1 तिसलूनिका 2:13 - Korwa Bible

¹³ अले अपे एचेरेले परसारतेरा हना नपाय सरवन होड़कूराः सरवन इया मेरपे ओंगोलगाड, मनदो भगवान कतातेरा हना सताय सरवन इयापे ओंगोलतेरा अरूपे मनाःआ। हननलगा अपे लगा अले भगवानले धनियाबादगोड ञवनतना अरू भगवानराः नाःआ सरवनरेकू बिसवासगेता अपेराः इंदरीरे बुतागोड ञवनता।

1 तिसलूनिका 2:13 Referans Kwoze

इबरानी 4:12

भगवानराः सरवन जीयत अरू कड़िगाड़ इदा। हना सरवन बनर परोम धार दोहोनता हना तलवइरते हों मुरुक लसेर इदा। हन हनसा अरू जीव अरू गेट-गेट अरू तुबूल एटाः एटाःकेडखन बेधा पारगोडता अरू जीवराः चहाः अरू ओंगोल हों जासगेता।

रूमी 10:17

दो तोनोंगीग होड़ बिसवासगे लगा इदान दो, हाँय मड़ंगरे मसी बदीरे नपाय सरवन अअयूम लगा इदा।

1 पतरस 1:23

अपेराः नँवा जनम तोनोंगाः लाय जुवाःता हना जिनिसते मेर होयागना, मनदो जीव एमेयता अरू कहियो ओरो टगावनेना हना भगवानराः सरवनते होयाकिया।

1 पतरस 1:25

मनदो भगवानराः सरवन कहियो ओरो टगावनेना। अरू ननानाः सरवन अपे एचेरे पपरसार होड़कू परसार उदुःतेरा।

1 पतरस 2:2

बती लइंकू इया अपे हों सुद दूद इया इदा हना भगवानराः सरवन लगापे रोयोँन, जेमहा हना सरवनतेपे बड़ियाड़ इदीन अरू जमालेःआतेपे सडाव जुवाः।

लूका 11:28

दो ईसू कताया, “नाःआ इया कोवानेःआ, भगवानराः सरवने अयुमेता अरूय मनाःता, हनाँयग होड़राः जीव-जहन भगवान भल-भलायवाता।”

मूक चेलाकू 13:48

नाःआ कता बेगर एहूदाकू अयूमतेरा दो हँकू मुरुककू बहालयान अरू परबूराः सरवनकू मान मरजइतकेरा। भगवान ओरो टुटीगनेना हना जीव पवाः लगाय ओंगोल दोहोतेरा, हँकुःआ जमा होड़कू हना सरवनकू बिसवासतेरा।

1 एहुना 3:3

तोनोंगीग होड़ ईसू मसी इया होयाः लगाय असराता दो, ईसू मसी सुद इदानिया हनन इया, हाँयग होड़ अनँयग आँयग सुदगुः लगा इदा।

गलातिया 4:14

ईंग अलपाहानेन मेला अपे लगा बोझा इयायिंग दोहोना। हनते हों अपे ईंग हुडिंग मेरपे ओंगोलवागडिंग अरू मेरपे एरंगवागडिंगा। मनदो अपे ईंग भगवानरीग बराहील सहे इनीसू मसी इया ईंगपे नेत-नेवारतिरिंगा।

2 कुरिंती 3:18

मनदो बिसवासगेता अबू जमाकू हुमू आह बेगर पता रेडतो अते परबूराः अगम जबड़ जंगरबू अटकारगेता। परबू सुद बिरुवा हवे अरू हाँय अते हना जंगर अरू बगरा बगरा अटकार घड़ीनबू बदलाव इदीनता, जेमहा अबू परबू बरोबइरबू होया जुवाः।

मूक चेलाकू 17:11

बिरिया सहररिकुःआ होड़कू तिसलूनिका सहररिकुःआ होड़कू अते नपाय होड़कूकू दोहोना। नँकुःआ होड़कू भगवानराः सरवन मिनी जीवतेकू अयुमेःआ अरू सगर दिन भगवानराः कागद अते पउलूस कतातेरा हना कता सताय हवे जा कोवान, हनाकू जासतेरा।

कुलूसी 1:6

अपे भगवानराः सरवनपे अयूमकेरा, अरू जमालेःआ सतायते हाँयराः मयापे बुझावकिया, अरू हना वरीते अपेराः जीवरे नफा होयाकिया। ननन इया नाःआ नपाय सरवन, चउंदीसरिकुःआ जमा होड़कू एचेरे सेड़यावयना, अरू हँकू लगा हों नफा होया ञवनतना।

लूका 8:21

दो ईसू कतातेड, “भगवानराः कताकू अयुमेता अरूकू मनाःता हँननकुःआ होड़कू ईंग एंगायिंग, वगायिंग अरू बोपोहकूतिंग इया इदानकुःआ।”

एहुना 17:19

हँकू लगा ईंग इनिंग सुदगुःता अरू हनाते हँकू सतायतेकू सुद जुवाःता।

मती ओजाःतेरा भगवानराः नपाय सरवन 10:40

अपेकू नेत-नेवारता हँकुःआ होड़कू ईंगकू नेत-नेवारता, अरू ईंगकू नेत-नेवारता हँकुःआ होड़कू ईंगे वारकेरा हाँयग भगवानकू नेत-नेवारता।

एहुना 17:17

आमराः सरवन सताय इदा। हनालगा आमकू सेवा लगा आमराः सताय सरवनते हँकूम एटाःगोडकू।

एहुना 15:3

अपे एचेरे ईंग कता उदुःकेरा, हना सरवनते अपे सुदयनापे।

लूका 8:11

दो ईसू अरूय कताया, “हना कहड़ीराः मतलोब नाःआ हवे। बिहान भगवानराः सरवन हवे।

मती ओजाःतेरा भगवानराः नपाय सरवन 10:20

नाःआ कता अपे उहियार दोहोका, अपे अँननपे मेरपे बुतुड़ुता। मनदो अपेरीग अपांग भगवानराः बिरुवा, अपे कता लगा इदा हना कता अपे जीवरेय उदुःवापेता।

2 पतरस 3:2

भगवानराः बड़रा कता होड़कू मड़ंगरेकू कतातेरा हना कता, अरू अबूरीग परबू अरू सडावदार ईसू अपे एचेरेय वारतेडकुःआ हँकुःआ मूक चेलाकूतेय एमेकेरा, हनानाः हुकुमपे उहियारगोड ञवन।

एकूब 1:18

हाँय तुलाकेरा हना जमाकून अते अबू बिसवासी होड़कू हाँय एचेरे बुताराः मड़ंग बंटा इया होयाः लगा भगवान चहाःतना। हनालगा हाँय अनँयगराः सताय सरवनते अबू नँवाय तुलाकेडबुःआ।

मूक चेलाकू 17:32

हँकुःआ होड़कू गोएगतो होड़कू जियाव रिमुःता माःआनकू अयूमतेरा दो, अदोम होड़कू लंदावाःआ। मनदो अदोमकू कतातेरा, “नाःआ कता अले तोनोंग दिन आम अते अरूले अयुमेता।”

मूक चेलाकू 16:14

हँकुःआ अइमीकू अते मी होड़राः ञाव दोहोना लिदिया। हाँय मुरुक किमइतराः धुः-धुमइल रांगराः सोनहेकूनराः फेरवइत होड़े दोहोना। हाँय थायतिरा सहररीग होड़े दोहोना अरू भगवान जाग घड़ीने सेवातेरा। पउलूस कतातेरा भगवानराः हना नपाय सरवन बिसवासगे लगा परबू भगवान हाँयग लिदियाए एचे मनेवातेरा।

मूक चेलाकू 10:33

हनालगा ईंग आम एचेरे होड़कू ओहेनिंग वारतेडकुःआ अरू आम नंडाम वेगकिया दो ननपाय इदा। दो भगवान आम एचेरे अलेय कता उदुःवा लगा तोनोंगाःआय कतातेरा दो हना अयूमगे लगा नुँहू अले जमाकू भगवान मड़ंगरे इदानलेःआ।”

मूक चेलाकू 2:41

हाँयराः सरवनकू कबुलावयना, हँकुःआ होड़कू बतिसमाकू गोःतेरा अरू हना दिन पेय हजार होड़कू बिसवासी होड़कू सुदाकू मेसानेना।

मूक चेलाकू 8:14

एरुसलेमरेकू दोहोना ईसूरिकुःआ मूक चेलाकू अयूमतेरा, समरियारिकुःआ होड़कू भगवानराः सरवनकू मनेवातेरा, माःआन। दो हँकू पतरस अरू एहुना हंडाकू वारतेरा।

लूका 5:1

मी दिन ईसू गेनेसेरेत ञावराः हुडिंग समुंदर धरीरे चड़ाँनेनखने चेचेडा। भगवानराः सरवन अयूम लगा मुरुक बगरा होड़कू मिनीरे जुमावनेनखन ईसू एचेरेकू रेहेड तेपेडा।

इबरानी 4:2

हँकुःआ होड़कू अयूमतेरा हना नपाय सरवन अबू हों अयूमकेराबू। हँकुःआ होड़कू हना सरवन अयूमतेडखन बिसवास घड़ीन अँनकूराः जीवरे मेरकू दोहोगाड। हनालगा हँकू अयूमतेरा हना सरवनते हँकूके तोनोंगाः नफा मेर होयागान।