1 तिसलूनिका 1:10 - Korwa Bible

¹⁰ अरू गोएगतो अते भगवान जियाव रेमकिडिया आँयगरीग बेटात भगवानराः दरवाःआ हना डंडियाव अतेय सडावबूता हनाँयग ईसू सेरमो देस अतेय कुदा वेगता, हाँयकू टकागोड ञवनतना, माःआन।

1 तिसलूनिका 1:10 Referans Kwoze

1 तिसलूनिका 5:9

भगवान अबू डंडियावबू लगा मेरेय सुनावगडबुःआ, मनदो अबू लगाय गोएगनेना अबूरीग परबू ईसू मसीते अबू सडावबू लगा भगवान सुनावकेडबुःआ,

मती ओजाःतेरा भगवानराः नपाय सरवन 3:7

फरीसी होड़कू अरू सदूकी होड़कू बतिसमा गोः लगाकू वेजेडा दो, हाँय हँकू एचेरेय कतातेड, “ने महुरा बींग इया होड़कू, दरवाःआ हना डंडियाव पवाः अते बनसाः लगा इये सेतावकेडपेःआ?

मूक चेलाकू 2:24

मनदो हाँय गुनुजुः गुजुःराः आड़रे ओनोरोय दोहो अवेनेना। हनालगा भगवान हाँय गुजुः अते सडावतिरिगखने जियाव रेमकिरिया।

1 पतरस 3:18

भगवानराः ओंगोलरे अबू बेगर गारबार होड़कूय बड़ाँवबू लगा, बेगर गारबारीग इनीसू मसी मिनी जूदा अबू जमा कसूर होड़कू लगा, कटसिया सहावतेडखने गोएगनेना। हाँय देनेह देहरेय गोएगनेना मनदो भगवान हाँयराः बिरुवाय जियाव रेमगोतेडा।

1 पतरस 1:3

अबूरीग परबू ईसू मसीरीग अपांग भगवानिंग जागगेयता। हाँय अबू मुरुके मयावाडबुःआ अरू ईसू मसी गोएगतो होड़कू अतेय जियाव रेमकिडिगखन अबू लगा नँवा जीवे एमेकेरा, जेमहा अबू एचेरे, ओरो टुटीगनेना हना असरा दोहोन।

इबरानी 9:28

हनन इया मसी हों मुरुक बगरा होड़कूराः कसूर बराव एंडागे लगा मिनी तुरहाय बलिदाननेना। दो मसी अरू मी तुरहाय वेगता। हाँय होड़कूराः कसूर, अरू चलाः एएंडा लगा ओरोय वेजेडा। मनदो हाँयकू टका ञवनता हँकुःआ होड़कू सडावकू लगाय वेगता।

रूमी 4:25

ईसू मसी अबूराः कसूर बदलारे गुजुः लगा अनँयग आँयग जिमायान अरू भगवान अबू एचे मनावबू लगा ईसू मसी गोएगतो होड़कू अतेय जियाव रेमकिडिया।

लूका 3:7

दो एहुना एचेरे बतिसमा गोः लगाकू वेगा हँकुःआ होड़कू एचेरे हाँय कताया, “ने महुरा बींग इया होड़कू, दरवाःआ हना डंडियाव पवाः अते बनसाः लगा इये सेतावतेडपेःआ?

1 पतरस 1:21

भगवान ईसू मसी गोएगतो होड़कू अते जियाव रेमकेडखने मान मरजइतकिडिया, जेमहा अपेराः बिसवास अरू असरा, भगवान एचेरे टक-टकावतो दोहोन।

रूमी 8:34

अरू इये अबूय डंडियाव अवेबूता? ईसू मसी अबू लगाय गोएगनेना अरू गोएगतो अतेय जियाव रेमकिया, हनाँयग भगवानराः खउना तिःई गतररे मान मरजइत सुदा दुडुःकियानखन अबू लगा असे घड़ीने अरजीतना। हनालगा तोनोंगीग अबू ओरोय डंडियाव अवेतेडबुःआ।

उदुःतो कताकून 1:18

ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”

मूक चेलाकू 1:11

अरू हँकिन कतातेड, “ने गलीलरिकुःआ होड़कू, अपे नंडा चड़ाँकियानखन चिला लगापे संगीलगेतना? अपे अते सेरमो देस अगी भगवान गोःयडिया हनाँयग ईसू करा इया तोराया हनन इयाय कुदा वेगता।”

2 पतरस 3:14

ईंगरिकुःआ अजी बोपोहकूतिंग, अपे नँवा सेरमो अरू नँवा ओत लगापे टकागोड ञवनतना दो, भगवानराः ओंगोलरे अपे सुद अरू बेगर गारबारतेःआ सलसतिया होड़कू दोहोन लगा अपे जीवपे होमगोड।

1 तिसलूनिका 2:16

भगवान होड़कूय सडावता, हना सरवन बेगर एहूदाकू एचेरे अले कता उदुःगे अते, हँकुःआ होड़कू अलेकू रोंकावता। हँकुःआ होड़कू मुरुककू कसूरतेरा अरू कसूररेकू तीलयान। अरू हनालगा भगवान हँकू सुदा मुरुक रीसतो इदानिया।

1 कुरिंती 1:7

दो अपे अबूरीग परबू ईसू मसीराः कुदा वेग लगापे टकागोड ञवन मेला, सुद बिरुवाराः दहिन बदीरे अपे जीवरे तोनोंगाः हुडिंग बगरा ओरो होयानेना।

2 पतरस 3:12

अपे भगवानराः दिन लगापे टकागोड ञवन अरू सेरमो अरू सेरमोराः जमालेःआ जिनिसकून मिनी जूदा सेंगेलते पघलाव जुवाःता हनानाः दिन ओहेन होयाः लगा हली हली बुतागोड ञवन लगा इदा।

इबरानी 10:27

मनदो नाःआ इयाकू एचेयता हँकुःआ होड़कू भगवान फनड़ियावकूताय अरू आँयगरिकुःआ मुदइ होड़कूय डंडियावता हना हितकाःतो सेंगेलरे हँकू होंय डनंडियावकूता।

तितूस 2:13

अरू अबूरीग मरंग भगवान अरू सडावदार ईसू मसी मान मरजइत सुदा चउंदीसरेय कुदा वेगता हना दिन लगा बहालते असरा घड़ीनबू टकागोड ञवनतना।

पिलिपी 3:20

मनदो अबूराः राइज सेरमो देस हवे अरू सेरमो देस अतेय कुदा वेगता अबूरीग सडावदार परबू ईसू मसी लगाबू टकागोड ञवनतना।

गलातिया 3:13

भगवानराः कागदरे ओजाःतो इदा, तोनोंगीग कठवारेकू ठोंकावगेयतान दो, हाँयग होड़ सती-सरापतोय दोहोनता। दो ईसू कुरूसरेकू ठोंकावतिरिग मेला, हाँय अबूराः कसूर बदलारे सती-सरापनेनखन नियमराः सती-सरापतेय सडावकेडबुःआ।

रूमी 2:7

तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।

मूक चेलाकू 17:31

अरू आँयगरीग सुनावतो होड़ते, चउंदीसरिकुःआ जमा होड़कू सतायते फड़ियावकू लगा, भगवान मीटोंग दिने तोल दोहोकेरा। हाँयग सुनावतो होड़, भगवान गोएगतो होड़कू अते जियाव रेमकिडिगखन, नाःआ कता सताय हवे माःआन जमा होड़कूय उदुःवारा।”

मूक चेलाकू 4:10

दो अपे अरू जमा इसराएलरिकुःआ होड़कू नाःआ कतापे सुदीगे लगा इदा। अपे कुरूसरेपे ठोंकाव गोएगतिरिया अरू भगवान गोएगतो होड़कू अतेय जियाव रेमकिरिया हाँयग नसरतरीग ईसू मसीराः ञावते अपे मड़ंगरे चड़ाँत इदानिया नाँयग होड़ नपाययनाय।

मूक चेलाकू 3:21

भगवानराः बड़राकू कतायता हँकुःआ सुद होड़कू मड़ंग जूगरेकू कता उदुःतेरा हनन इया भगवान जमाकूने नँवा अरीने तुलागे वरी, ईसू सेरमो देसरे दोहोन लगा इदा।

मूक चेलाकू 3:15

अपे जीव तुलादार ईसूपे एचे ञेड गोएग एंडातिरिया। मनदो भगवान हाँय गोएगतो होड़कू अतेय जियाव रेमकिरिया। अले नाःआ कताराः हिदइतदारकू इदानलेःआ।

मती ओजाःतेरा भगवानराः नपाय सरवन 1:21

हाँय मी होड़ हेरेल होने हेवेता अरू हाँय अनँयगरिकुःआ होड़कू अँनकूराः कसूर अतेय सडावकूता। हनालगा आम हाँयराः ञाव ईसू माःआनमे साबगे।”

उदुःतो कताकून 1:7

ञेलेयपे, हाँय बदरीरेय कुदा वेगता, अरू जमा होड़कू हाँय अगीकू ञेलता, हाँयकू सोबोःतेरा हँकुःआ होड़कू हों हाँयकू ञेलता, अरू चउंदीसरिकुःआ जमा होड़कू हाँय बदीरेकू फिकिराःता। अरू हनन इया होनोया जुवाःता। आमीन!

1 पतरस 2:21

अपे नपाय बुता बुताकेडखन कटसियापे सहाव लगा भगवान अपेय राःकेडपेःआ। ईसू मसी अपे लगा कटसियाय सहावतेरा अरू हाँय अपे लगा मीटोंग चिनहा इया इदानिया, जेमहा अपे हों हाँय इयापे सहाव अवेय।

2 तिमुतियूस 4:1

दो तिमुतियूस, जीयत होड़कू अरू गोएगतो होड़कूय फड़ियावता हनाँयग ईसू मसी अरू भगवान ईंगरीग हिदइतदारकिन बड़ाँवकियानखन ईसूराः कुदा वेग अरू राइज बदीरे उहियारकेडमेखन नाःआ हुकुमिंग ओवामतना।

1 तिसलूनिका 2:7

अरू एंगात अनँयगरिकुःआ लइंकूतेने पला दरीता हनन इया अले हों अपे तलारे सुधाले दोहोनेना।

1 तिसलूनिका 1:7

नाःआते मकिदुनिया राइजरिकुःआ अरू अकाया राइजरिकुःआ बिसवासी होड़कू, अपे इया नपाय जीवकू जियाः लगा चिनहापे बड़ाँवयना।

कुलूसी 1:18

हाँय कलसियाराः बोः हवे अरू कलसिया हाँयराः देह हवे। हान हनाँयते बुँहड़ीनेना अरू गोएगतो अतेकू जियाव रेमनेना हँकुःआ होड़कू अते मनाड़ंग इनीदानिया। नाःआते हाँय जमालेःआते मनारंगे होयाःता।

रूमी 1:4

अरू भगवान हाँय गोएगतो अतेय जियाव रेमकिरिया अरू हना अते सुद बिरुवा अबूय उदुःवाता, ईसू भगवानरीग बेटात हवे अरू हाँय एचेरे जमालेःआ जंगर इदा, माःआन।

लूका 2:25

दो हंडा एरुसलेम सहररे सिमोन ञावीग होड़ दोहोना। हाँय बेगर गारबार होड़े दोहोना अरू भगवानराः नियम इयाय जियाःआ। भगवानराः सुद बिरुवा हाँय जीवरे दोहोना। इसराएल होड़कूय सडावता हाँयग होड़ लगा सिमोन ततंगीःआ।

मती ओजाःतेरा भगवानराः नपाय सरवन 16:27

मनुवारीग बेटात, सेरमो देसरिकुःआ बराहीलकू सुदा अपांग भगवानराः विड़चेड़तो मरसलरेय वेगता अरू हना बेला जमा होड़कू लगा अँनकूराः बुता बनीय एमेवाकूता।

मती ओजाःतेरा भगवानराः नपाय सरवन 16:28

अपे ईंगपे अयूम! नंडा चड़ाँत इदानकुःआ नँकुःआ होड़कू अते अदोम होड़कू, मनुवारीग बेटातराः राइज बुँहड़ीत अरीनकू ञेल वरी ओरोकू गोएगनेना।”

मूक चेलाकू 2:32

भगवान ननाँय ईसू गोएगतो होड़कू अतेय जियाव रेमकिरिया अरू अले जमाकू नाःआ सताय कताराः हिदइतदारकू इदानलेःआ।