1 एहुना 1:8 - Korwa Bible

⁸ अबू अँननबूराः बदीरेबू कतायता, ईंग मेरिंग कसूरगरा, माःआन दो अबू अँननबू अडिग जोमता अरू अबूराः जीवरे सताय कता कोवानेःआ।

1 एहुना 1:8 Referans Kwoze

रूमी 3:23

जनामा होड़कू कसूरकेरा, अरू भगवानराः ओंगोल इयाःआ मान मरजइत जीव, मेरकू जियाव अवेनता।

एकूब 3:2

अबू जमाकू मुरुक गारबारबू एचेयतना। मनदो अनँयग आहे संभाड़ अवेयता हाँयग होड़ बेगर गारबारीग होड़ दोहोनता। अरू उरिगकूराः तोतोँड़ाकू तोलकूता हनन इया हाँय अनँयग आँयगराः जमा देहे संभाड़ अवेयता।

1 एहुना 2:4

तोनोंगीग होड़ कताय, ईंग भगवानिंग सुदीयतना, माःआन मनदो हाँय भगवानराः नियम मेरेय मनाःता दो हाँय लबरा होड़ हवे अरू भगवानराः सताय कता मेरेय सुदीयतना।

1 एहुना 1:10

अबू कतायता, अले तोनोंगाः कसूर मेरले एचेगरा माःआन दो, अबू भगवान लबरा होड़ इदानिया माःआनबू कतावायता अरू हाँयराः कता मेरबू मनेवाता।

गलातिया 6:3

मनदो अपे अते तोनोंगीग होड़ हुडिंग इदानीग हों, हाँय अनँयग आँयगते मरंगे उंगलुःता दो हाँय अनँयग अडिग जोमता।

एकूब 1:26

तोनोंगीग होड़ ओंगलेतना, ईंग भगवानराः ओंगोल इयायीग होड़ हवे, मनदो हाँय सोझायीरे बड़राता दो हाँय अनँयग आँयग अडिगगुःतना अरू हाँयराः लूर-नेवन भगवान जुकूर कोवानेःआ।

1 तिमुतियूस 6:5

नाःआ इया होड़कू अनभनिया कड़ीगकू रेमगोडता। अरू हँकूराः जीव आडतो इदा अरू हँकू मेरकू सुदीयता सताय चिला हवे। हँकू ओंगलेता, धरमराः दूररे मुरुक नफा इदा, माःआन।

1 कुरिंती 3:18

अपे अँननपे अहापे अडिग जोम। अपे अते तोनोंगीग नाःआ चउंदीसराः ओंगोल इया कनहूनदारे ओंगलुःतान दो, हाँय मड़ंग अनँयग बेगर कनहूनदारे ओंगलुः, हनेःएना कनहूनदारे बड़ाँव अवेनता।

2 एहुना 1:2

भगवानराः सताय सरवन अबूराः बिसवास बड़ियाड़गोडता अरू हना सरवन सगर सइट वरी अबू जीवरे दोनोहोनता।

1 एहुना 1:6

अबू अंदरारे दोहोन इया बेलूर बुताबू एचे ञवनता अरूबू कतायता, अले भगवान सुदा मिनी इदानलेःआ माःआन दो, अबू लबरातना अरू अबू सताय कता इया मेरबू सलाःतना।

एकूब 1:22

भगवानराः सरवन अअयूम एकलाते अँननपे अपे अडिग जोम होड़कू अलोपे बड़ाँः। मनदो हना सरवन इयाकू सलाःता हँकुःआ होड़कूपे बड़ाँः।

2 तिमुतियूस 3:13

मनदो बेलूर होड़कू अरू लबरा चेडदार होड़कू एटाः होड़कूकू अडिगता अरू अँननकू अडिग जोमकेडखनकू अनाड इदीनता।

3 एहुना 1:3

आम अगीते ईंग एचेरेकू वेगकिया हँकुःआ बिसवासी होड़कू कता उदुःतेरा, गयूस सताय सरवनराः बिसवासगेयीग होड़े दोहोना अरू हना सताय सरवन इयाय जियाःतना, माःआन। नाःआ बड़रा अयूमकेडखन ईंगराः जीव मुरुक बहालयना।

2 पतरस 2:13

हँकू एटाः होड़कू सुदा बेलूरकू एचेकेरा अरू भगवान हँकू लगा बेलूरे एचे कुदायता। हँकू दिनीने दिनरे बेलूर बुता बुता घड़ीन जोम-ञूय लगाकू ननायगुःता। हँकू अपे सुदाकू जोम ञूयता दो अपे लगा दगी अरू जोरोड इयाकू दोहोनता।

एहुना 8:44

कलउ अपेरीग अपांग हवे अरू हाँयराः ओंगोल इया एचेय लगापे चहाःता। हाँय मनाड़ंग वरीते होड़कूय ञेड गोएगता अरू तोनोंग इयाःआ सताय हाँय एचेरे कोवानेःआ। हनालगा हाँय भगवानराः सताय सरवने हिनइस-बिनइसवाता। हाँय लबरा इदानिया अरू जमा बरानाः लबरा हनाँय अगीते उडुंगगुःता। हनालगा हाँय अनँयगराः लूर-नेवन इया लबरा बड़राय कतागोड ञवनता।

रूमी 3:10

भगवानराः कागदरे ओजाःतो इदा, “तोनोंगीग नपाय कोवाया, मी होड़ीग हों कोवाया।

1 एहुना 4:20

तोनोंगीग होड़ कतायता, ईंग भगवानिंग दुलारतना, माःआन। मनदो एटाः बिसवासी होड़कू मेरेय अलार-दुलारकूता, हाँय लबरा होड़ हवे। तोनोंगीग होड़ हाँय सुदाय दोहोनता हाँयग बिसवासी वगात मेरेय अलार-दुलार अवेयता दो मेरेय ञेलगरिया हाँयग भगवान हाँय करा इयाय अलार-दुलार अवेय?