1 एहुना 2:8 - Korwa Bible

⁸ हनते हों ईंग मीटोंग नँवा नियमयिंग ओओजाःतना। कसूरराः अंदरा हुडिंगगुःतना अरू भगवानराः सताय कता मरसल इया विड़चेड़ लगा बुँहड़ीयना। हनालगा हना नियम ईसू मसी एचेरे सताय दोहोनता हनन इया अपे एचेरे हों सताय दोहोनता।

1 एहुना 2:8 Referans Kwoze

इपीसी 5:8

मड़ंगरे अपेराः जीव अंदरारे दोहोना, मनदो नुँहू परबू अपेराः जीवे मरसलगोतेडा। हनालगा अपे भगवानराः मरसल पवावतो होड़कू इयापे जियाः।

रूमी 13:12

रइत चबनतना अरू दिन दरवाःआ। हनालगा अपे अंदरा इयाःआ बेलूर बुताकून अड़ाः एंडाकेडखन नपाय लूर-नेवनराः मरसल इयाःआ बुताकूनपे एचेय।

एहुना 13:34

ईंग अपे लगा मीटोंग नँवा हुकुमिंग एमेयतना। ईंग अपेयिंग अलार-दुलारतना, हनन इया अपे होँपे अलार-दुलार होड़ेंगगोड ञवन।

एहुना 8:12

हनते ईसू होड़कू एचेरे अरूय कताया, “चउंदीसराः मरसल ईंग हवे। ईंग देहोरे वेगता हाँयग होड़ अंदरारे मेरेय सलाःता, मनदो हाँय जीव एमेता हना मरसले पवाःता।”

एहुना 1:9

होड़कू लगा सताय जीवराः मरसले एमेता हाँयग होड़ चउंदीसरे वेग लगाय दोहोना।

एहुना 12:46

ईंग चउंदीसरे मरसल इयायिंग वेगकिया अरू ईंग एचेरेय बिसवासगे हाँय, अंदरारे ओरोय दोहोनेना।

1 एहुना 4:21

भगवान अबू लगा नाःआ इयाय हुकुमकेरा, भगवान सुदाय दुलारता हाँयग होड़ एटाः बिसवासी होड़कू हों अलार-दुलारकू लगा इदा।

1 एहुना 4:11

ने सउंगताकूतिंग, भगवान अबू मुनुरुके दुलारकेडबुःआ। हननलगा अबू हों अलार-दुलार होड़ेंग लगा इदा।

2 तिमुतियूस 1:10

दो नुँहू होड़कू गोएगकूता हना जंगर हरुवाव एंडाकेडखन नपाय सरवनते ओरो टुटीगनेना हना जीवराः दूरे उदुःगोतेरा अबूरीग सडावदार ईसू मसी एचे ञेलनेना अरू भगवानराः मया अबूय ओवाडबुःआ।

2 कुरिंती 8:9

अपे सुसुदीतना अबूरीग परबू ईसू मसी मयावाडबुःआ। हाँय सेरमो देसरे गिरहते दोहोन हों हाँय अपे लगाय गरीबयान, जेमहा हाँय गरीबगुः अते अपे भगवान बदीरेपे गिरहत जुवाः।

मूक चेलाकू 26:18

जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

मूक चेलाकू 17:30

नानाः लगा होड़कू अनसिनहारकू दोहोना हना बेला भगवान मेरेय उहियारगाड। मनदो नुँहू हाँय चउंदीसरिकुःआ जमा होड़कू कसूर अते जीवकू कुदा लगाय हुकुमगेतना।

लूका 1:79

जेमहा कसूरराः अंदरारे अरू गुजुःराः दूररे इदानकुःआ हँकुःआ होड़कू मरसलकू पवाः, अरू अबू सलसतराः दूररे सलाः लगाय अगुवाइवाबू।”

एहुना 12:35

दो ईसू हँकू एचेरेय कतातेड, “मरसल तोनोंग बेला वरी अपे एचेरे दोहोनता। अंदरा रेडपेते मड़ंग मरसलरेपे सेसेनका। अंदरारेय सेनता हाँयग होड़ मेरेय सुदीयता, हाँय करा अगीय सेनतना।

मती ओजाःतेरा भगवानराः नपाय सरवन 4:16

अंदरारेकू दोहोना, हँकुःआ होड़कू मुरुक विड़चेड़तो मरसलकू ञेलतेरा, अरू बेर निंदावारेय उडुंगगुःता, हनन इया गुजुःराः बोतोरतेकू दोहोना हँकुःआ होड़कूराः जीव मरसलयान।”

1 पतरस 1:21

भगवान ईसू मसी गोएगतो होड़कू अते जियाव रेमकेडखने मान मरजइतकिडिया, जेमहा अपेराः बिसवास अरू असरा, भगवान एचेरे टक-टकावतो दोहोन।

1 एहुना 3:23

भगवानराः हुकुम ननानाः हवे। भगवानरीग बेटात ईसू मसी एचेरे अबू बिसवासगे लगा इदा। अरू ईसू मसी अबू एचेरेय हुकुमकेरा हनन इया एटाः होड़कू सुदा अलार-दुलारते दोहोन लगा इदा।