1 एहुना 2:27 - Korwa Bible

²⁷ मनदो अपे लगा भगवान सुद बिरुवाय एमेकेरा। दो तोनोंगीग एटाः होड़ अपे चेडपे लगा कोवानेःआ। सुद बिनिरुवा अपे जमा कताकून एचे सुदीपेता अरू हाँय उदुःवापेता हना कता लबरा ना लवे, मनदो सनाताय हवे। सुद बिरुवा अपेय चेडकेरा हनन इया मसी सुदापे सनालावगोड ञवन।

1 एहुना 2:27 Referans Kwoze

एहुना 14:26

मनदो भगवान ईंगराः ञावते संघरादार इदानिया हाँयग सुद बिरुवा अपे एचेरेय वारेयता। अरू हाँयग सुद बिरुवा जमा कताकूने चेडपेता अरू ईंग अपे एचेरेयिंग कता उदुःतेरा हना जमाकूने एचे उहियार अगूपेता।

1 कुरिंती 2:13

अरू ननानाः कता बदीरेले चेडपेता, अरू नाःआ चेड, होड़कूराः कनहून इया कोवानेःआ, मनदो सुद बिरुवातेले चेडकिया। अले सुद बिरुवा पवावतो होड़कू एचेरे सुद बिरुवाराः दहिन बदीरेले कता उदुःगेता।

एहुना 16:13

मनदो सतायराः बिरुवा वेग दो अपे जमा बरानाः सताय दूरे उदुःवापेता। हाँय अनँयग ओंगोलते ओरोय कतातेरा। मनदो हाँय अयुमेता हनानाःए कता उदुःगेता अरू दरवाःआ हना कताकून होंय कता उदुःगोडता।

1 तिसलूनिका 2:13

अले अपे एचेरेले परसारतेरा हना नपाय सरवन होड़कूराः सरवन इया मेरपे ओंगोलगाड, मनदो भगवान कतातेरा हना सताय सरवन इयापे ओंगोलतेरा अरूपे मनाःआ। हननलगा अपे लगा अले भगवानले धनियाबादगोड ञवनतना अरू भगवानराः नाःआ सरवनरेकू बिसवासगेता अपेराः इंदरीरे बुतागोड ञवनता।

2 एहुना 1:2

भगवानराः सताय सरवन अबूराः बिसवास बड़ियाड़गोडता अरू हना सरवन सगर सइट वरी अबू जीवरे दोनोहोनता।

1 एहुना 3:24

भगवानराः हुकुमे मनाःता हाँयग होड़ भगवान सुदा मिनी इदानिया अरू भगवान हों हाँय सुदा मिनी इदानिया। भगवान अबू लगाय एमेकिरिया हाँयग सुद बिरुवातेबू सुदीयता, भगवान अबू सुदा मिनी इदानिया, माःआन।

1 एहुना 2:28

ने ईंगरिकुःआ लइंकू इया होड़कू, ईंग अपे एचेरेयिंग कतायतना, मसी सुदापे सनालाव ञवन, दो हाँय सेरमो देस अते कुदा वेग मेला, अपे डीड़तेपे दोहोनता अरू ओरोपे गियूनेना।

1 पतरस 1:23

अपेराः नँवा जनम तोनोंगाः लाय जुवाःता हना जिनिसते मेर होयागना, मनदो जीव एमेयता अरू कहियो ओरो टगावनेना हना भगवानराः सरवनते होयाकिया।

कुलूसी 2:6

दो अपे ईसू मसी, परबू माःआनपे मनेवाडिया, हनन इया हाँयराः कता मनाः घड़ीनपे सलाव ञवन।

एहुना 14:17

हान सतायराः बिरुवा हवे। चउंदीसरिकुःआ होड़कू हान मेरकू ञेल अवेयता अरू मेरकू सुदी अवेयता। हनालगा हँकू हाँयराः कता मेरकू मनेवाता। मनदो हाँय अपे सुदा इदानिया अरू हाँय अपे सुदाय दोनोहोगोड ञवनता। हनालगा अपे हाँयपे सुदीयता।

इपीसी 4:21

अपे हाँय बदीरेपे अयूमबाःकेरा अरू चेडदार होड़कू अपेकू चेडतेरा, हना कता ईसू मसीराः सनाताय चेडतो हवे।

एहुना 4:14

मनदो ईंग एमेयता, हना दाः तोनोंगीग ञूय दो हाँय सगर सइट जूग वरी ततंगतो ओरोय दोहोनेना। सनातायरे, ईंग हाँयिंग एमेवाता, हना दाः हाँयराः इंदरीरे दाः सूती इया तू ञवनता अरू हना दाः हाँय ओरो टुटीगनेना हना जीव अगी गोःयायता।”

1 तिमुतियूस 2:7

ईंग सनातायिंग ककतातना, मेरिंग लबरातना, नपाय सरवन जमा होड़कू एचेरे परसारगे लगा अरू ईसूरीग मूक चेला होयाः लगा भगवान सुनावकिडिंगखन बेगर एहूदाकू एचेरे भगवानराः सताय अरू बिसवासगेःआ सरवन चेड लगा ईंगे जिमावारा।

मती ओजाःतेरा भगवानराः नपाय सरवन 13:11

दो ईसू कतातेड, “भगवानराः राइजराः ओकोत कताकून सुदी लगा अपे लगा भगवान कनहूने एमेकेरा, मनदो हँकुःआ होड़कू लगा कोवान।

एहुना 6:45

भगवानराः बड़रा कता होड़कूराः कागदरे नाःआ इया ओजाःतो इदा, भगवान हँकुःआ जमा होड़कूय चेडकूता। अपांग भगवानतेकू अयुमेता अरूकू चिडुःता हँकू, ईंग एचेरेकू वेगता।

एहुना 14:16

अरू ईंग अपांग एचेरेयिंग अरजीगेता अरू हाँय अपे लगा अरू एटाःयीग संघरादारे वारता। हाँय अपे कहियो ओरोय अड़ाःतेडपेःआ।

1 कुरिंती 2:12

अबूराः ओंगोल चउंदीसरिकुःआ होड़कूराः ओंगोल इया कोवानेःआ, मनदो भगवान अनँयगराः बिरुवा अबू जीवरेय एमेकेरा, जेमहा भगवान अबू जीव लगा नपाये एचेकेरा हना बदीरेबू बुझाव अवेन।

2 कुरिंती 1:21

हनाँयग भगवान हमा अपे अरू अले ईसू मसीरे बिसवासरेय बड़ियाड़गोडबूता अरू अनँयग लगाय एटाःकेडबुःआ।

1 तिसलूनिका 4:9

अरू अलार-दुलार होड़ेंग लगा भनगवान अतेपे चेडकिया। हनालगा अपे अलार-दुलार होड़ेंग बदीरे ईंगके ओओजाः लगा कोवानेःआ।