1 एहुना 2:5 - Korwa Bible

⁵ तोनोंगीग होड़ भगवानराः कता इयाय एचेयता दो हाँय भगवान सतायतेय दुलारगेयता। नान अते अबू सुदीयता हाँय भगवानरीग होड़ हवे।

1 एहुना 2:5 Referans Kwoze

एहुना 14:23

दो ईसू कतातेड, “अपे तोनोंगीग ईंगपे अलार-दुलार दो, हाँय ईंगराः सरवने मनेवाता। ईंग अपांग हाँये अलार-दुलारता अरू अलिंग हाँय एचेरे सेनेकियनखन हाँय सुदालिंग दोहोनता।

एहुना 14:21

अनँयग जीवरे ईंगराः कता दोहोकेडखने मनेवाता हाँय ईंगे अलार-दुलारता। ईंगे अलार-दुलारता हाँय ईंग अपांग हों हाँये अलार दुलारता। ईंग हों हाँयिंग अलार-दुलारता अरू ईंग इनिंग बदीरे हाँयिंग उदुःवाता।”

लूका 11:28

दो ईसू कताया, “नाःआ इया कोवानेःआ, भगवानराः सरवने अयुमेता अरूय मनाःता, हनाँयग होड़राः जीव-जहन भगवान भल-भलायवाता।”

1 एहुना 3:24

भगवानराः हुकुमे मनाःता हाँयग होड़ भगवान सुदा मिनी इदानिया अरू भगवान हों हाँय सुदा मिनी इदानिया। भगवान अबू लगाय एमेकिरिया हाँयग सुद बिरुवातेबू सुदीयता, भगवान अबू सुदा मिनी इदानिया, माःआन।

उदुःतो कताकून 14:12

नाःआते भगवानराः हुकुमकू मनाःता अरू ईसू मसी एचेरेकू बिसवासगोड ञवनता, हँकुःआ भगवानरिकुःआ सुद होड़कू सहाव घड़ीन दोहोन लगा इदा।

1 एहुना 5:2

अबू भगवानबू अलार-दुलारता अरू हाँयराः हुकुमकूनबू मनाःता दो अबू सुसुदीता अबू भगवानरिकुःआ लइंकू हों अलार-दुलारताबू।

एहुना 15:5

ईंग अंगूर दूब हवे अरू अपे नइड़तो हवे। ईंग हाँय सुदा अरू हाँय ईंग सुदा मिनीय दोहोनता दो, हाँय मुरुक नपाय बुताय बुता अवेता। मनदो ईंग अड़ाःकेडखन हाँय कहिसाः नपाय बुता ओरोय एचे अवेतेरा।

1 एहुना 4:18

डंडियाव ओंगोलतेबू बोरो जुवाःता अरू बोरता हाँयग होड़ एचेरे उडु-बुडू दुलार कोवानेःआ। हनालगा दुलारता हाँयग होड़ एचेरे बोर मेर दोहोनता, मनदो उडु-बुडू दुलारते बोर अबू जीवते ञीर जुवाःता।

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

उदुःतो कताकून 12:17

हना अते लाल मरंग बींग हाँयग अइमी सुदा मुरुके रीस भीकयान, अरू हाँयग बींग भगवानराः हुकुमकू मनाःता हाँयग अइमीरिकुःआ एटाः लइंकू एचेरे, अरू ईसूराः सताय कताकू मनावगोड ञवनतना, हँकू एचेरे लड़ाइ लगा तोराया।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

रूमी 8:1

भगवान अबू सडावकेडबूखन ईसू मसी सुदाय मिनीगोतेडबुःआ, दो भगवान अबू ओरोय डंडियावतेडबुःआ। [अबू होड़कूराः ओंगोल इया कोवान, मनदो सुद बिरुवाराः ओंगोल इयाबू सलाःता।]

एकूब 2:22

भगवान एचेरे इबराहीमके बिसवास दोहोना अरू हाँय नपाय बुता होंय एचेतेरा। इबराहीम आँयग बेटात भगवान लगा बलिदान एमेगेय लगाय सपड़ावनेना अरू हनाते हाँयराः बिसवास हों पुरावयान।

2 कुरिंती 5:21

मसी कहियो मेरेय कसूरगरा। मनदो भगवान अनँयगराः ओंगोलरे अबू बेगर गारबार होड़कू बड़ाँवबू लगा, हाँयग मसी कसूर होड़े बड़ाँवतिरिया।

एहुना 6:56

ईंगराः देहे जोमगोडता अरू ईंगराः बलंगीय ञूयता हाँयग होड़ ईंग सुदा मिनीय दोहोनता अरू ईंग हों हाँय सुदा।

1 एहुना 4:17

नाःआ इया अबू जीवरे दुलार उडु-बुडू जुवाःता, जेमहा ईसू नाःआ चउंदीसरेय जियावनेना हनन इया अबू हों जियाः दो, फड़ियावराः दिनरे अबू डीड़तेबू दोहो अवेनता।

2 एहुना 1:6

भगवानराः हुकुम इयाबू जियाः दो हनानाः हवे सताय दुलार। मड़ंगरे भगवान अतेम अयूमकेरा हना हुकुम इया सगर सइट दुलार हड़ाः होड़ेंग इदा।