1 कुरिंती 9:12 - Korwa Bible

¹² ईसूरिकुःआ एटाः मूक चेलाकू अपे अते नफाकू पवाव अवेन दो अलिंग अपे अते अरू बगरा नफा पवाः लगा हातपात इदा। हनते हों अलिंग मेरलिंग हातपातगाड, मनदो अलिंग जमा बरानाः कटसियालिंग सहवेता, जेमहा ईसू मसीराः नपाय सरवन अपे बिसवासगे लगा अलिंग अगीते तोनोंगाः टटी-बेड़ा अहा होयाः।

1 कुरिंती 9:12 Referans Kwoze

2 कुरिंती 11:12

दो ईंग सेसेवातना हनन इयायिंग सेवागोड ञवनता, जेमहा ईंग सुदा अउल-तउलगुः लगा दोंगकू ञामता हँकुःआ होड़कू अलोकू बड़वार अवेन, अले हों पउलूस इयाले सेसेवातना, माःआन।

1 कुरिंती 9:18

दो ईंगराः इमान चिला हवे? ईंग नपाय सरवन बेगर दामतेयिंग परसारगेता अरू सरवन परसारकेडखन हनाराः इमान पवाः लगा अपे एचेरे ईंगराः हकतियार मेरिंग उपयोतगेता। अरू हनानाः ईंगराः इमान हवे।

1 कुरिंती 9:15

मनदो ईंगराः गुजर मसर सलाव लगा नाःआ इयाःआ तोनोंगाः मेरिंग हकतियारगाड। अरू नुँहू वरीते अपे अते नफा पवाः लगा हों नाःआ इया मेरिंग ओजाःगेतना। ईंग इनिंग मिहनइतकेडखन ईंगराः गुजर मसरिंग सलावता हना बदीरे ईंग मेरिंग बड़वार अवेकुः दो ईंग गोनेग जुवाः नपाय इदा।

1 कुरिंती 9:2

अदोम होड़कू कतायतना, पउलूस ईसू मसीरीग मूक चेला ना लवे, माःआन। मनदो अपे ईंग ईसूरीग मूक चेला हवे माःआन अपे जीवरेपे ओंगोल दोहोबाःकाडिंगा। अपे ईसू एचेरेपे बिसवासकेरा हना ञेलकेडखन होड़कू सुदींगता, पउलूस ईसू मसीरीग मूक चेला हवे, माःआन।

2 कुरिंती 11:20

हँकू अपे बेगारी होड़कूकू बड़ाँवगोडपेता, अरूकू अडिग एंडागोडपेता, अरू अपे अते नफाकू उडुंगता, अरू अपे मड़ंगरे हँकू अँननकू मरंगकू बड़ाँःता, अरू अपेकू चपड़ता हों अपे हँकूपे सहावयाता।

2 कुरिंती 6:3

अलेराः सेवा बेगर गारबारते दोहोन लगा अले तोनोंगीग होड़राः बिसवास दूर मेरले रेडता।

1 कुरिंती 6:7

अपे एचेरे तररा-तररी होयाःतना दो अपे मनाड़ंगते हरावतो इदानपेःआ। अपे तोनोंगीगराः गारबार चिला लगा मेरपे सहवेता?

रूमी 15:22

ईंग नपाय सरवनिंग परसार उदुःगेःआ। हनालगा ईंग अपे एचेरे रूमी सहररे सेन अते घड़ी घड़ी ईंग रोंकावयान।

मूक चेलाकू 18:3

हँकिनराः पेनेसा कुंबा तुला लगा दोहोना, अरू हना बुता पउलूस होंय एचेया। हनालगा पउलूस हँकिन सुदाय दोहोना अरू हना बुताकू बुताःआ।

लूका 11:52

ने नियम चेडदार होड़कू, अपे दोपे ठीकयान। होड़कू भगवान सुदीगेराः कनहूनकू पवाः अते हँकूपे रोंकावतेडकुःआ अरू अँननपे भगवान मेरपे सुदीगेयतना। अपे अँननपे सेरमो देसरे मेरपे बोलता अरू एटाः होड़कू हों सेरमो देसरे बोलो अतेपे रोंकावकूता।”

1 कुरिंती 9:14

हनन इया नपाय सरवनकू परसारता हँकुःआ होड़कूराः गुजर मसर नपाय सरवन पनरसार परसारते होयाः लगा इदा। नाःआ कता पनरबू हमाय हुकुमकेरा।

1 कुरिंती 9:16

ईंग नपाय सरवनिंग परसारतान दो नाःआ बदीरे बड़वार लगा ईंग एचेरे तोनोंगाः दूर कोवानेःआ। पपरसार लगा इनिंगके गरज इदा। अरू ईंग मेरिंग परसारगेतान दो ईंग जीव ठीक जुवाःता।

1 कुरिंती 13:7

एटाःकूय दुलारता हाँयग होड़ जमालेःआय अयूम पसावगोडता, जमालेःआ मेरेय जाःगेता, जमालेःआ लगाय असरागेता, जमालेःआय सहवेता।

2 कुरिंती 2:12

ईंग तोरोवास सहररे मसीराः नपाय सरवन मुरुक बगरा होड़कू एचेरे परसारगे लगा परबू ईंगे संघरावातेरा।