1 एहुना 2:16 - Korwa Bible

¹⁶ चउंदीसरिकुःआ होड़कूराः बेलूर ललची ओंगोलकून अरू तोनोंगाः जिनिसकून गोगोः लगाकू रोयोँनता अरू होड़कू अँकूराः जिनिसकून अरू बुता बदीरेकू बड़वारता, नाःआ जमा लूर-नेवन अबूरीग अपांग भगवान अगीते कोवान ननदो कलउ अगीते होयाःता।

1 एहुना 2:16 Referans Kwoze

रूमी 13:14

अपेराः इंदरी कसूर लूर-नेवन इया जियाः लगा चहाःता, मनदो अपे हनानाः ओंगोल इया अलोपे सलाः अरू नँवा सोनहेपे तुसिंगता हनन इया ईसू मसीपे तुसिंगका।

गलातिया 5:17

अबू जीवराः बेलूर ओंगोल अरू सुद बिरुवाराः ओंगोल, नाःआ बनर कहियो खाप मेर जोमता। हनालगा अबू नपाय ओंगोलते जियाः लगाबू चहाःता, हना अबू मेरबू एचे अवेयता।

इपीसी 2:3

मड़ंगरे नाःआ इयाःआ बेलूर ओंगोलरे अबूराः लूर-नेवन हों दोहोना। अबूराः ओंगोल अरू देहराः हिछा इयाबू एचेगोड ञवना, अरू अबू हों हँकुःआ होड़कू इया भगवानराः डंड पवाः जुकूरबू दोहोना।

एकूब 3:15

नाःआ इयाःआ कनहून भगवान अगीते मेर होयाःता, मनदो नाःआ चउंदीसरिकुःआ होड़कूराः हवे। नाःआ इयाःआ ओंगोल मनुवाकूराः अरू कलउराः ओंगोल हवे।

1 पतरस 2:11

ने ईंगरिकुःआ सउंगताकू, अपे नाःआ चउंदीसरे दुरीन देसरिकुःआ होड़कू इयापे दोहोनतना। हनालगा अपे एचे कसूरगे लगा लहरावपेता हना बेलूर ललची ओंगोलकून अड़ाः एंडाय लगा गोड़न-पइयनकेडपेखनिंग असेयतना।

2 पतरस 2:10

अँननकूराः बेलूर बुता ओंगोल इयाकू सलाःता अरू हातपात होड़कूकू आड-बेकारवाता, हँकुःआ होड़कू बदीरे नाःआ कता सताय हवे। हँकू बड़वारताकू अरू अँननकूराः मनबिदियारेकू दोहोनता। हँकू सेरमो देसरिकुःआ बराहीलकू हों ओपताकू लगा मेरकू बोरता।

तितूस 2:12

जेमहा भगवानके मंजूर कोवानेःआ हना चउंदीसराः जमा बरानाः बेलूर ओंगोलकून अड़ाःकेडखन नाःआ जूगरे अबू अँननबूराः जीव संभाड़गे घड़ीन सतायते अरू भगवानराः ओंगोल इयाबू जियाः।

2 पतरस 2:18

हँकू बेगर लूरराः बड़वार कताकूनकू कतायता। अरू हँकूराः सनहा-सनहिःआ बुताते, कसूर होड़कू अते निःईमिन लगाकू बनसावयना हँकुःआ होड़कू, देह दगलीकूनराः चाहाःतेकू एचे बझावगोडकूता।

1 पतरस 1:14

अपे भगवानराः कता मनावतो लइंकू इदानपेःआ। हनालगा अनसिनहारपे दोनोहोन मेलाराः बेलूर ओंगोलकून अपेराः जीवरे अहापे मेसा ओवा।

तितूस 3:3

मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।

मती ओजाःतेरा भगवानराः नपाय सरवन 5:28

मनदो अपे ईंगपे अयूम, तोनोंगीग होड़ बेलूर ओंगोलते तोनोंगीग अइमीय ञेल दो, हाँय हाँयग अइमी सुदा अनँयग इंदरीरे सनहा बुताय एचेगोतेरा।

लूका 4:5

हना तयोमते कलउ ईसू सेरमोय गोःयाडीग अरू हाँय मिनी बेलारे चउंदीसराः जमा देसकूने उदुःवातेरिया,

गलातिया 5:24

ईसू मसीरिकुःआ होड़कू अँननकूराः बेलूर ओंगोलकून अरू ललचीराः कसूर लूर-नेवन, कुरूसरेकू ठोंकावतेडखनकू अड़ाः एंडागोतेडा।

मती ओजाःतेरा भगवानराः नपाय सरवन 4:8

हना तयोमते कलउ ईसू मीटोंग मुरुक उसूल पहाड़रेय गोःयाडीग अरू हाँय चउंदीसराः जमा देसकून अरू हना देसकूनराः आन-धाने उदुःवातेरिया।

1 कुरिंती 10:6

नाःआ जमा कता अबू लगा सेताव इया इदा, जेमहा अबू हँनकुःआ होड़कूराः बेलूर ललची ओंगोलरे अलोबू सेन।

एकूब 4:16

मनदो अपे अँननपे अपे मरंगपे ओंगलुःता अरूपे बड़वारता। हना इयाःआ बड़वार जमा दो बेनेलूर इदा।