1 एहुना 1:10 - Korwa Bible

¹⁰ अबू कतायता, अले तोनोंगाः कसूर मेरले एचेगरा माःआन दो, अबू भगवान लबरा होड़ इदानिया माःआनबू कतावायता अरू हाँयराः कता मेरबू मनेवाता।

1 एहुना 1:10 Referans Kwoze

1 एहुना 1:8

अबू अँननबूराः बदीरेबू कतायता, ईंग मेरिंग कसूरगरा, माःआन दो अबू अँननबू अडिग जोमता अरू अबूराः जीवरे सताय कता कोवानेःआ।

1 एहुना 5:10

भगवानरीग बेटात एचेरेय बिसवासगेतना हाँयग होड़ अनँयग जीवरेय सुनुदीयतना भगवानराः हिदइत सताय हवे माःआन। भगवानराः कता मेरेय मनाःता हाँयग होड़ ओंगलेता, भगवान लबरातना, माःआन अरू भगवान आँयग बेटात बदीरेय कताकेरा हना कता हँकू मेरकू बिसवासगेतना।

1 एहुना 2:4

तोनोंगीग होड़ कताय, ईंग भगवानिंग सुदीयतना, माःआन मनदो हाँय भगवानराः नियम मेरेय मनाःता दो हाँय लबरा होड़ हवे अरू भगवानराः सताय कता मेरेय सुदीयतना।

2 एहुना 1:2

भगवानराः सताय सरवन अबूराः बिसवास बड़ियाड़गोडता अरू हना सरवन सगर सइट वरी अबू जीवरे दोनोहोनता।

1 एहुना 2:14

ने ईंगरिकुःआ लइंकू इया होड़कू, अपे अबूरीग अपांग भगवानपे सुदीयतना। ननानाः लगा अपे लगा ईंग ओजाःगेतना। ने सपायाड़कू इया होड़कू, अपे नाःआ चउंदीसराः मनाड़ंगतेय दोहोना हाँयग भगवानपे सुदीयतना। ननानाः लगा अपे लगा ईंग ओजाःगेतना। ने डिंघा होड़कू, भगवान एचेरे अपेराः बिसवास बड़ियाड़ इदा अरू अपे जीवरे भगवानराः सरवन जमा बेला दोहोनता, अरू बेलूर इदानिया हाँयग कलउपे हरुवावकेरा। ननानाः लगा अपे लगा ईंग ओजाःगेतना।

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

1 एहुना 4:4

ने ईंगरिकुःआ लइंकू इया होड़कू, अपे भगवानरिकुःआ हवे। अपे एचेरे इदा भगवानराः सुद बिरुवाराः जंगर नाःआ चउंदीसरिकुःआ होड़कूरीग राजा कलउराः जंगर अते मरंग इदा। हनालगा हँकुःआ मुदइकूपे हरुवावकेडकुःआ।

एहुना 3:33

भगवानराः कताय मनाःता हाँयग होड़ भगवान सताये कतायता माःआने उदुःबाःकाता।