1 पतरस 2:9 - Korwa Bible

⁹ मनदो अपे सुनावतो होड़कू, राजारिकुःआ पुजउरीकू, मीटोंग सुद जइत अरू भगवानरिकुःआ निकता होड़कू हवे, जेमहा अपे अंदरा अते राःकेडपेखन अनँयगराः मुरुक नपाय मरसलरेय अगुकेडपेःआ हाँयग भगवानराः, मुरुक नपाय बुताकून एटाः होड़कू एचेरेपे कता उदुः अवे।

1 पतरस 2:9 Referans Kwoze

उदुःतो कताकून 1:6

अरू हाँयरीग अपांग भगवानबू सेवागेय लगा राजाकू अरू पुजउरीकू इयाय बड़ाँवकेडबुःआ। दो होड़कू हाँय सगर सइटकू मान मरजइतगेय अरूकू जागगेय। आमीन!

उदुःतो कताकून 5:10

आम हँकू राजाकू अरू पुजउरीकूम बड़ाँवकेडकुःआ, जेमहा हँकू अबूरीग भगवानकू सेवा, अरू जमा चउंदीसरेकू राइजगे।”

2 तिमुतियूस 1:9

हनाँयग भगवान अबूराः तोनोंग नपाय बुता ञेलकेडखन कोवान, मनदो हाँय चउंदीस बुँहड़ीन अते मड़ंगरेय ओंगोल दोहोतेरा हना इया ईसू मसीते मयावाडबूखने सडावकेडबुःआ अरू सुद जीव जियाः लगाय राःकेडबुःआ।

1 पतरस 2:5

दो जीयत दिरिकून इया सुद बिरुवा अपे भगवानराः सताय ओड़ाःरे एटाः होड़कू सुदा जोड़ावकेडपेखन सुद पुजउरीकू तुलापेतना, जेमहा भगवान ननायगुःता हना सुद बलिदानकून, अपे ईसू मसीतेपे देग अवेयता।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

मूक चेलाकू 26:18

जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

उदुःतो कताकून 20:6

मड़ंगरेकू जियाव रेमनेना हँकुःआ होड़कूराः जीव भगवान भल-भलायवातेडा अरू हँकू सुद इदानकुःआ। बार नमार गुजुःके हँकू जीवरे तोनोंगाः हातपात कोवानेःआ। हँकू भगवान अरू मसी लगा पुजउरीकू दोहोनता अरू मसी सुदा हजार बरिस वरीकू राइजगोड ञवनता।

मती ओजाःतेरा भगवानराः नपाय सरवन 5:16

ननन इया अपेराः लूर-नेवन मरसल इया जमा होड़कू एचेरे नपाय दोहोन दो, होड़कू अपेराः नपाय बुता ञेलकेडखन सेरमो देसरीग अपांग भगवानकू मान मरजइतता।”

कुलूसी 1:13

भगवान अबू कलउराः अंदरा राइज अते सडावकेडबूखन, अनँयगरीग दुलार बेटातराः राइजरेय गोः अदेरकेडबुःआ।

1 कुरिंती 3:17

अपे जमाकू भगवानराः सुद ओड़ाः इदानपेःआ अरू तोनोंगीग हाँयराः ओड़ाःय आड, दो भगवान हाँये लाय एंडागेयता।

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

पिलिपी 3:14

बतकाः होड़कू इमान पवाः लगा तक-तकावकियानखनकू बतकाःता हनन इया ईसू मसीते सेरमो देसराः इमान पवाः लगा भगवान ईंगे राःकेरा।

मती ओजाःतेरा भगवानराः नपाय सरवन 4:16

अंदरारेकू दोहोना, हँकुःआ होड़कू मुरुक विड़चेड़तो मरसलकू ञेलतेरा, अरू बेर निंदावारेय उडुंगगुःता, हनन इया गुजुःराः बोतोरतेकू दोहोना हँकुःआ होड़कूराः जीव मरसलयान।”

1 पतरस 1:2

ईसू मसीराः कता मनाः लगा, अरू हाँयराः बलंगीते सुद होयाः लगा, अपांग भगवान ओंगोल दोहोकेडपेखने सुनावकेडपेःआ अरू आँयगराः सुद बिरुवाते अपेय सुदकेडपेःआ। दो भगवान जमालेःआते अपेराः जीव मयावा लगा अरू सलसतगे लगायिंग अरजीतना।

लूका 1:79

जेमहा कसूरराः अंदरारे अरू गुजुःराः दूररे इदानकुःआ हँकुःआ होड़कू मरसलकू पवाः, अरू अबू सलसतराः दूररे सलाः लगाय अगुवाइवाबू।”

रूमी 9:24

दो अबू एहूदाकू सहे बेगर एहूदाकू दोहोन अते भगवान मनाड़ंगतेय ओंगोल दोहोकेडखन अबू जमा होड़कूय सुनावकेडबुःआ।

मूक चेलाकू 26:28

हनते अगरिपा राजा पउलूस एचेरेय कतातेरा, “गुन लकन बेलाते ईंग मसी होड़ बड़ाँवगींग लगाम ओंगलेतना जा?”

1 पतरस 4:11

परसारताकुःआ होड़कू भनगवानराः सरवन पपरसार लगा इदा। एटाः होड़कूकू सेवाता हँकुःआ होड़कू, भगवानराः जंगरते सेवाकू लगा इदा, जेमहा नाःआ जमाकून अते ईसू मसीते भगवानराः मान मरजइत होयाः। हनाँय मान मरजइतगे इयायीग अरू सगर सइट वरी अगम जंगरदार इदानिया। आमीन!

इपीसी 1:6

जेमहा आँयगरीग दुलार बेटातते अबूराः जीवरे आँयगराः अगम नपाय मया मिनी जीवतेडखने ओवाडबुःआ हाँयग भगवानराः जाग होयाः।

इपीसी 1:14

भगवान जबानकेरा हना इताड अबू लगाय एमेवाबूता अरूय अजइतगोडबूता माःआन एचे उदुःगे लगा भगवान आँयग सुद बिरुवा अबू जीवरे बयान इयाय एमेकेरा, जेमहा भगवानराः मान मरजइत अरू जाग होयाः।

एहुना 17:19

हँकू लगा ईंग इनिंग सुदगुःता अरू हनाते हँकू सतायतेकू सुद जुवाःता।

इपीसी 3:21

हाँयग भगवानराः जाग कलसियारिकुःआ होड़कूते अरू ईसू मसीते जमा जूगरिकुःआ होड़कू एचेरे सगर सइट जूग वरी होयागोड ञवन। आमीन!