1 कुरिंती 9:25 - Korwa Bible

²⁵ एनेगताकू हँकुःआ होड़कू गोसो जुवाःता हना सकमराः खोपा इमान पवाः लगा जमालेःआ मुरुक सहाव घड़ीनकू पिरिसटिकगेता। मनदो अबू कहियो ओरो कहीनेना हना इमान पवाः लगा सहाव घड़ीन भगवानराः बुताबू एचेयतना।

1 कुरिंती 9:25 Referans Kwoze

2 तिमुतियूस 2:5

तोनोंगाः एनेगरे नियम इया मेरेय एनेगतान दो हाँयग होड़ इमान मेरेय पवाःता।

उदुःतो कताकून 2:10

कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।

1 तिमुतियूस 6:12

बिसवास लगा मिहनइत घड़ीनमे लड़ाइ। बगरा होड़कू तलारे कबुलाः घड़ीनमे कता उदुःतेड मेला, ओरो टुटीगनेना हना जीव एमेवाम लगा भगवान राःतेडमेःआ हनानाः जीवराः दूररेम सलाव ञवन।

उदुःतो कताकून 3:11

ईंग ओनोहेन वेग लगा इदानिंगा। अपे एचेरे इदा, हना बिसवासरेपे सनालावगोड ञवन, जेमहा तोनोंगीग अपेराः पगरी अलोकू उतराव अवेय।

एकूब 1:12

अपेराः बिसवास बदीरे अंदजाव होयाः मेला, सहाव घड़ीन बिसवासरे बड़ियाड़े दोहोनता हाँयग होड़राः जीव, भगवान ननपायगेता। तयोमरे हाँय लगा ओरो टुटीगनेना हना जीवराः इमान भगवान एमेयता। भगवानकू दुलारता हँकुःआ होड़कू हना इमान एमे लगाय जबानकेरा।

2 पतरस 1:6

अरू कनहूनदारपे दोहोन मेला अपेराः जीव ओंगोल समझाव घड़ीनपे दोहोगे, अपे ओंगोल समझाव घड़ीन जीवपे जियाः मेला अपे जमा बेला सहाव घड़ीनपे दोहोन। अरू सहाव घड़ीन दोहोन मेला भगवानराः ओंगोल इयापे दोहोन।

1 पतरस 5:4

दो बिसवासी होड़कूरीग मूक सरवाहा, ईसू मसी कुदा वेग मेला, अपे लगा कहियो ओरो गोसोनेना हना मुरुक मान मरजइतगे इयाःआ इमाने एमेवापेता।

1 पतरस 1:4

अरू भगवान अनँयगरिकुःआ होड़कू लगा सेरमो देसरेय दोहोकेरा कहियो ओरो सेयानेना सहे ओरो बेलूरनेना सहे ओरो बदलावनेना हना इताड पवाः लगाबू असरागोड ञवनतना।

गलातिया 5:23

सुधा होड़कू अरू जमा बरानाः ओंगोल समझाः होड़कूबू बड़ाँःता। नाःआ इयाःआ लूर-नेवन बदलारे, तोंनोंगाः नियमकून कोवानेःआ।

इबरानी 12:28

मेर झिकोड़गुःता हना राइजबू पवावतना। हनालगा भगवानबू धनियाबाद अरू हाँयबू मान मरजइत अरू अकूस मनाः घड़ीन हाँय ननाँय जुवाः इयाबू जागगेय।

इबरानी 12:4

कसूर अते जीताः लगा अपे अते तोनोंगीग नुँहू वरी बलंगी मेरपे तूगड।

1 कुरिंती 15:54

तयोमरे अबूराः नाःआ देह बदलाव जुवाःता अरू हना नँवा देह कहियो ओरो सेया लाय एंडानेना। नाःआ इया होयाः दो भगवानराः कागदरे ओजाःतो इदा हना सरवन पुराव जुवाःता। “भगवान जितावयना, दो नुँहू वरीते गुजुः रोंकावबाःयना।”

उदुःतो कताकून 4:10

हनमेला गदीरेकू दुड़ुःता, हँकुःआ मी कुड़ी चइरगोटोंग मूक होड़कू, हँकू, सगर सइट लगा जिनियत इदानिया हाँय मड़ंगरे, अँननकूराः पगरीकू मंडावकेरा अरू तबेरकेडखनकू जागगेयता,

उदुःतो कताकून 4:4

हाँयराः गदीराः चइरो गतर चूबीसगोटोंग गदीकून दोहोना। अरू हना गदीकूनरे मी कुड़ी चइरगोटोंग मूक होड़कू उजड़ सोनहे अरू सोनाराः पगरी तुसिंगकेडखन दुड़ुःतोकू दोहोना।

तितूस 1:8

मनदो हाँयग मूक होड़ नेत-नेवारकू लगा इदा अरू नपाय बुता एचेगे लगा मंजूरे दोहोन। हाँय सताय, सुद अरू ओंगोल समझावीग होड़ दोहोन लगा इदा अरू तुड़ेंग-तपेग होड़ अलोय होयाः।

तितूस 2:2

सपायाड़कू अँननकूराः जीव संभाड़गे लगा अरू नपाय सुरताते बिसवासरे बड़ियाड़ अरू अलार-दुलारते अरू सहाव घड़ीनरे मान मरजइतगे इयाकू जियाः लगाम चेडकू।