1 पतरस 2:23 - Korwa Bible

²³ हँकुःआ होड़कू हाँयकू बेग-हतावातिरिया दो, हाँय हनन इया बदला मेरेय कुदागाड। अरू कटसियाय सहावा, दो तोनोंगीग मेरेय हुड़कावगाड। मनदो हाँय नपायतेय फड़ियावगेता हाँयग भगवान एचेरेय भरसातेरा।

1 पतरस 2:23 Referans Kwoze

1 पतरस 4:19

दो अपे भगवानराः ओंगोल इया कटसियापे सहाव दो नपाय बुतापे बुता घड़ीन बिसवासगेयीग तुलायदार एचेरे अपेराः जीव जिमागोड लगा इदा।

इबरानी 12:3

कसूर होड़कू अते मुरुक कटसियाय सहावतेरा हाँयग ईसूपे ओंगोल, जेमहा अपे अदरुजीकियानखन अपेराः जीव अलो हदरावगुः।

मूक चेलाकू 4:29

दो परबू, नुँहू हँकूराः हुड़कावमे अयूम अरू अले आमरिकुःआ सेवकिया होड़कू, मुरुक डीड़ते आमराः सरवन कता उदुः लगाम संघरावाले।

2 तिमुतियूस 4:8

दो नुँहू वरीते बेगर गारबारराः इमान सनातायते होड़कूय फड़ियावकूता हाँयग परबू ईसू, हनानाः दिन ईंग लगाय एमेयता। अरू हान ईंग एकला लगा कोवान, मनदो हाँय कुदा वेगता हना बदीरे टक टक इदानकुःआ हँकुःआ जमा होड़कू लगा होंय एमेयता।

2 तिमुतियूस 1:12

हनालगा ईंग नाःआ जेहेलरे हों हाँय लगा कटसिया सहाव लगा मेरिंग गियुःतना। अरू ईंग इये एचेरेयिंग बिसवासकेरा हनायिंग सुसुदीयतना, अरू हनानाः दिन वरी ईंग एचेरेय जिमाकेरा हनानाः संभाड़गे जुकूर इदानिया माःआनिंग पनकियाबाःगोतेडा।

लूका 23:46

अरू ईसू खिररीनेनखने कताया, “ने अपांग, ईंग बिरुवा आम एचेरेयिंग जिमायतना।” अरू नाःआ कतावाडखन हाँय मिनी तुरहाय सहेडतेरा।

उदुःतो कताकून 19:11

हनते ईंग सेरमो देस गीगतोयिंग ञेलतेरा अरू हंडा मीटोंग उजड़ घोड़ा दोहोना। हाँयग घोड़ा चोटरे मी होड़ दुड़ुःतोय दोहोना। हाँयराः ञाव बिसवासगेयीग अरू सताय हवे माःआनकू कतावायता। हाँय सतायते फड़ियाव घड़ीने लड़ाइता।

1 पतरस 3:9

अपे बेलूर बदलारे बेलूर अपे अहापे कुदागे, अरू तूडपेताकू हना बदलारे अलोपे तुडकू, मनदो हँकुःआ होड़कूराः जीव-जहन भगवान नपायगे लगापे अरजीगोड ञवन। ननन इयाःआ बुताकून एचेय लगा भगवान अपेय राःकेडपेःआ, जेमहा अपेराः जीव-जहन हों भगवान नपायगे।

2 तिसलूनिका 1:5

नाःआ जमा कताकूनते अबू सुदीयता भगवान जमा होड़कू नपायतेय फड़ियावकूता, अरू आँयगराः देस बदीरे कटसियापे सहावतना हना देस जुकूर अपेय बड़ाँवगोडता।

इपीसी 6:9

ने मालिककू, अपे हों सेवकियाकू सुदा हनन इया नपायतेपे एचे हड़ाःगे। अपे सुदीयतना, हँकू लगा अरू अपे लगा सेरमो देसरे मिनीटोंग मालिक इदानिया अरू हाँय एचेरे तोनोंग इयाःआ पाचपटी कोवानेःआ। हनालगा ने मालिककू, अपे अपेरिकुःआ सेवकियाकू अहापे हुटाःकू।

रूमी 2:5

आमराः जीव केटेगयना, अरू कसूर अते भगवान अगी जीव कुदागे लगा मेरेम चहाःतना। हनालगा भगवान सतायते जमा होड़कूय फड़ियावता हना दिन, हाँय आम सुदा मुरुके रीस जुवाःता अरू हाँय अते अरू बगरा डंडियावमे पवाःता।

मूक चेलाकू 17:31

अरू आँयगरीग सुनावतो होड़ते, चउंदीसरिकुःआ जमा होड़कू सतायते फड़ियावकू लगा, भगवान मीटोंग दिने तोल दोहोकेरा। हाँयग सुनावतो होड़, भगवान गोएगतो होड़कू अते जियाव रेमकिडिगखन, नाःआ कता सताय हवे माःआन जमा होड़कूय उदुःवारा।”

मूक चेलाकू 9:1

हना वरीते साहूल परबू ईसूरिकुःआ चेलाकू ञेड गोएगकू लगाय हड़कावकुःआ। अरू हाँय दिमसकूस सहररे सेन लगाय ओंगोल राइनेना।

लूका 23:9

दो हरदोस ईसू एचेरे मुरुक सवालकूने होंबोरतेरा। मनदो ईसू तोनोंग माःआन मेरेय कता कुदागाड।

मूक चेलाकू 7:59

हँकुःआ होड़कू इसतपनूस दिरितेकू तेकेया हनमेला हाँय अरजीतेरा, “परबू ईसू, ईंग आम तिःईरे ईंगराः हनसायिंग जिमागेतना।”

लूका 23:41

अलंग बना होड़लंग कसूरकेरा अरू हनाराः डंडलंग पवावकिया। नाँयग होड़ दो तोनोंगाः मेरेय कसूरगरा। हनते हों नाँयकू डंडियावगोतेडा।”