1 पतरस 2:17 - Korwa Bible

¹⁷ जमा होड़कूपे मान मरजइत, अरू बिसवासी होड़कू सुदा अलार-दुलारतेपे दोहोन, भगवानराः अकूस मनाः घड़ीनपे दोहोन अरू मरंग राजा होँपे मान मरजइतगेय।

1 पतरस 2:17 Referans Kwoze

रूमी 12:10

अपे अँननपेरिकुःआ होड़कू इया एटाः होड़कू सुदापे अलार-दुलार होड़ेंग अरू अँननपे अते बगरा एटाः होड़कूपे मान मरजइत।

रूमी 13:7

अरू अपे होड़कू एमेवा लगा इदा, हना जमाकून एनेमेगोड। अपे सरकारके एमे लगा इदा हना ढिबुवाकूनपे एमेगोड। अकूस मनाः लगा इदा हँकूराः अकूसपे मनाः अरू मान मरजइतकू लगा इदा हँकूपे मान मरजइत।

1 पतरस 5:5

ने डिंघाकू, हनन इया अपे हों कलसियारिकुःआ मूक होड़कूराः आड़रेपे दोहोन। भगवानराः कागदरे नाःआ इया ओजाःतो इदा, “भगवान बड़वार होड़कूय हिनइस-बिनइसवाकूता, मनदो हुडिंगकू उंगलुःता, हँकुःआ होड़कूय मयावाकूता।” हनालगा अपे अँननपे अपे हुडिंग ओंगोलकियानखन, सेवा होड़ेंग लगा सपड़ावतोपे दोहोन।

इबरानी 13:1

ने बिसवासी होड़कू, अपे जमाकू अजी बोपोहकू इयापे अलार-दुलार होड़ेंगगोड ञवन।

पिलिपी 2:3

अपे एटाः होड़कू अते मरंगपे बड़ाँः लगा अरू अपे बड़वारगुः लगा, तोनोंगाः अहापे एचेय। मनदो अपे अँननपे अपे हुडिंग ओंगलुः घड़ीन, एटाः होड़कू अपे अते मरंगपे ओंगोलकू।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 तिमुतियूस 6:1

बिसवासी बेगारी होड़कू अँननकूरिकुःआ मालिककू मान मरजइतकू लगा इदा, जेमहा भगवानराः ञाव अरू अलेराः चेड बदीरे तोनोंगीग अलोकू ओपता अवे।

2 कुरिंती 7:1

ने ईंगरिकुःआ वपक बोपोहकूतिंग, भगवान अगीते अबू लगा नाःआमिन जबानकून इदान दो, अबू अबूराः देह अरू बिरुवा मइलावगोडता हना जमालेःआतेबू सुदगे अरू भगवानराः अकूस मनाः घड़ीन जमालेःआतेबू सुद इदीन।

मती ओजाःतेरा भगवानराः नपाय सरवन 22:21

दो हँकू कतातेड, “मरंग राजा कइसरराः इदा।” दो ईसू हँकू एचेरेय कतातेड, “मरंग राजा कइसरराः हवे हान, हाँयपे एमेवा अरू भगवानराः हवे हान भगवानपे एमेवा।”

इपीसी 5:21

अपे ईसू मसीराः अकूस मनाः घड़ीन, अपे जमाकू अँननपे सेवा होड़ेंग ञवन।

एहुना 13:35

अपे अँननपे अपे अलार-दुलार होड़ेंग दो ननानाः अते जमा होड़कू सुदीगोडपेता अपे ईंगरिकुःआ चेलाकू हवे, माःआन।”

1 पतरस 2:13

ईंगरिकुःआ सउंगताकू, अपे परबू लगा जमा हातपात होड़कूराः आड़रेपे दोहोन। मरंग राजा जमा होड़कू एचेरेय हातपातगेता। हनालगा अपे हाँयराः हुकुमपे मनाः।