1 कुरिंती 9:5 - Korwa Bible

⁵ पतरस अरू ईसूरिकुःआ एटाः मूक चेलाकू अरू ईसूरीग बोहोत, हँकू अँननकूरिकुःआ एपेराकू सुदा ईसूराः नपाय सरवनकू कता उदुःता। दो हँकू इया अलिंग हों ओरोलिंग एचे अवेतेरा जा?

1 कुरिंती 9:5 Referans Kwoze

एहुना 1:42

हना तयोमरे अंदरियास, ईसू एचेरे सिमोने गोःयाडीग। दो ईसू, सिमोन ञेलतेडखने कताया, “आम एहुनारीग बेटात सिमोन हवे। आम कइपा माःआनकू कतावामता।” (कइपाराः मतलोब मरंग दिरि हवे अरू हान उनानी भासीरे पतरस माःआन इदा।)

मती ओजाःतेरा भगवानराः नपाय सरवन 8:14

ईसू सिमोन पतरसराः ओड़ाःरेय सेनेडा अरू पतरसरीग हनहार जारते गेतेगतोय दोहोना।

इबरानी 13:4

सनहा-सनही होड़कू अरू बेलूर बुता होड़कू जमाकू भगवान डनंडियावकूता। हनालगा बियाह जमाकू मड़ंगरे मनन मरजइत इदा माःआनपे ओंगोलबाःका अरू बियाहराः डरी डसना सुनुदपे दोहोय।

गलातिया 1:19

हंडा ईंग परबू ईसूरीग बोहोत एकूब अड़ाःवाडखन अरू एटाः तोनोंगीग मूक चेलाकू सुदा मेरिंग जुमावगान।

1 कुरिंती 7:39

हेरेलतो जीयत दोहोन वरी एंगातुकू हेरेलतो सुदा हटकावतो दोहोन इदा। हेरेलतो गोएग जुवाः दो हाँय अनँयग हिछा इयाय सगइ अवेनता। मनदो हाँय बिनिसवासी होड़ सुदा एकला सगइगुः लगा इदा।

1 कुरिंती 7:7

हनते हों ईंग चहाःतना, जमा मरदकू इनिंग इया बेगर बियाहतेकू दोहोन। मनदो जमा मरदकू भगवान अते एटाः एटाः इयाःआ दहिनकू पवावकिया, मी होड़ लगा मी बरानाः अरू एटाःयीग लगा एटाः बरानाः।

मूक चेलाकू 1:14

हँकुःआ होड़कू ईसूरीग एंगात मरियम अरू आँयग बोपोहकू अरू एटाः बिसवासी अइमीकू सुदा घड़ी घड़ी मिनी जीवकियानखन अरजीगोड ञवना।

तितूस 1:6

तोनोंगीग होड़ बेगर गारबारीग इदानिया अरू मिनीटोंग अइमी अअसूलता हनाँयग होड़ अगुवा बुता बुतागे लगाम सुनावगेय। अरू हाँयरिकुःआ लइंकू बिसवासी दोहोन इदा अरू तोनोंगीग अहाय ओपताकू, नँकू तुड़ेंग-तपेग इदानकुःआ अरू एंगात अपातराः बड़रा मेरकू अयुमेता, माःआन।

1 तिमुतियूस 5:2

आम मरंग अइमीकू एंगाम इयाम ओंगोलकू अरू सुद ओंगोलते हुडिंग धंगड़ीकू अनम मेमेसकूताम इयाम ओंगोलकू।

1 तिमुतियूस 3:2

दो कलसियारीग मूक होड़ बेगर गारबार होड़ अरू मिनीटोंग अइमी अअसूल इदा। हाँय ओंगोल समझाः होड़ अरू मान मरजइतगेयीग, नेत-नेवारगेयीग अरू नपाय चेडदारे दोहोन।

1 कुरिंती 7:15

भगवान अबू हेल-मेलरे दोहोन लगाय राःकेडबुःआ। हनालगा तोनोंगीग अइमी सहे मरद परबू एचेरे मेरेय बिसवासगेतान अते बियाह हटकावकियाय हना अड़ाः एंडागे लगाय चाहाःतान दो, हनन इया होनोया ओवापे। हनते हाँयग अइमी सहे मरद बियाहनेनाकिन हना अटकाररे मेरकिन दोहोनता।

1 कुरिंती 1:12

ईंग नाःआ कता ननानाः लगायिंग कतायतना, अपे अते अदोमकूपे कतायता, ईंग पउलूसरीग चेला हवे; अरू तोनोंगीग कतायता, ईंग अपोलोसरीग चेला हवे; अरू तोनोंगीग कतायता, ईंग कइपारीग चेला हवे; अरू तोनोंगीग कतायता, ईंग ईसू मसीरीग चेला हवे, माःआन।

रूमी 16:1

ने अजी बोपोहकूतिंग, अपे ईंगपे अयूम। पीबे ञावीग मी होड़ अइमी इदा। हाँय किंकिरिया सहरराः मीटोंग कलसियारीग सेवकीन हवे।

एहुना 2:12

हना तयोमते ईसू आँयग एंगात, बोपोहकू अरू चेलाकू सुदा कपरनहूम सहर तोराकू। अरू हँकू हंडा तोनोंग दिन वरीकू दोहोना।

लूका 6:15

मती अरू तोमा, हलपाइरीग बेटात एकूब अरू जेलोतेस माःआनकू कतावायता हाँयग सिमोन,

मरकूस 6:3

दो नाँय हाँयग मरियमरीग बेटात काट मिसतिरी ना लवे जा, अरू एकूब, ओसेस, एहूदा अरू सिमोन नाँयरिकुःआ बोपोहकूतेन ना लवे जा? नाँयरिकुःआ मेमेसकू हों अबू गाँवरेकू दोहोनता।” नानाः लगा हँकुःआ होड़कू हाँय मेरकू मनेवागडीग।

मरकूस 1:30

दो सिमोनरीग हनहारतो जाररेय दोहोना अरू हँकू ईसू एचेरे हाँय नपायगेय लगाकू असेया।

मती ओजाःतेरा भगवानराः नपाय सरवन 13:55

नाँय काट मिसतिरीरीग बेटात ना लवे जा? नाँयरीग एंगात मरियम अरू नाँयरिकुःआ बोपोहकूतेन एकूब, उसूप, सिमोन अरू जूदा ना लवे जा?

1 तिमुतियूस 4:3

हँकुःआ लबरा होड़कू, होड़कू बियाहगुः अते अरू तोनोंग तोनोंग जिनिसकून जोम अतेकू रोंकावकूता। मनदो भगवान जमा जोम जिनिसकून, सतायकू सुदीयता हँकुःआ बिसवासी होड़कू, हाँय जागगेय घड़ीन जोम लगाय तुलाकेरा।

1 कुरिंती 7:8

डिंडाकू अरू रंडियाहीनकू लगा ईंगराः सलाह ननानाः हवे, अपे इनिंग इया डिंडापे दोहोन दो ननपाय दोहोनता।

लूका 8:20

तोनोंगीग ईसू एचेरेय कताया, “आम एंगाम अरू बोपोहकूताम आम सुदा जुमाः लगा बहरीकू चड़ाँकिया।”