीरे जिमेवारी होड़ होयाः अते बेगर गारबारते दोहोन लगा इदा। हाँय बड़वार होड़ सहे रिता रिसुः होड़ सहे बूलतो होड़ सहे कड़ीग होड़ सहे लुभिया होड़ अलोय होयाः।

1 तिसलूनिका 2:10

अपे तलारेले दोहोन मेला बिसवासी होड़कू एचेरे अलेराः लूर-नेवन सुद, सताय अरू बेगर गारबारते दोहोना माःआन अँननपे अरू भगवान हों हिदइतदारकू इदानपेःआ।

2 कुरिंती 7:2

अले बदीरे अपेराः दुलारपे उदुःगोड। अले तोनोंगीगराः कहिसाः मेरले आडगरा, तोनोंगीग सुदा बेलूर मेरले एचेगरा अरू तोनोंगीग मेरले अडिगगरा।

2 पतरस 2:18

हँकू बेगर लूरराः बड़वार कताकूनकू कतायता। अरू हँकूराः सनहा-सनहिःआ बुताते, कसूर होड़कू अते निःईमिन लगाकू बनसावयना हँकुःआ होड़कू, देह दगलीकूनराः चाहाःतेकू एचे बझावगोडकूता।

1 तिमुतियूस 3:8

ननन इया कलसियारिकुःआ सेवकिया होड़कू, मान मरजइतगेयीगकू दोहोन अरू बार जीव ओंगोल होड़कू अहाकू दोहोन। हँकू बुनूलतो होड़कू अलोकू होयाः अरू तोनोंग इयाराः ढिबुवा ललचीरे अहाकू दोहोन।

1 तिमुतियूस 3:3

हाँय बुनूलतो होड़ सहे कड़ीग होड़ अलोय दोहोन। हाँय सलसतिया अरू सुधा होड़ दोहोन लगा इदा, अरू ढिबुवाराः ललचीरे अलोय दोहोन।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

2 कुरिंती 2:17

एटाः होड़कू इया अँननकूराः नफा लगा, अले भगवानराः सरवनरे मेरले मेसायता, मनदो सताय ओंगोलते भगवान अगीते पवावतो सरवन मसीराः संघरातेले कता उदुःगेता।

रूमी 16:18

नाःआ इयाकू एचेयता हँकुःआ होड़कू अबूरीग परबू ईसू मसी मेरकू सेवायता, मनदो अँननकू नफा पवाः लगाकू सेवातना। हँकू अँनकूराः बोनावतो बड़राते सुधा होड़कूकू बहकावगोडकूताकू।

रूमी 9:1

ईंग ईसू मसीरीग हवे अरू सनाताय कता ईंग कतायतना। सुद बिरुवा अगुवाइवायिंतना। हनालगा ईंग जीव कतायतना, ईंग मेरिंग लबरातना, माःआन।

मती ओजाःतेरा भगवानराः नपाय सरवन 23:13

ने पचघुचिया नियम चेडदार होड़कू अरू फरीसी होड़कू, अपे दोपे ठीकयान। अपे एटाः होड़कू भगवानराः राइजरे बोल अतेपे रोंकावकूता। अपे अँननपे सेरमो देसरे मेरपे बोलता अरू एटाः होड़कू हों सेरमो देसरे मेरपे बोलो ओवाकूता।

मती ओजाःतेरा भगवानराः नपाय सरवन 22:16

हँकू अँनकूरिकुःआ चेलाकू हरदोस राजारिकुःआ होड़कू सुदा ईसू एचेरे नाःआ इया ककता लगाकू वारगोतेडकू, “ने गुरुजी, अले सुसुदीतना आम सताय इदानमेःआ अरू सताय इया भगवानराः दूर बदीरेम चेडकूता। आम होड़कू जहंडाव होड़ ना लवे। हनालगा आम तोनोंगीग होड़ आम ननायगे लगा मेरेम एचेयतना।

जूदा 1:11

हँकुःआ होड़कू ठीककू दोहोनता! हँकू ञेड एंडात होड़ काइन इया कसूरकू एचेता; नफा पवाव लगा लुभिया होड़ बिलाम इया हँकू गारबारकू एचेता; अरू हँकू कोरह इया होड़कूकू बहकावा अरू हँकू अँननकू अँकू लाय जुवाःता।