9 बेगर कुरबुराःते एटाः होड़कूपे नेत-नेवारकू।
मुरुक होड़कू बेगर सुदीते सेरमो देसरिकुःआ बराहीलकूकू नेत-नेवारकेरा। हनालगा अनसिनहार होड़कू नेत-नेवारकू लगा अलोपे अड़गे।
बिसवासी होड़कू लगा हुडिंग बगरा दोहोन मेला, हँकूपे संघरागोड ञवन अरू अनसिनहार होड़कू हों नेत-नेवारकू लगा सपड़ावतोपे दोहोन।
जमा इयाःआ बुता बेगर कुरबुराःते अरू बेगर अड़ा-चउकीतेपे बुता।
एटाः होड़कू नपायते संघरावाकू लगा अरू हटिंगवाकू लगा अलोपे लिड़िंगे। ननन इयाःआ बलिदानते हमा भगवान ननायगुःता।
मनदो हाँयग मूक होड़ नेत-नेवारकू लगा इदा अरू नपाय बुता एचेगे लगा मंजूरे दोहोन। हाँय सताय, सुद अरू ओंगोल समझावीग होड़ दोहोन लगा इदा अरू तुड़ेंग-तपेग होड़ अलोय होयाः।
दो कलसियारीग मूक होड़ बेगर गारबार होड़ अरू मिनीटोंग अइमी अअसूल इदा। हाँय ओंगोल समझाः होड़ अरू मान मरजइतगेयीग, नेत-नेवारगेयीग अरू नपाय चेडदारे दोहोन।
ने अजी बोपोहकूतिंग, अपे एटाः होड़कू बदीरे अँननपे अपे अहापे कुरबुराव होड़ेंग। हनन इयापे एचेय दो फड़ियावदार अपेराः कसूर बदीरे अपेय डंडियावता। अरू हनाँयग फड़ियावदारराः अरो पता निचकाःतना।
भगवान बहालते एमेयीग होड़ सुदाय दुलारता। हनालगा अपे रेनहाते सहे बार जीवकियानखन अलोपे एमेय। मनदो अपे अनपेराः इंदरीरेपे ओंगोल दोहोकेरा हिनिनमिनपे एमेय।
मनदो आम अरीन कताय वरी, तोनोंगाः एचे लगा मेरिंग चहाःतना, जेमहा आम ईंग लगा संघरा रेनहाते कोवान, मनदो अनमराः नपाय चाहाःते एचेय लगा इदा।
गयूसराः ओड़ाःरे ईंग दोहोनता अरू नंडाकुःआ बिसवासी होड़कू हाँयराः ओड़ाःरेकू जुमाःता। हाँय अपेय सलामतना। नाःआ सहरराः आन-धानकूनराः हातपात होड़ इरासतूस अपेय सलामवातना। अरू कुवारतोस हों अपेय सलामतना।
