1 एहुना 3:17 - Korwa Bible

¹⁷ तोनोंगीग होड़ एचेरे जोम जियाः लगा मुरुक इदा अरू हाँय ञेनेलता अनँयग बिसवास वपक बोपोहकू एचेरे जोम जियाः लगा कोवानेःआ। मनदो हाँयग होड़ जोम जियाः लगा तोनोंग कोवानेःआ हाँयग होड़े सोगावडीगखन मेरेय एमेय दो हाँय एचेरे करा इया भगवानराः दुलार दोहोन?

1 एहुना 3:17 Referans Kwoze

इबरानी 13:16

एटाः होड़कू नपायते संघरावाकू लगा अरू हटिंगवाकू लगा अलोपे लिड़िंगे। ननन इयाःआ बलिदानते हमा भगवान ननायगुःता।

1 एहुना 4:20

तोनोंगीग होड़ कतायता, ईंग भगवानिंग दुलारतना, माःआन। मनदो एटाः बिसवासी होड़कू मेरेय अलार-दुलारकूता, हाँय लबरा होड़ हवे। तोनोंगीग होड़ हाँय सुदाय दोहोनता हाँयग बिसवासी वगात मेरेय अलार-दुलार अवेयता दो मेरेय ञेलगरिया हाँयग भगवान हाँय करा इयाय अलार-दुलार अवेय?

लूका 3:11

दो हाँय हँकू एचेरेय कताया, “तोनोंगीग होड़ एचेरे बारटोंग अंगा इदान दो, अंगा कोवानेःआ, हाँय लगा मीटोंग अंगाय हटिंगगोड। अरू तोनोंगीग एचेरे जोम जिनिस इदान दो जोम लगा कोवानेःआ, हाँयग होड़ लगाय हटिंगगोड।”

एकूब 2:15

तोनोंगीग बिसवासी वपक बोपोहकू सहे मेमेसकू बेगर जोमते अरू तुसिंग लगा बेगर सोनहेतेकू दोहोन होले,

2 कुरिंती 8:9

अपे सुसुदीतना अबूरीग परबू ईसू मसी मयावाडबुःआ। हाँय सेरमो देसरे गिरहते दोहोन हों हाँय अपे लगाय गरीबयान, जेमहा हाँय गरीबगुः अते अपे भगवान बदीरेपे गिरहत जुवाः।

1 एहुना 5:1

ईसू, मसी हवे माःआने बिसवासगेयता हाँयग होड़ भगवानरीग लँइग हवे। अरू हाँयरीग अपात सुदाय अलार-दुलारता हाँय आँयग अपातरिकुःआ लइंकू होंय अलार-दुलारकूता।

एकूब 2:16

हँकू एचेरे अपे अते तोनोंगीग होड़ कतायता, नपायतेपे जोम ञूय अरू सोनहेकून तुसिंगकियानखन सलसतरेपे दोहोन, माःआन। मनदो हाँयराः जरूरी लगा मेरेय एमेयता दो हनारे चिला नपाय इदा?