1 पतरस 4:2 - Korwa Bible

² अरू हाँय नुँहू वरीते अनँयगराः मनबिदिया इया ओरोय जियावनेना, मनदो भगवानराः हिछा इयाय जियाःता।

1 पतरस 4:2 Referans Kwoze

1 पतरस 1:14

अपे भगवानराः कता मनावतो लइंकू इदानपेःआ। हनालगा अनसिनहारपे दोनोहोन मेलाराः बेलूर ओंगोलकून अपेराः जीवरे अहापे मेसा ओवा।

इपीसी 6:6

अपे बुता लगा अहापे जहंडाव अडिगकू। मनदो मसीरिकुःआ सेवकिया होड़कू इया भगवानराः हिछा मिनी जीवकियानखनपे एचेय।

रूमी 6:11

हनालगा अपे अँननपे अपे ओंगोलबाःकान, अले एचे कसूरलेःआ हना जंगर नुँहू अले ओरो एचे कसूर अवेतेडलेःआ अरू ईसू मसी एमेकेरा हना जीवते अबू भगवान लगाबू जियाःतना।

2 कुरिंती 5:15

अरू मसी जनामाकू लगाय गोएगनेना दो जीयत इदानकुःआ हँकुःआ होड़कू अँननकू लगा कोवान, मनदो भगवान गोएगतो अतेय जियाव रेमतिरिया हाँय लगा जियाः इदा।

इपीसी 2:3

मड़ंगरे नाःआ इयाःआ बेलूर ओंगोलरे अबूराः लूर-नेवन हों दोहोना। अबूराः ओंगोल अरू देहराः हिछा इयाबू एचेगोड ञवना, अरू अबू हों हँकुःआ होड़कू इया भगवानराः डंड पवाः जुकूरबू दोहोना।

रूमी 6:2

नाःआ इया कहियो ओरो होयानेना। अबू कसूर जीव जियाः लगाबू अड़ाः एंडागोतेडा दो, अरूबू कनासूरगोड ञवनता जा?

इपीसी 4:17

ने अजी-बोपोहकूतिंग, अयुमेपे! परबू ईंग एचेरेय एमेकेरा, हनानाः हातपातते अपे एचेरेयिंग कतायतना, सताय भगवान मेरकू सुदीयता अरू बेगर लूरराः ओंगोल इयाकू जियाःतना हँकुःआ होड़कू इया अपे अलोपे जियाः।

रूमी 14:7

अबू अते तोनोंगीग होड़ अनँयग लगा मेरेय जियाःता, सहे हाँय अनँयग लगा मेरेय गुजुःता।

1 पतरस 2:1

हनालगा ईंगरिकुःआ अजी बोपोहकूतिंग, अपे जमा बरानाः टेनसाहा अरू बेलूर कताकून, लबरा बड़रा, पचघुचिया, इरा अरू जमा बरानाः ओपता बड़रा, अपे जीव अतेपे चलाः एंडागोड।

एहुना 7:17

तोनोंगीग होड़ भगवानराः ओंगोल इया एचेय लगाय चहाःता दो हाँय सुदीगोडता, ईंगराः चेड भगवान अगीते इदा जा ईंग इनिंग ओंगोलतेयिंग कतायतना, माःआन।

मरकूस 7:21

होड़कूराः इंदरी अते बेलूर ओंगोल, जपाल होड़ेंग, इनिग, ञेड गोजेय, सनहा-सनही,

मरकूस 3:35

भगवानराः हिछा इया सलाःता हँकुःआ होड़कू सतायरे ईंगरीग एंगायिंग अरू ईंगरिकुःआ मेमेसकू अरू वपक बोपोहकूतिंग हवे।”

1 एहुना 2:17

चउंदीस अरू चउंदीसराः जमा बेलूर ओंगोलकून टुटीग जुवाःता, मनदो भगवानराः कता इयाय सलाःता हाँयग होड़राः जीव तोनोंग बेला ओनोरो टुटीगनेना।

एकूब 1:18

हाँय तुलाकेरा हना जमाकून अते अबू बिसवासी होड़कू हाँय एचेरे बुताराः मड़ंग बंटा इया होयाः लगा भगवान चहाःतना। हनालगा हाँय अनँयगराः सताय सरवनते अबू नँवाय तुलाकेडबुःआ।

इबरानी 13:21

दो हाँयग भगवान अपे आँयगराः हिछापे पुरावगोड लगा जमालेःआ नपाय कताकूनतेय ओसताजगोडपे लगायिंग अरजीतना। अरू भगवान ननायगुःता हना कताकून ईसू मसीते अपे एचे अवेय लगा भगवान अपेय संघरावा लगा होयिंग अरजीतना। सगर सइट होड़कू ईसू मसीकू जागगोड ञवन। आमीन!

1 तिसलूनिका 5:18

अपे जमालेःआ हाल-चालरे भगवानपे धनियाबादगोड ञवन। परबू ईसूते अपे लगा भगवानराः हिछा ननानाः इदा।

कुलूसी 1:9

ननानाः लगा अलिंग नाःआलिंग अयूमकेरा, हना दिन वरीते अपे लगा, भगवान एचेरे अरजीगे लगा मेरलिंग अड़ाःगरा। भगवानराः ओंगोल जमालेःआपे सुदीय लगा, सुद बिरुवाते अपे कनहूनदारकू अरू बुझावदारकू होयाः लगालिंग अरजीगोड ञवनतना,

इपीसी 5:17

अरू ननानाः लगा अपे बोको होड़कू इया अहापे दोहोन, मनदो भगवानराः हिछा चेले माःआन इदा, हना नपायतेपे बुझाः।

रूमी 12:2

अपे चउंदीसरिकुःआ होड़कू इया अहापे सलाः। मनदो भगवान अपेराः ओंगोल नँवाकेडखन बदलाव ओवायपे, जेमहा अपे भगवान ननायगुःता अरू जमालेःआते सताय अरू ननपाय हवे, हाँयराः हनानाः हिछापे सुदी अवेय।

रूमी 7:4

ईंगरिकुःआ अजी बोपोहकूतिंग, हनन इया अबू ईसू मसी सुदाबू गोएगनेना। हनालगा नुँहू अपे भगवान ननायगे लगा मोसेस एमेकेरा हना मड़ंगाः नियमकूनराः बोझारे कोवापेःआ। ईसू गोएगतो होड़कू अते भगवान जियाव रेमकिरिया, जेमहा अबू हाँय लगा नपाय बुताबू बुता अवेय। अरू नुँहू अबू नाँयग ईसूरिकुःआ होड़कू हवे।

एहुना 1:13

हँकुःआ होड़कू, होड़कूराः नइड़-बाँसते सहे अइमी मरद जुमाः अते सहे तोनोंगीग होड़राः ओंगोल इया मेरकू जनमाःता, मनदो भनगवानराः ओंगोल इयाकू जनमाःता।

मती ओजाःतेरा भगवानराः नपाय सरवन 21:31

दो हँकिनाः बार होड़ वगियारे इये अपातराः हिछाकिन पुरावतेरा?” हँकू कतातेरा, “मरंगीग बेटात।” दो ईसू हँकुःआ होड़कूय कतावाड, “अपे ईंगपे अयूम! मलगुजारी गोः होड़कू अरू सनहा-सनही होड़कू अपे अते मड़ंग भगवानराः राइजरेकू बोलता।

मती ओजाःतेरा भगवानराः नपाय सरवन 12:50

सेरमो देसरे इदानिया ईंगरीग अपांगराः ओंगोल इयाकू जियाःता हँकुःआ होड़कू ईंग अया अरू बोपोकूतिंग अरू मेमेसकूतिंग हवे।”

मती ओजाःतेरा भगवानराः नपाय सरवन 7:21

परबू परबू माःआनकू रगींगता, हँकू अते मुरुक बगरा होड़कू भगवानराः राइजरे ओरोकू बोलोनेना। मनदो सेरमो देसरेय दोहोनता ईंगरीग अपांग भगवानराः ओंगोल इयाकू जियाःता, हँननकुःआ होड़कू एनेकला हंडाकू बोलता।

कुलूसी 4:12

इपापरास, अपे अते मी होड़ इदानिया अरू हाँय ईसू मसीरीग सेवकिया हवे। हाँय अपेय सलामतना। अरू हाँय, अपे भगवानराः ओंगोल इया, अपेराः बिसवास जमालेःआ बड़ियाड़ जुवाः लगा, मुरुक मिहनइततेय अरजीगोड ञवनतना।

कुलूसी 3:3

अपेराः जुना जीव टुटीगयना अरू अपेराः नँवा जीव मसी सुदा भगवान एचेरे जबीततो इदा।

मती ओजाःतेरा भगवानराः नपाय सरवन 20:4

हँकू ञेलतेडखन हाँयग मालिक कतातेड, अपे हों ईंगराः अंगूर बगइचारे बुता लगापे सलाव जुवाः अरू अपेराः बुता बनी बड़ाँःतना हनामिनिंग एमेवापेता।