1 पतरस 2:16 - Korwa Bible

¹⁶ अपे अजइतयनापे। हनते हों अपे भगवानरिकुःआ सेवकिया होड़कू हवे। हनालगा अपे अजइतयनाले, माःआन ओंगोलकेडखन कसूर जीव जियाः लगा बुइद अहापे तुलाय।

1 पतरस 2:16 Referans Kwoze

गलातिया 5:13

ने अजी बोपोहकूतिंग, अपे अजइत जीव जियाः लगा भगवान अपेय सुनावकेरा। हनालगा अपे मनबिदिया होड़ इया अहापे कसूरगे। मनदो अपे अँननपे अलार-दुलार होड़ेंग घड़ीन सेवा होड़ेंगपे।

रूमी 6:22

मनदो अपेराः कसूर जीव टुटीगयना अरू भगवानरिकुःआ बेगारी होड़कूपे बड़ाँवयना। नुँहू अपे सुद होड़कू बड़ाँवकियानखन ओरो टुटीगनेना हना जीवपे पवाःता।

1 कुरिंती 7:22

परबू तोनोंगीगे राःतेरा हनमेला हाँय बेगारी होड़े दोहोना हों, हाँय परबूरीग अजइततो होड़ हवे। हनन इया अजइते दोहोना हनमेला परबू राःकिरिया हाँयग होड़ मसीरीग बेगारी होड़ हवे।

रूमी 6:18

अपे कसूर जीव जियाः लगापे अड़ाः एंडागोतेडा अरू बेगर गारबार जीव जियाः लगापे जिमायना।

गलातिया 5:1

अबू अजइत जुवाः लगा ईसू मसी अबूय सडावकेडबुःआ। हनालगा अपे बड़ियाड़कियानखन नियमकूनराः आड़रे अहापे बहुरावगुः।

एकूब 1:25

मनदो अजइतबूता हना उडु-बुडूत नियम ओंगोल बुझावगोड ञवनता, अरू अयूमकेडखन मेरकू लिड़िंगेता, अरू हनन इयाःकू सलाःता, हँकुःआ होड़कू भगवान भलायवाकूता।

एकूब 2:12

भगवान होड़कूय अजइतगेता, हनानाः नियमते अपेराः बड़रा अरू बुता लगा भगवान अपेय फड़ियावपेता।

इपीसी 6:6

अपे बुता लगा अहापे जहंडाव अडिगकू। मनदो मसीरिकुःआ सेवकिया होड़कू इया भगवानराः हिछा मिनी जीवकियानखनपे एचेय।

2 पतरस 2:19

तोनोंगाः कसूरे कनासूरगोड ञवनता हाँयग होड़, हनानाः कसूरराः बेगारी होड़े बड़ाँव जुवाःता। अरू हँकू एटाःकू अजइतकू लगाकू जबानगेता, मनदो अँननकू हनानाः कसूरराः बोझारे इदानकुःआ।

कुलूसी 3:24

दो अपे परबू ईसूपे सेवातना अरू हनाँय अपेराः सेवा बदलारे इमान इया इताडे एमेवापेता।

मती ओजाःतेरा भगवानराः नपाय सरवन 23:13

ने पचघुचिया नियम चेडदार होड़कू अरू फरीसी होड़कू, अपे दोपे ठीकयान। अपे एटाः होड़कू भगवानराः राइजरे बोल अतेपे रोंकावकूता। अपे अँननपे सेरमो देसरे मेरपे बोलता अरू एटाः होड़कू हों सेरमो देसरे मेरपे बोलो ओवाकूता।

जूदा 1:4

सतायरे बिसवासी होड़कू ना लवे अरू डंडियावकू लगा मड़ंग वरीते भगवान एटाःकेडकुःआ, हँकुःआ तोनोंग तोनोंग होड़कू ओनोक दनंगते अपे सुदाकू मेसायना। हँकुःआ होड़कू भगवान मेरकू मनेवायता अरू भगवानराः मया हुडिंग ओंगोलवाडखन सनहा-सनहीकू एचेता अरू मिनीटोंग परबू भगवान इदानिया, अबूरीग परबू ईसू मसीकू आड-बेकारवायतना।

1 तिसलूनिका 2:5

अपे सुसुदीतना अले बोनाव बड़राते सहे लुभिया होड़कू इया बुइद तुलाकेडखन अपे सुदा मेरले कतागाड। नाःआ कता बदीरे भगवान अलेरीग हिदइतदार इदानिया।

एहुना 15:22

ईंग मेरिंग वेगकुःआ अरू हँकू ओरोयिंग कतावाकेकिकुः दो, हँकू एचेरे कसूरराः बोझा ओरो दोहोकुःआ। मनदो नुँहू हँकू ओरोकू कता अवेतेरा, अले मेरले कसूरगरा माःआन।