1 एहुना 2:3 - Korwa Bible

³ अबू हाँयराः नियमकूनबू मनाःता दो अबू सनातायरेबू सुदी अवेयता अबू भगवानबू सुदीयतना, माःआन।

1 एहुना 2:3 Referans Kwoze

एहुना 14:15

अपे ईंगपे अलार-दुलारता दो, ईंगराः हुकुमपे मनाःता।

एहुना 15:10

ईंग, ईंग अपांगराः हुकुमकूनिंग मनाःता अरू हाँय सुदा ईंग अलार-दुलारगोड ञवनता, हनन इया अपे ईंगराः हुकुमकूनपे मनाः दो अपेयिंग अलार-दुलारगोड ञवनता।

1 एहुना 5:3

अबू सतायरे भगवानबू दुलारता दो हाँय कताकेरा हना जमाकूनबू एचेगोड ञवनता। अरू हाँयराः हुकुमकून अबू लगा बोझा इया कोवानेःआ।

लूका 6:46

ईंग ईसूरीग चेला हवे, माःआन अपे कतनता, मनदो ईंगराः बड़रा मेरपे मनाःता दो चिला लगा परबू परबू, माःआन ईंगपे राःतना?

एहुना 15:14

अपे लगायिंग एमेयता हना हुकुमपे मनाः दो, अपे ईंगरिकुःआ सउंगताकू हवे।

1 एहुना 4:13

भगवान आँयगराः सुद बिरुवा अबू जीवरेय एमेकेरा। नाःआते अबू सुसुदीतना भगवान अबू सुदा मिनी इदानिया अरू अबू हों भगवान सुदा मिनी इदानबुःआ।

इबरानी 5:9

अरू हाँय उडु-बुडूत होड़ बड़ाँवकियानखन हुकुमकू मनाःता हँकुःआ होड़कू सगर सइट लगाय सडाव अवेकूता,

1 एहुना 3:19

नाःआते अबू सुदीयता अबू सताय भगवानरिकुःआ होड़कू हवे। भगवान अबूराः ओगोलते हों मरंग इदानिया अरू हाँय जमालेःआय सुदीयता।

एहुना 17:3

मिनीटोंग सताय भगवान अनम इदानमेःआ। दो आम अरू आम वारकिरिया हाँयग ईसू मसी, अलंग बना होड़कू सुदीलंगता, हनानाः हमा ओरो टुटीगनेना हना जीव।

1 एहुना 5:19

अबू सुदीयतना अबू भगवानरिकुःआ लइंकू हवे अरू जमा चउंदीसरिकुःआ होड़कू बेलूर इदानिया हाँयराः आड़रे इदानकुःआ।

1 एहुना 3:14

अबू अँननबू बिसवासी वपक-बोपोहकू सुदाबू अलार-दुलारतना। नान अते अबू सुदीयता अबू गोएगतो होड़कू इया कोवाबुःआ मनदो अबू ओरो टुटीगनेना हना जीवबू पवावकिया। होड़कू मेरकू अलार-दुलारकूता हँकुःआ होड़कू गोएगतो होड़कू इया इदानकुःआ।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

उदुःतो कताकून 22:14

अँनकूराः सोनहेकू बुहाल अमिंगेता हँकुःआ होड़कूराः जीव भगवान नपायगेता। हँकू हना सहरराः हता दुवारतेकू बोलो अवेनता अरू हँकू जीव एमेता हना सींगराः जोःओ जोम लगाकू पवाःता।

1 एहुना 2:13

ने सपायाड़कू इया होड़कू, अपे मनाड़ंगते इदानिया हाँयग भगवानपे सुदीकेरा। ननानाः लगा अपे लगा ईंग ओजाःगेतना। ने डिंघा होड़कू इया इदानपेःआ, अपे बेलूर इदानिया हाँयग कलउपे हरुवावकेरा। ननानाः लगा अपे लगा ईंग ओजाःगेतना।

1 एहुना 3:6

हाँय सुदा नपाय नतारेय दोहोनता हाँयग होड़ मेरेय कसूरगोड ञवनता अरू कनासूरगोड ञवनताय हाँयग होड़ तोनोंग बेला हों ईसू मसी मेरेय ञेलगडिया अरू मेरेय सुदीगडिया।

1 एहुना 4:7

अलार-दुलार भगवान अगीते होयाःता। हनालगा ईंगरिकुःआ सउंगताकू, अँननबू अबू अलार-दुलार होड़ेंग लगा इदा। अबू अते तोनोंगीग होड़ एटाःकूय अलार-दुलार दो, हाँय भगवानरीग लँइग हवे अरू हाँय भगवाने सुदीता।

1 एहुना 5:2

अबू भगवानबू अलार-दुलारता अरू हाँयराः हुकुमकूनबू मनाःता दो अबू सुसुदीता अबू भगवानरिकुःआ लइंकू हों अलार-दुलारताबू।

उदुःतो कताकून 12:17

हना अते लाल मरंग बींग हाँयग अइमी सुदा मुरुके रीस भीकयान, अरू हाँयग बींग भगवानराः हुकुमकू मनाःता हाँयग अइमीरिकुःआ एटाः लइंकू एचेरे, अरू ईसूराः सताय कताकू मनावगोड ञवनतना, हँकू एचेरे लड़ाइ लगा तोराया।

उदुःतो कताकून 14:12

नाःआते भगवानराः हुकुमकू मनाःता अरू ईसू मसी एचेरेकू बिसवासगोड ञवनता, हँकुःआ भगवानरिकुःआ सुद होड़कू सहाव घड़ीन दोहोन लगा इदा।