1 कुरिंती 8:8 - Korwa Bible

⁸ जोम जिनिस अबू भगवान एचेरे मेर इदी सोदोरबूता। अबू मेरबू जोम दो अबूराः कही ओरो आडनेना अरू अबू जोम हों कही नफा ओरो होयानेना।

1 कुरिंती 8:8 Referans Kwoze

रूमी 14:17

भगवानराः राइज जोम ञूय बदीरे कोवानेःआ। मनदो हन भगवानराः ओंगोल इयाःआ सताय कता बदीरे अरू सुद बिरुवा एमेयता हना सलसत अरू बहाल बदीरे इदा।

इबरानी 13:9

होड़कू अपे मसीराः चेडतो अते एटाः एटाःकू चेडपे दो, हनारे अलोपे बहकाःआ। जोजोमराः नियमकून मनावकेडखन अपेराः जीवरे तोनोंगाः नफा ओरो होयानेना। मनदो मसीराः मयाते अपेराः जीव बड़ियाड़गुःता।

1 कुरिंती 6:13

अरू तोनोंगीग कतायता, जोम-ञूय जिनिस दोंगे लगा अरू दोंगे जोम-ञूय जिनिस लगा इदा। मनदो ईंग कतायता, भगवान बनरे लाय एंडागोडता। अरू अबूराः देह दगलीकून सनहा-सनही एचेय लगा कोवानेःआ। अबूराः देह दगलीकून परबूराः हवे। हनालगा अबूराः देह दगलीकून परबू सेवा लगा उपयोतगे लगा इदा अरू हनाँय हवे अबूरीग मालिक।

मती ओजाःतेरा भगवानराः नपाय सरवन 25:15

हाँय मेमेड होड़ एचेरे हँकू एचे अवेयता हनामिने एमेवातेडकुःआ। मी होड़ एचेरे पाँचटोंग सोनाराः रिचकी ढिबुवा, अरू मी होड़ एचेरे बारटोंग सोनाराः रिचकी ढिबुवा अरू एटाः मी होड़ एचेरे मीटोंग सोनाराः रिचकी ढिबुवाय एमेवातेडकुःआ। हनते हाँय लंका देस तोराय।