1 कुरिंती 9:18 - Korwa Bible

¹⁸ दो ईंगराः इमान चिला हवे? ईंग नपाय सरवन बेगर दामतेयिंग परसारगेता अरू सरवन परसारकेडखन हनाराः इमान पवाः लगा अपे एचेरे ईंगराः हकतियार मेरिंग उपयोतगेता। अरू हनानाः ईंगराः इमान हवे।

1 कुरिंती 9:18 Referans Kwoze

1 तिसलूनिका 2:6

अले ईसू मसीरिकुःआ मूक चेलाकू इदानलेःआ अते अपे बोझान लगाले एमे अवेकेःआ। मनदो अपे सहे एटाः होड़कू अलेकू भल-भलायवा लगा मेरले चाहावगान।

1 कुरिंती 8:9

अपे जमालेःआ अँननपेराः ओंगोल इयापे एचे अवेयता। मनदो अबड़ जीव होड़कू एचे कसूरकू अते सवासितीपे दोहोन।

2 कुरिंती 4:5

अले अँननले बदीरे कोवान मनदो ईसू मसी, परबू हवे माःआनले परसारगेता, अरू हाँय लगा अले अपेरिकुःआ सेवकियाकू इदानलेःआ।

1 कुरिंती 10:33

ईंग इनिंग ननायगुः अते एटाः होड़कू ननाय जुवाः लगा जमा बेलायिंग कुरनिसगेता। ईंग इनिंगराः नफा मेरिंग ओंगलेता, मनदो एटाः होड़कू सडाव जुवाः लगा हँकूराः नफायिंग ओंगोलता।

1 कुरिंती 7:31

अरू चउंदीसराः जिनिसकूनकू एमे होड़ेंगता हँकुःआ होड़कू चनउंदीसराः जिनिसकून लगा टक-टक अलोकू दोहोन। नाःआ चउंदीस नुँहुःआ बेला वरीते अनाड इदीनतना।

रूमी 14:15

आम तोनोंगाः जिनिस जोम अते तोनोंगीग होड़राः बिसवास अबड़ जुवाःतान दो, आम हाँय मेरेम दुलारगेयता। ईसू मसी हाँयग होड़ लगा होंय गोएगनेना। हनालगा आम तोनोंगाः जिनिस जोम अते हाँयराः बिसवास अलोम लायगे।

एहुना 4:36

इईरीग होड़ बुतातना अरू हनाराः मंजूरीय गोःगोतना अरू ओरो टुटीगनेना हना जीव लगाय बटुड़ाव अदेरगेतना। नाःआते वेवेरीग होड़ इईर होड़ सुदा बना होड़किन बहाल जुवाःता।

मूक चेलाकू 18:3

हँकिनराः पेनेसा कुंबा तुला लगा दोहोना, अरू हना बुता पउलूस होंय एचेया। हनालगा पउलूस हँकिन सुदाय दोहोना अरू हना बुताकू बुताःआ।

1 कुरिंती 3:8

रोपायता हाँयग होड़ अरू दहवेता हाँयग होड़, हँकिन बना होड़राः ओंगोल मिनी दोहोनता, अरू जमाकू अँननकूराः बुता इया बनीकू पवाःता।

1 कुरिंती 9:12

ईसूरिकुःआ एटाः मूक चेलाकू अपे अते नफाकू पवाव अवेन दो अलिंग अपे अते अरू बगरा नफा पवाः लगा हातपात इदा। हनते हों अलिंग मेरलिंग हातपातगाड, मनदो अलिंग जमा बरानाः कटसियालिंग सहवेता, जेमहा ईसू मसीराः नपाय सरवन अपे बिसवासगे लगा अलिंग अगीते तोनोंगाः टटी-बेड़ा अहा होयाः।

1 कुरिंती 9:15

मनदो ईंगराः गुजर मसर सलाव लगा नाःआ इयाःआ तोनोंगाः मेरिंग हकतियारगाड। अरू नुँहू वरीते अपे अते नफा पवाः लगा हों नाःआ इया मेरिंग ओजाःगेतना। ईंग इनिंग मिहनइतकेडखन ईंगराः गुजर मसरिंग सलावता हना बदीरे ईंग मेरिंग बड़वार अवेकुः दो ईंग गोनेग जुवाः नपाय इदा।

1 कुरिंती 9:17

ईंग इनिंगराः हिछातेयिंग परसारगेतान दो हनाराः इमानिंग पवाःता। मनदो ईंगे जिमेवारा, हनालगा ईंगके पपरसार पनाराःता।